HOSEA 4:6 - BIBILLYA Mareiyo Meele a Iruva

⁶ Vandu vakwa mmbo vakee vadenge mashika elyi valashiishi. Yeni vakohani mmushiishi-fo, mukalema na ufundo lwakwa, nkyo neeny shamulema yeni, nta vana vany mmbasheva vakohani-fo.

HOSEA 4:6 Iomraidhean Croise

2 MBONY TA FYEERI 15:3

Ni kyeeri kyaasha Vesraeli valenkaa valatiri Iruva wa dede, nta Vakohani va ivalosha, nta mavavaso.

YOBU 36:12

Indi vakara valamwiirikya, mmbo avamamita na usu, na ifwa kya itura urango.

SABURI 119:139

Mmbo shilekuvinisa shimuni shawa, Mashika veetuuro vakwa mmbo valera irero lyafo

SABURI 119:153

Nkyelolaukiva lwakwa kushikire, Mashika nshilerekyo irero lyafo-fo.

SABURI 119:61

Yewo valakee va usumanu vakashaavika nafiwoye, Lyo shilarekyo irero lyafo.

SABURI 18:27

Yewe kwakyira valya vekunyiisa, Na iwunndwa yewo vekutuula.

FYAASO 10:21

Marero a nndu nsaari nnyaviiya veengyi usha, Varung'ani mmbo vafwee vatura urango

FYAASO 19:2

Nkivaa nndu ikaa nalatiri urango fo; Mwienda sere sere mmbo akapaa urende.

ISAYA 1:3

Kyoongo mmbo kyiishi muni kyoongo, na nshungu ukamanya yeto mwiiniinga kyeelya; indi Israeli mmbeeshi-fo, vandu vakwa mmbakeemanya tere-fo.”

ISAYA 17:10

Mashika yewe Israeli mmbo kulerekywa Iruva wafo ulya alekutarama kakukyira. Kwarekkywa turuve ya muu wafo. Kweekyo kwavaaya mafwanu a Baali, neewe kwaivika wakfu kwa maruva a veny,

ISAYA 27:11

Maramba a miri ammuuma neefika-fika, vaka vakashesana-fo ngwi teyaata muro. Kweekyo vandu eva mbalemanyi kindo-fo, kweekyo Iruva muumbi waawo nnyavalyillya-fo nta ivakureekya-fo.

ISAYA 28:7

Mashika kwiifo vakisuku na vakohani vengyi vanangwaa mmbwari, neesinga-singa efo shia kyimaruma kya unangwa; yee vakohani na vakisuku mmbo vananngywa mfinyu, vakafulutwa ni mfinyu, vakasinga-singa kimmba kya wari nnyasi usukukkyo lwawo lukareka, vakateere yuutya vandu uvingo lusumannyi.

ISAYA 29:12

Naakwa kwaniinngya nndu aleeshi isoma kwammbya, “Shisommya kyitabu ekyi,” mmbo akuviaa “Nshiishi isoma-fo.”

ISAYA 3:12

Valya veeyakuya fesa, mmbo vakeesya vandu vakwa, neewo vatiri sie tawo mmbo vakeevalemba. Yeni vandu vakwa, yewo vakeemusongoya mmbo vakeemureta shia, naambo mulamanyi kundo kwaiindukya nafo.

ISAYA 45:20

Kuumbeny mushe ando amwi, yeni va masanga mulellatya na ikirwaa. Mmbatiri urango yewo vakusirya mafwanu awo epasha, veterevaa maruva alashiidimaa ivakira-fo.

ISAYA 5:13

Kweekyo vandu vakwa mmbo vakamarwa mifungwa kyimaruma kya utondo lwawo, vandu vany va-tokyi m mbo vafwaa ni shaa, na vandu maata vawaawa ni nyura.

YEREMIA 2:8

Nta vakohani mmbalekuvesa, ‘N-kwi Nndumi Iruva akai?’ Veesalallya mavavaso vakashirekwa; Vasongoru nawo vakashikapa mungo; Vakisuku nawo vakaawuya fisuku na irina lya Baali, na iindya mafwanu alatiri mbusha.”

YEREMIA 4:22

“Kya indi vandu vakwa mmbo vakee varung'ani, mmbashishi-fo; mmbo vakee vana varung'ani, valeeshi kindo. Mmbo vakee vatakusu itana fya ulyamari, vakalemwa fushu imanya itana mesha.”

