HOSEA 2:7 - BIBILLYA Mareiyo Meele a Iruva

⁷ Narishye vakunde vakwe lyo nare nalavakooya. Navaruuye navature. Nookefo naambe, ‘Ra shiwuiye mmi ulya wakwe wa mbee, llya shekee kyeni ngota ulaalu.’

HOSEA 2:7 Iomraidhean Croise

2 MBONY TA FYEERI 28:23

Mashika mmbo eniingya na irasya maruva a wongo a Vadamasko ilya yenkapa na intuula. “Mmbo aamba, kwakooya maruva a Vaashamu eekya vamangyi va Vaashamu, kishiidimika vasheekye na yeny.” Llya etana indo mmbo kyemweengye ukiva mmwasi, we na vandu vakwe woose.

SABURI 116:7

Woi nrima wakwa, wuya ifureny lyafo, Kimmba Nndumi Iruva akutannya mesha.

ISAYA 30:16

Kilasha, mmbo mulaamba, ‘Oode, yese mmbo lusaama frasi tiishi irisha.’ Kyasia mmbo musaama frasi tiishi irisha indi frasi ta vakiduva vany mmbo tiishi irisha tikamwiilannya.

YEREMIA 14:22

A mmbo kwiifo nta iruva lyimwi lya wongo nnang'ani ya maruva yoo a masanga lyishiidimaa yeende mmbwa? Ao ngyina ishidimaa yeende mmbwa? A nshi yewe woi Nndumi Iruva weeru? Lukuvikkye nsia, mashika nnyewe kutanaa findo yefyo fyoose.

YEREMIA 2:2

Enda kwavia paa vandu va Yeresalemu sheelyi, Nndumi Iruva mmbo aamba indi, “Mmbo shikumbuye usaari lwafo llya kweekee nkoo, na shaasa kweshikundye sha tindi yafo, kwiishisora nakwa nkasa koomu, urukeny lulandevaaywa mbeu.

YEREMIA 2:28

“Alee, nkwi maruva any akai, alya mwesongosya? Asalaleny, kwakooya ashiidimaa imukyira, kyeeri kyany kya ukiva; mashika shaasa miri yaany ikee miingyi ni indo maruva any affye, yee Yuda.

YEREMIA 2:36

A ni inda kuraaraa kwishaalwa mariko afo! Mmbo kusutwa ni Misri sha llya kwesutwa ni Ashuru.

YEREMIA 3:1

“Kwakooya nndu alakana na nka wakwe kandeorwa ni nndumi ungyi, a ndesa akyiidimaa iwuyya nka yeto? A uruka yelo lushiilannyaa-se itefuswa? Lyo yewe Israeli mmbo kulenkapa usonga na womi veengyi; a kushekyiwuyaa kwakwa? Ni Nndumi aamba.

YEREMIA 31:18

“Mmbo shaita vandu va Israeli varera na irovyo vakaamba, ‘Nndumi Iruva mmbo lulevaka ifisi lya kasa, lyo kwalulosha ikwiinndya, Luviireny-dwa, mmbo lulangye ikuwuiya, ewe Nndumi Iruva weeru.

YEREMIA 31:32

nkishevaa sha kilya kya mbee shilevika na vakuu vawo llya shilewoota kulya urukeny lwa Misri-fo. Na yeny kwawo mmbo shileva sha Nndumi, lyo wo mmbaleringa kyaasa kilya-fo.

YEREMIA 44:17

Indi llutanaa filya fyoose lwallyiyya mboo, ikorya ubani nka-mangyi va ngyinii-u na illetyaa firaso fyeena, shaasa luletana yese na vamiku veru, vamangyi veru na vasongoru veru miriny ya Yuda na shieny ta Yerusalemu; kya elyi lwewona shoonga nkuka, lukavessywa nta lulalollye makasha.

