HOSEA 3:4 - BIBILLYA Mareiyo Meele a Iruva

⁴ Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

HOSEA 3:4 Iomraidhean Croise

Mapookyony 31:19

Naasa na Laban endesema moonri akwe mafwaa, na Raheli keeva findo fyeeke maruva a ndeye we Laban.

Mapookyony 31:34

Nawe Raheli emmipoo maruva alya a wongo kaasuruma efo findony fya mishungu fyeekaya, kafikaya. Laban kasallwa efo yeemeny koose nta nalafilollye.

Mapookyony 49:10

Mbiiri ya umangyi nyisheukaa kwa Yuda-fo, Nta mwiruuya usumanu yoo marendeny akwe-fo, Kutani asheshaa yeto muni ushilyi, Mmbwe masanga moose ashemwiindyaa.

2 SAMUELI 6:14

Davidi kafina nnu mbee ya Nndumi Iruva eetirwa ni nsia nniini eeree soori shimamiri yoo mbafuny.

2 VAMANGYI 23:24

Na vandu vetiri mumuyo yeelafya, na vasavi, na mafwanu na makasha engyi myoose elollyo yefo urukeny lwa Yuda na Yerusalemu; Yosia kauta-fo moose naambo akooye isalallya mareiyo a torati yoo akee mareiye yefo kyitabuny kilya nkohani Hilka elollya yefo mmba ya Nndumi Iruva.

2 MBONY TA FYEERI 15:2

Nawe keenda yaambya mangyi Asa, kammbia, “Sharanya yewe mangyi Asa, na vandu woose va Yuda na Benyaminy! Nndumi Iruva mmbo akee amwi neeni, kwakooya mwakaa amwi nawe. Mukammuruuya, mmbo mullollya, indi mukanra nawe mmbo ashemuraa.

YUUKA 28:4

Na soori eto vashesongosyaa ni, kisibau kya yoo mbafuny, na naifera, na ikoti, na kansu shishope, na kofia na uruumu lwa kisiny, mmbo vashesongosikyaa mwanamau Aron na vana vakwe, soori ta usuri naambo nashirunndye ishora lya ukohani.

YUUKA 28:6

Na naifera yeyo vaisongosye na ruu ta saabu, na ta samawi na ta sambarau na tidodorye, ruu shisha tikee shyooke kwa waarya.

FIIYO 2:9

Ngiri ta vayo nnyefo-si tikee shuummbye, tikee shifishe-fishe. Mangyi amwi na vasongoru vakakamarwa kundo kweny. Kundo kulaifo usumanu nta vakisuku mmbakikeewonisa myoorya ooka kwa Nndumi Iruva-fo.

ESEKIELI 19:14

Na muro ukooka mbindiny ya wayo, ukakora maramba na ndunda ta vayo, kulaseefo kiramba kya ushilyi kitiri finya ya ishillya.’ Yekyi nkyo kiiyo kishiimbwa kya ukyiva. Kyammaaluka kyiyyo”

ESEKIELI 20:32

Yefyo mukusarye nfikaa fyuutike-fo ikusaro lya yaaluka sha masanga sha fyasaka fya ngyuruka, na yiinndya miri na mawe.”

ESEKIELI 21:21

Mashika mangyi ya Babilony; asalalyi ando kukee shia ta mbasero, yoo nrweny wa shia yeto ivii naambo ashekooya ilafya, asisikaa mife kunu na kunu, evesaa maruva na ilola marina.

ESEKIELI 21:31

Uwe yafo shishekupusuya unyafi lwakwa; shishekwaatya muro wa ngoo yakwa uwe yafo, shishekurambikya maakony a vandu vakee sha mafisi, veetuuro.

DANIELI 11:31

Matorito akwe mmbo ashetefusa mmba ya Iruva ya vayo, nnyasheimaa yuutya Iruva firaso fya wo nkonu fyemamitwa na muro na asherongaa mmba ya Iruva.

DANIELI 12:11

“Kupookya nkonu ulya firaso fyeekora na muro wo nkonu fishemandiswaa, nkyo kyeeri kilya kya uravi weesi, ni mikonu kyiku kyimwi, mayana avii na makumi kyeenda isheiraa-u.

DANIELI 9:27

Mwiishillya yeto mmbo ashevikyana kyaasa na vandu veengyi ando a myaaka mfungare, na yoo nnang'ani a kyeeri ekyo, iniingya firaso mmbo fishemandaa. Urumato lulavaa yaamba mmbo lushekaa-rembo yoo mmba ya Iruva, lukeeu kutani asha yeto akee ndeesye ashelollyaa umando elo Iruva an-deesye.”

HOSEA 13:10

Mmbo mulekunda muniingwa mangyi neevikywa vasongoru. Yewo mmbo vashidimaa imukira?