YEREMIA 5:21

“Aranyiny, yeni vandu varung'ani na matondo, mutiri miso mulalollye, mutiri maarwi lyo mulashiitaa.

ESEKIELI 44:23

Mmbo vasheloshaa vandu vakwa kilasha kiiyo nnang'ani a findo fyeele na filakee fyeele. Neewoora ngata ya itambashwa findo fitefusu na filakee fitefusu.

HOSEA 13:6

Lyo kwikyifika urukeny usha, kwawuura, kwakurosa neeshirekywa.

HOSEA 2:13

Na kya fyeeri efyo aleshira nshenkaba. Na kya llya alefumbirya Baali uvumba, na yoo alekwaambika na pete maaruny akwe na findo fya wuuru. Yoo ni marero a Nndumi Iruva.”

HOSEA 4:1

Aranyiny-te, Nndumi Iruva atiri mwaandu na vandu va kunu urukeny, nawe mmbo aamba indi, “Nkwiifo dede nta ikunda kunu urukeny-fo. Nta mmbashilollye yeny Iruva-fo.

HOSEA 4:12

Vakaruuya mumuyo wa ukisuku efo findony fyeepasha na maako! Kiri nkyo vai kivavyaa ekyo kivasumanyi imanya! Vanshilema deny. Mmbo vammbaka nka wa shia nawo mmbo vakundye kwa maruva engyi.

HOSEA 4:14

Lyo nta nshishevakapaa kimaruma kyavayo-fo, mashika naakwa nnyeni mmbo mwasora ngata ya utuusi elyi mwaanga iindya maruva any mukatuusa mfyo firaso fya vandu valaishi Iruva. Kyaaso ekyi mmbo kyamuronga, ‘Vandu valatiri umanyo mmbo vasherumakaa.’

HOSEA 5:4

Mitanyi yaawo nnyivalotora waruuye Iruva waawo-fo, mashika utuusi llukee ngoony tawo, nta mbeeshi Nndumi Iruva-fo.

HOSEA 6:6

Ekyo shikundye ni ikunda na imanya Iruva ngota yeende firaso.

HOSEA 7:11

Israeli mmbo avakye mbeta shirung'ani ikabaa pita-pita ruu. Vandu vakwe mmbo vavikye Misri nsia vawonise-fo ngarami, vakooka-fo vakarishya Siria!

HOSEA 7:9

valamanyi sheelyi veny mmbo vambamaa fikya. Nta mmbakeemanya sheelyi kyawo mmbo kyankashaa deny-fo.

HOSEA 8:1

Kaba iranda. Ekawo misa mmbo vakeesha sha uviri urukeny lwakwa! Vandu vakwa mmbo valefisha kyaasa kilya shilevika nawo, vakamina na ufundo lwakwa.

HOSEA 8:12

Mmbo shavareiya mavavaso akwa na ngyufundo shiingyi, lyo vakaamba mfindo fyeny vakamina.

HOSEA 8:14

Vandu va Israeli mmbo vatanyi mmba ta kimangyi, lyo vakarekywa Muumbi waawo. Vandu va Yuda nawo mmbo valetana miri miikare. Lyo mmbo nsherikaa muro weekora mmba yeto na miri yaawo.

HOSEA 9:17

Iruva yeu shikeendundya mmbo ashelemaa vandu vakwa, mashika a elyi valema imwaaranya. Nawo mmbo vashevaa veeraaraa efo masangeny engyi.

Matayo 1:6

Isai kaira mangyi Davidi, Davidi kaira Solomon. Nawe maye ni nka ulya wa Uria.

Matayo 15:14

Vakureeyeny-te! Mmbo vasongoye vafu miso shia vavekee vafu miso wo veni. Na kwakooya mfu miso asongoya mfu miso uroye shia, mmbo vashoolokaa irininy vee vavii.”

Matayo 15:8

‘Vandu yeva ni firomu fyawo vashiinndya nafyo, indi ngoo tawo tikakaa kwaasha neeny.

1 SAMUELI 2:12

Vana valya vavii va Eli vekee vandu vaafu. Nta mmbalelatya ukeemi lwa Nndumi Iruva-fo,