ESEKIELI 16:18

Kweepo masara afo alya mafumi nisha kwandesikya nang'u mafwanu yoo, ubani na mafura akwa kwaniingya mafwanu yoo.

ESEKIELI 16:8

Kyeeri shesheera lyingyi kufii na yewe, shakulola shakooya kwanng'ana fika ando kwa vandu ikukapa miso. Neeny shakuutya isara lyakwa shakusikkya. Shalya mma na yewe kwaaluka wakwa. Ni yeny Nndumi Iruva shaamba.

ESEKIELI 20:32

Yefyo mukusarye nfikaa fyuutike-fo ikusaro lya yaaluka sha masanga sha fyasaka fya ngyuruka, na yiinndya miri na mawe.”

ESEKIELI 23:12

Kakunda nnu Vaashuru, veeshillya na vasongoru; vasero vakwe yewo varee soori ta utore, vesaama frasi vesaamye frasi tawo, na vakoo woose vasennyi misony.

ESEKIELI 23:22

Ulaalu, mmbo shakuvia, “Yewe Oholiba! Nndumi Iruva mmbo aamba indi: ‘Mmbo shikuipoiyoo vakunde vafo, valya nrima wafo ulellakana nawo, shiveende vakuwoye wooka taari toose.

ESEKIELI 23:4

Marina awo yeto nniini ni Ohola na yeto n-du irina lyakwe ni Oholiba. Vakava vakwa, vakeera vana va kyuumi na va kyika. Kya marina awo Ohola ni Samaria na Oholiba ni Yerusalemu!

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 4:25

Mmbo kusheumbutwaa kunu vanduny kundesandwa ando amwi na mafisi a ngoroshony. Ando a myaaka mfungare kulye mare sha ngashe, kulale mbateny, kukapwa ni laura, llyo kushirikyaany sheelyi Iruva yeu wa Uwe Mmbwe yeto ashillye ngyumangyi ta vandu toose nawe ashidimaa iniingya ushilyi yelo moose ankunda.

DANIELI 4:32

Mmbo kushesamiswaa, kulakaniswa na vandu, kundekaa na mafisi, kulye mare sha ngashe ando a myaaka mfungare. Kutani kwamanya sheelyi Iruva yeu wa uwe mmbo atiri finya na wiidimi uwe ya ngyumangyi toose, nawe mmbo atiri wiidimi lwa ivikau yewo ankukunndya.”

DANIELI 5:21

Llyo aleumbutwa yefo nnang'ani a vandu, nawe kava sha ifisi lya ngoroshony. Kandekaa na mafisi kavelya na mare sha ng'umbe. Kakaa efo mbateny nalaoni nta kyenringa laura kio; Kutani lya alesukukyo, sheelyi Iruva yeu wa uwe mmbwe yeto avikye-u ngyumangyi toose ta ulana, kaveva mmbwe asaleesa yewo akunda we muni.

HOSEA 1:2

Kyeeri Nndumi Iruva alepooka irera na Hosea mmbo alemmbia, “Hosea, Enda ora nka ntuusi na vana vave va utuusi sha we. Vandu vakwa mmbo valeshira yeny vakava vatuusi.”

HOSEA 13:6

Lyo kwikyifika urukeny usha, kwawuura, kwakurosa neeshirekywa.

HOSEA 14:1

Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.

HOSEA 2:16

Nawe nasheshivaanga mmi wakwe-nta kwakwe nshishekivaa sha baali-fo.

HOSEA 5:13

Kyeeri Israeli alelollya ndwari yakwe muni na Yuda kalollya fishavere fyakwe muni. Israeli keenda Siaria lukee uruka lutiri finya nanderuuyafo ngarami, lyo nalaoni-fo mwishiisa fishavere fyakwe-fo.

HOSEA 5:15

Mmbo shivaraa indo valye ukiva kimaruma kya ulyamari lwawo kutani elyi vasheshiruyaa. Kulakooye vakambavyo nnu vashirishyaa vashikooye.