HOSEA 13:11

Mmbo shilemuniinga va-mangyi shiitirwa ni unyafi, shooka-fo shamusoka.

HOSEA 2:11

Sukukuu takwe toose nshetimaa, suku kuu ta myaaka na miiri, na Sabato tawo, fyoose fishemandaa.

Valevi 8:7

Naasa kavika Aron kansu ilya kamfingya na nkanda wa vayo, kavembika ikoti, neembika naifera, neemfingya nkanda eto wa ishopa naifera yeyo, kanfingya naifera, na nkanda yeto

SEKARIA 10:2

Vandu mmbo vavesaa veelafya, na vaanga va wongo, indi firouwo vaniingwaa ni vandu yewo ni fya wongo na urung'ani. Valya vatambashwa moorya ni wongo vaamba na findo fyeereta vandu. Efyi fyoose ni vandu vakera-raa efo neefo sha maanri alatiri mwiisi. Mmbo vatirwa ni maariso, mashika elyi valatiri nndu mwiivasongoya.

SEKARIA 13:2

Na nkonu yeto Nndumi Iruva muni matorito aamba; mmbo nshesangyaa-fo mafwanu na maruva a wongo moose kunu urukeny, nalakaa nakumbuwo lyingyi, sanda na vakisuku, amwi na mimuyo mitefusu myoose.

Luka 21:24

Nalyo vashewawaa noosu na inderawa mifungwa efo vanduny va masanga na usu. Na kunu Yerusalemu kuve kundo vandu va masanga vavavara kutani fyeeri fyawo fyafika.”

Yohane 19:15

Nawo vakakapa kyoorongye veshaambaa, “Muute yaa! Muute yaa! Kundenkapya nsalabeny.” Pilato kavavia, “A shitani shakapya mangyi yaany nsalabeny?” Vakohani valya vaniini vakaallwa, “Yese llutiri mangyi kulaore ni Kaisari-fo.”

Vaebrania 10:26

Mashika kwakooya lwatana ulyamari naambo lukammaa imanya ekyo kya dede, nkukisaa-u kiraso kimaruma kya ulyamari-fo;

VALETI 17:5

Nawe Mika yeu mmbo eetiri mmba ya maruva a mafwanu na umwi wa vana vakwe kava nkohani wa maruva yoo.

VALETI 18:14

Nawo vandu valya varaanu vendesaiya Laishi vakaammba, “Mwiishi lyo sheelyi kunu mmba yei ya Mika mmbo kwiifoo maruva a mafwanu naambo mukusare kyeetana?”

VALETI 8:27

Naasa Gidion kasongosya-fo ifwanu, kaivika muriny kwakwe efo Ofra, nawo Vaisraeli woose vakeenda-fo vakandelyiinndya, na ifwanu elyo lyikava nreiyo na kyeeso kwa Gidion na mmba yakwe.

1 SAMUELI 14:3

Nawe Ahiya mwana wa Ahitubu mwana maye wa Ikabodi akee mwana wa Finehasi wa Eli ulya nkohani wa Nndumi Iruva kulya Shilo. Nta yeva mmbalemanya kindo Yonatan akunde itana-fo.

1 SAMUELI 15:23

Ilema yiita nkimwi sha ulyamari lwa usavi na itira ngoo shuumu nkimwi na itira maruva a wongo Kimmba kwallema irero lya Nndumi Iruva “Nawe ekato ankulema kulakivese mangyi.”

1 SAMUELI 2:18

Naasa we Samweli karaa isara lya kikohani kava mwiirundya Nndumi Iruva pookya ekee n-du.

1 SAMUELI 21:9

Nkohani kammbia “Usu llwa lwa Goliati ulya kulemmbwaa kulya imungon lya Ela, ekalu yaa, lukeewoososye soori yaa numa ya soori ya nkohani. Kwankunda ilwipoo, warya, mashika yaa nkwiyoo usu lungi kuuta elu-fo.” Naasa Davidi kammbia, “Shiniingya, mashika nkwifo lwiilanyi elu-fo.”

1 SAMUELI 22:18

Llyo mangyi alevia Doegi, “Kyasia, vawaa yewe.” Nawe kawaa vandu makumi nyanya na varaanu vakee veeraa masara meele

1 SAMUELI 23:6

Llya Abiatari we mwana wa Ahimeleki alerishya kwa Davidi mmbo alesha eerye masara a kikohani.

1 SAMUELI 23:9

Davidi nawe kaveemanya-da, nkasha yeto Sauli akundye intannya, naasa kavia nkohani Abiatari, “Ende isara elyo lya nkohani na yaa.”

1 SAMUELI 30:7

Nalyo Davidi kavia Abiatari, “Nkye sheengye isara llya lya nkohani-te.” Nawe Abiatari kamweengye.