HOSEA 4:3 - BIBILLYA Mareiyo Meele a Iruva

³ Nkyo uruka mmbo lukeesia, wo kindo kiifo kifwe, mafisi, ndeye naakwa mmakunga.”

HOSEA 4:3 Iomraidhean Croise

ISAYA 33:9

Uruka mmbo lukeefiira na yuuma, misito ya Lebanoni yammuuma imungo llya isha lya Sharoni lyammba kasa koomu; yefo Bashani na ifumbuu lya Karmeli miri yammaangara mamburu avayo.

YEREMIA 12:4

A mfika indii uruka lushaatarikaa, na mare a marema inaa? Kyimaruma kya uravi lwa veekaa muriny yeto mafisi a ngoroshony na ndeye nfikeemamitwa, vandu mmbakeyaamba, “Nnyalollyaa ufishyony lweru-fo.”

YEREMIA 23:10

Mashika uruka mmbo luisshwe veetusa na veetuswa; kyeendwa ni kyidengo uruka mmbo lukeeffwa, na mare a nng'alo nnyammuuma. Mbony tawo ni uravi na finya tawo nshi ta usumanu-fo.

YEREMIA 4:25

Shalola, woo, nkwiifo nndu-fo, na ndeye ta nginii-u ntenrisha-fo.

YEREMIA 9:10

“Kwiipo kapeny kyiyyo na yoongora kya mafumbu, na iffwa kya ngorosho ta nng'alo, mashika mmbo fikee imamika nta nndu ashiiraa-fo, nta yaana lya findo llyiitiwa-fo; ndeye ta nginii-u na mafisi a ngoroshony nfyanrisha na imaya.

YEREMIA 9:9

A shiraa shilavakapa kya findo efyi? Ni Nndumi Iruva avesa; a shitaiyyaa-se kyiduva isanga lya ngata yei?”

ESEKIELI 38:20

Naakwa ni makunga a yeeveny, na ndeye ta nginiiu, na mafisi a ngoroshony, na findo fyoose fikurufwa sumbai, na vandu woose vakee uwe ya uruka, mmbo vashereremaa mbee ya usangu lwakwa. Nang'u mafumbu ashewaa sumbai, na mawe ashewaa, na wo isimamba lyishewundukyaa sumbai.

YOELI 1:18

Findo fyeevikya fikanangwa n'shaa, ng'umbe tikasavaa titura ura, na moonri nang'u akaona ukiva.

AMOSI 1:2

Amosi kaamba, “Nndumi Iruva mmbo adina sha miiso ooka Sioni Kaonisa unyanga ooka Yerusalemu. Ura lwa findo fya weesi lukeeyuuma na mare yoo ifumbuny lya Karmeli akeeyuuma.”

AMOSI 5:16

Naasa Nndumi Iruva muni matorito kaamba, “Mmbo kushekaafo yoongora na kiiyo na ting'wa efo miriny. Naakwa mmbaremi vavio vashekaba kiiyo ando amwi na yewo vavaangwa vatawo weesi lwa ikaba kiiyo.

AMOSI 8:8

Uruka mmbo lushereremaa, wo nndu naangare, Uruka loose mmbo lurwaa na iwa sha mura wa Naili.

NAHUMU 1:4

Mmbo akyeemya yeeve nayo ika-umya, We mmbo aumisyaa mira myoose. Mbata ta Bashani na ifummbu lya Karmeli fikaumya, Fivaro fya Lebanoni fikanaa.

SEFANIA 1:3

Vandu woose na findo fitiri muu fyoose, ndeye makunga. Varavi vasie woose. Nndumi Iruva, wa vandu moose, kulore akyaa-fo nndu.

SEKARIA 5:4

Nndumi Iruva muni matorito mmbo aamba “Mmbwe muni asherumaa kidengo ekyo, na woko lwakwe muni, nakyo mmbo kishedosha wo mmba ya nndu inyinyi, na nndu mwiilya mboo kyikee kya wongo, na irina lya Nndumi, mmbo mmba eyo ishemamikaa na mboshiki tavayo, amwi na mawe fishelyiwa fisye pyu.”