HOSEA 3:1 - BIBILLYA Mareiyo Meele a Iruva

¹ Nndumi Iruva kashivia, “Enda kunderuuya nka ntuusi atiri mmi ungyi. Neewe nkuti kunkunde shaasa neeny shikundye vandu va Israeli, lla elyi wo vaindya maruva engyi na iwootya firaso.”

HOSEA 3:1 Iomraidhean Croise

2 SAMUELI 6:19

Kaavya vandu woose va Israeli wo nndu nndumi na nndu nka kiparwe kya nkate na nteera, na nkate wa nsabibu. Llyo vandu woose vakeenda wo nndu kyeny kwakwe.

2 VAMANGYI 13:23

Indi Nndumi Iruva kavalillya, na itingwa, kyawo kimaruma kya kyaasa kyakwe na Abrahamu, na Isaka, na Yakobo, nta nnyalekunda ivamamita nta ivantya kwaasha na usangu lwakwe-fo.

1 MBONY TA FYEERI 16:3

kawuya yaavya Vaisraeli woose, vomi na vaka wo umwi kanninga nkate, kyenga kya nyama na nkate wa sabibu

NEHEMIA 9:31

Lyo kyeendo niisarya lyafo yiingi nkulevamanita-fo, nta nkulevavaa-fo, nnyelyi kukee Iruva wa isarya yiingi, mwilyilya.

SABURI 123:2

Shaasa miso a varundi alolaa maako a vanndumi vaawo, Shaasa miso a kishinga alolaa maako a nkyeku wakwe, Niindo na miso eru alola Nndumi Iruva weeru, Kutani ashelulyillyaa.

YUUKA 32:6

Vakakwipoo elyi lya ndesi ngama shuru, vakauta firaso, vakeende firaso fya ufoo, vandu vakakaa rembo vakalya neena vakafina mbasa.

KYIIMBO KYA FIIMBO 2:5

Shiwuutisaany na misabibu Shiviirya muu na mapeera, Mashika ikunda lyafo lyanshinanga.

ISAYA 45:22

Shiloleny yeny naambo mushekirwa eni masanga woose; kimmba yeny ni Iruva nta kulaifo ungyi.

YEREMIA 3:20

Kya dede, shaasa nka nalatiri kyikusirio aree mmi wakwe, ni indo kulelema ishikusirya, yewe mmba ya Israeli, ni Nndumi Iruva aamba.”

YEREMIA 31:20

“Israeli, kukee mwana wakwa nkunde nnu, shinkunndye nnu deny. Elyi shakusenda mmbo shasennywa nnu, Nrima wakwa mmbo wasembeya kufii neewe. Mmbo nshekulyillyaa.

HOSEA 11:8

“Israeli a niinda nshidimaa ikweera efo? A mmbo nkuraa inda? A nshidimaa ikumamita shaasa shetannya Adima, ao shikutannyi shaasa shetannya Zeboiimu? Nrima wakwa mmbushekeyaa shitani indo-fo Ikunda lyakwa kwafo yewe lyitiri finya nnu,

HOSEA 2:5

Maye waawo mmbo aletuusa, katana findo fya usutu, llya aleamba, “Ra shisore vakunde vakwa, mmbo vashiningaa shoonga, na mura, soori na mafura na mfinyo.

HOSEA 4:11

Nndumi Iruva mmbo aamba indi, “Mfinyo mwiiya kiwo neeto nkuu mmbo wasoka vandu vakwa urango!

HOSEA 7:5

Nkonu wa sikukuu ya mangyi mmbo vaniinga mangyi na ngyama takwe wari kutani vanangwa vakava sha yoonri.

AMOSI 2:8

Wo ando kwa miindye mmbo kukoyaa-u vandu valaaya soori tilesokwa vakiva kimaruma kya sye. Neefo mmba ya Iruva vakaniiya-fo mfinyo wasokwa valya vatiri sye.

AMOSI 6:6

Mukana mfinyo na bakuri, mukakwaamba mafura a wuuru uniini, lyo mulating'waa kya urumato lwa Israeli.

MIKA 7:7

Lyo mmbo shivikyaa Nndumi Iruva miso akwa, shivereye Iruva wakwa yeto asheshikiraa. Iruva wakwa mmbo asheshaaranyaa tishi.

SEKARIA 1:16

Kweekyo yeny Nndumi Iruva mmbo shawiiya muri wa Yerusalemu, mmba yakwa ya iterevya ipooka itanwa na muri wa Yerusalemu upooke itanwa-se kwa wiiya?”

Matayo 26:50

Naasa Yesu kammbia, “Mbuya yakwa kyakweende na yaa nkyokyi?” Nalyo vakaserikya na yoo akai, vakaleesya Yesu maako vakantira.

1 Vakorinto 10:21

Mmushidimaa iniiya upateny lwa Nndumi musande na iniiya upateny lwa varumu-fo. Nta mmushidimaa ilyiiya yoo meseny a-Nndumi muvenda ilyiiya meseny a-varumu-fo.

1 Vakorinto 10:7

Nta mulave veindya maruva a wongo, shaasa vengyi vawo valetana; shaasa kyikee kyireiye. Vandu ewo mmbo valekaa rembo naambo valye neena, numa vakakwiipoo vafini mbasa.

1 Petro 4:3

Mashika fyeeri fyeru efyo fyammira fivekufiye itana fya lango ta kiulana, nto yeenda efo uraviny, na lango, na unangwa, na mirumwa ya italauwa ndeu, na ngyari, na miindye ya maruva a wongo ilasumani;

VALETI 10:16

Naasa vakoota-fo maruva alya a wongo eekee kwawo, vakabooka yiinndya Nndumi Iruva, nawe Nndumi Iruva kalollya ukyiva lwa Israeli.

VALETI 9:27

Naasa vakeenda mareminy awo a misabibu, vakayaya ndunda ta vayo, vakakama vakasongosia mfinyo vakavika sukukuu mmba ya iruva lyawo, vakalya neena needenga Abimeleki