HOSEA 2:3 - BIBILLYA Mareiyo Meele a Iruva

³ Anra nalatana indo mmbo nshemutaa soori shinreu mbereto shallya awonika. Nave sha uruka wuumu, nawaawa nnyura.

HOSEA 2:3 Iomraidhean Croise

YUUKA 17:3

Vandu vakatirwa nyura, nawo vakakunun'gunnya Mose vakaammba, nkyiki elyi kulelusaamisa luuke Misri, kusheluwaa na nyura yese na vana veru na findo fyeru?

ISAYA 33:9

Uruka mmbo lukeefiira na yuuma, misito ya Lebanoni yammuuma imungo llya isha lya Sharoni lyammba kasa koomu; yefo Bashani na ifumbuu lya Karmeli miri yammaangara mamburu avayo.

ISAYA 47:3

Umbereto lwafo lushelollyo na usutu lwafo kumanyike. Shishetaiyaa kiduva, nta nshishewaryaa nndu moose-fo.

ISAYA 64:10

Miri yafo meele yammba kasa koomu, Sioni, kwammba kasa, Yerusalemu yanrumaka.

YEREMIA 12:10

Veesi veengyi mmbo valelyamara irema lyakwa lya misabibu, vakavavara waavi lwakwa, vakaallwa kyaau kyakwa kyiviiri, kasa ka nng'alo.

YEREMIA 13:22

Nakwakooya kaamba efo nriminy wafo, ‘Nkyikyi elyi mbony eti tashikooya yeny?’ Ni kyimaruma kya uravi lwafo uniini, kwaambuwa soori kwarewa mbereto, na mavavyo ngyayony tafo.

YEREMIA 13:26

Yeny shimuni mmbo shikwaammbwa soori fika nrrweny, na usutu lwafo lulollywa.

YEREMIA 14:3

Vasongoru vakwe mbarumaa mashinga awo mura; akasha fika firoriny, akauwa mura, akaviira matete aruu, eesukkywa na isaukwa, akasikkya mirwe yaao.

YEREMIA 17:6

Nnyavakye usaka lwa kasa koomu, nnyalollya kyindo kyimwi kyisha kyansheya-fo. nnyakaa ando kuumu mwasi yefo kasa koomu, urukeny lwa shumbi lulakaoo ni vandu.

YEREMIA 2:31

N a yeni, yee ngyeeri ya vandu, arannyiny ni irero lya Nndumi Iruva. A yeny mmbo shileva kasa koomu kwa Israeli, ao uruka lwa ireema yuu piti? A nkyokyi yekyi kyeengye vandu vakwa vakaamba, ‘Lwammba valeke, llukyishaa lyingyi kwafo?’

YEREMIA 2:6

Nta mmbalekuvesa, “N-kwi Nndumi Iruva akai, yeto alelwaauwa urukeny lwa Misri, kalusongoya kulya kasa koomu, uruka lwa mawe, nsanga na marina, urukeny wuumu kany na ireema yuu piti, uruka luleerwaa mmbandu, nta nndu akaa-fo?

YEREMIA 22:6

Mashika Nndumi Iruva aamba indi kya mmba ya mangyi ya Yuda: “Yewe nkukee Giliadi kwakwa, nrwe va Lebanoni, naakwa ni indo kya dede mmbo shikwaallwaa kasa koomu, muri ulalalwaa.

YEREMIA 4:26

Shalola, woo, uruka uviiri llwammaaluka kasa koomu, na miri ya wayo myoose ikaaluka sama mbee ya Nndumi Iruva, unyafiny lwakwe.

YEREMIA 51:43

Miri yakwe yammba usutu, uruka lwankaluka lukava kasa koomu. Uruka kundo kulatiri vandu, nta kundo kulavaa yiira mwana wa nndu.

YEREMIA 51:5

Yeny Nndumi Iruva wa matorito, nshilerekywa kya Israeli na Yuda-fo; lla neelyi valenshilyamarya kyifye indo, yeny mweele waawo Israeli.

ESEKIELI 16:22

Nta nkulekummbwa utuusiny na ngeeny yafo shikasha, kyeeri kilya kya ukoo lwafo kwikee mbereto nta kulatiri kindo kwikwaalaalaa yefo samuny yafo.”

ESEKIELI 19:13

Ulaalu ni yefo kasa koomu ukemmbaaye, urukeny wuumu kundo kulatiri mura.

HOSEA 13:15

Naakwa Israeli avesywa sha mooro, mmbo nshendee uraato lwa muro luuka taari ya ngameny ya kasa, Lusheumisya ngyusoka na mbora toose. Wo kindo kiiyo kimamike.

HOSEA 2:10

Shimwaammbwe soori shinreu ruu mbee ya vakunde vakwe woose, na nkwiifo nndu ashiidimaa imweekya-fo nemwaauwa maakony akwa-fo.

Usukuyony 17:16

Na mbembe tilya ikumi kulelollya na ifisi elyo, yewo mmbo vasheswaa nka yeto ntuusi, kutani vashenraa ruu na mbereto, vallye nyama, vashemmamitaa na muro deny.

VALETI 15:18

Nalyo Samson kaakuka nnu, kavaanga Nndumi Iruva kaammba, “Yewe mmbo kukeeluniinga ukiro wokony lwa nsero wafo, neeny ulaalu mmbo shiifo shiwaawaa nnyura, shitirwa ulaalu mmbandu valaishi Iruva.”