HOSEA 4:16 - BIBILLYA Mareiyo Meele a Iruva

¹⁶ Vandu va Israeli mmbo vavakye nshungu kwa ukaidi. A mmbo nshevalelaa inda sha moonri ashiiswaa kyaandany?

HOSEA 4:16 Iomraidhean Croise

SABURI 78:8

Valasheeva sha vandeye vao, vandu vatiri nriya na mbafu Irika lletiri isingasinga; lliletiri usaari kwa Iruva.

ISAYA 22:18

Yewe nndu kutiri finya mmbo akwiipoo uwe sha mpira nakweerye urukeny lung'ani mmwasi. Kundefiyya-fo na makari afo alya kweavikye nsia. Kuve usutu kwa mmba ya Nndumi wafo.

ISAYA 30:23

Kyeeri mushemweengye mbeu tany, Nndumi Iruva mmbo ashemweengye mmbwa, nayo ishemiisa na yuulula fimu fyiingyi na findo fyany fya mmba fikooye milyiiye imaaye.

ISAYA 5:17

Nafo mmbo kushevaa mbata kundo kweiisa findo fya mmba, moonri, mburu na ng'umbe.

YEREMIA 14:7

‘Lla neelyi uravi lweru alollyo paa, Lweekye-dwa woi Nndumi Iruva, kyeendwa ni irina lyafo; mashika ni keengyi lwankukapa mungo, lukakulyamarya.’

YEREMIA 3:11

Nndumi Iruva kashivia, “Nturi va kyikusirio mmbo alekoora ni mwaana na ngota mfwamaye Yuda nravi.

YEREMIA 3:6

Nndumi Iruva kashivia mikonuny ya mangyi Yosia, “Kwallollya yekyo aletana, yeto nalatiri kikusirio, Israeli, shaasa aleenda wo kyidoorony, na sindeny ya wo nri mmbisi indekapya-fo usonga?

YEREMIA 3:8

Mmbo alelollya kyimaruma kya usonga lwa nturi wa kyikusirio, Israeli, nshemwaanta na indelakana nawe; naakwa ni indo mfwama iraami Yuda nnyeereya-fo, nawe keenda kandekapa usonga.

YEREMIA 31:18

“Mmbo shaita vandu va Israeli varera na irovyo vakaamba, ‘Nndumi Iruva mmbo lulevaka ifisi lya kasa, lyo kwalulosha ikwiinndya, Luviireny-dwa, mmbo lulangye ikuwuiya, ewe Nndumi Iruva weeru.

YEREMIA 5:6

Kweekyo miiso ishuukaa nturu nyiwaa, ngare yooka kasa koomu ishevarattwa-rattwa. Nyamandu mmbo ikeleveya miri yaawo, na wo nndu asomukaa-fo asheratuwa-ratuwa; mashika ngyulyamari tawo nshiingyi, na ikutuula lyawo ni yiingi.

YEREMIA 7:24

Lyo mmbeindya nta iloota karwi, indi vakaruya makusaro awo na umbafu lwa mirima, vakawuya numa ando a yeenda mbee.

YEREMIA 8:5

Mmbo kyavaany inda vandu yeva vankape mungo valakyiindya lyingyi? Vakakunanavya na ulembi, vakalema yiinduka?

HOSEA 10:11

“Israeli mmbo eevakye ngashe shiloshe nisha naambo ikape nganu na nsia. Lyo mmbo shilembikya iryo efo singony yakwe shisha naambo ishora lyakwe lyirwaa. Yuda naremi na Israeli nakoninde maboka.

HOSEA 11:6

Mmbo vashelollyaa fira miriny yaawo, nayo isherua ngiri toose ta miri. Fira mmbo ishelyamaraa vandu vakwa mashika mmbo vatana ekyo kikee kisha misony awo veni.

HOSEA 11:7

Mmbo vakeengera ishira tupu. Numa lyo nkuti vashefwa kimaruma kya iryo elyo lyivarovyaa, lyo nkushekaa-fo mwiwoota-fo.

Valevi 26:33

Neeny shimurarate efo masangeny na usu lumulatye yoo numa yaany, uruka lwany luve lwa ukiva,

SEKARIA 7:11

Indi vandu vakalema ishaarannya, vakava na nrima muumu, na maarwi awo vakavika-fo kisooro valakunde yiita.

1 SAMUELI 15:11

“Mmbo kishisukye elyi shilesauwa Sauli nave mangyi ya Israeli mashika elyi alakivandami neeny, nta nalalatyaa shaasa shilemmbavasya.” Samweli eeta indo kafulukywo, katereva Nndumi Iruva kio kyoose.