HOSEA 2:2 - BIBILLYA Mareiyo Meele a Iruva

² Vana vakwa tereveny mau, lyo nnyakikee nka wakwa-fo, neeny nshikikee mmi wakwe-fo. Ntereveny nare utuusi lwakwe.

HOSEA 2:2 Iomraidhean Croise

ISAYA 11:12

Nawe Nndumi Iruva ashesaamisaa bendera uwe na vandu va masanga woose valollye sheelyi vana va Israeli, valya veenyanyakye ulaniny na yiipalwa, vakeesangirywa amwi wooka taari toose yiinya ta uruka.

ISAYA 50:1

Nndumi Iruva aamba indi, “Kwakooya mmbo shilakannye na mau Yerusalemu-le; nkwi akai mareiyo yoo alelulakanisa? Ao ndesa mmbo shilevakumba sha nndu mwiikumba vana vakwe ushingeny? Yeni mmbo mwekumbwa kimaruma kya makasha any, na maaye waany karewa kimaruma kya uravi lwany.

ISAYA 58:1

“Kapa kyoorongye, kulare, rosa unyanga sha mbembe; kuvie vandu ngyulyamari tawo, na mmba ya Yakobo maravi awo”.

YEREMIA 19:3

Yewe nkushaambaa, ‘Araanyiny marero a Nndumi Iruva yeni vamangyi va Yuda na vekaa va Yerusalemu. Nndumi Iruva wa matorito, Iruva wa Israeli aamba ule, Loleny nshikeyeende makasha a iting'a yaandi, maarwi a wo nndu ashiita naake muro.

YEREMIA 2:2

Enda kwavia paa vandu va Yeresalemu sheelyi, Nndumi Iruva mmbo aamba indi, “Mmbo shikumbuye usaari lwafo llya kweekee nkoo, na shaasa kweshikundye sha tindi yafo, kwiishisora nakwa nkasa koomu, urukeny lulandevaaywa mbeu.

YEREMIA 3:1

“Kwakooya nndu alakana na nka wakwe kandeorwa ni nndumi ungyi, a ndesa akyiidimaa iwuyya nka yeto? A uruka yelo lushiilannyaa-se itefuswa? Lyo yewe Israeli mmbo kulenkapa usonga na womi veengyi; a kushekyiwuyaa kwakwa? Ni Nndumi aamba.

YEREMIA 3:13

Kureeke ukasha lwafo tapa, sheelyi kulekaba mungo Nndumi Iruva, Iruva wafo. Kwiirikye sheelyi kulefiirya ndi sindeny ya miri kwa marua yoo, kwara iindya mavavaso akwa. Nnyeny Nndumi Iruva shakuvia indo.

YEREMIA 3:18

Mikonuny yeyo mmba ya Yuda mmbo ishekulungaa na mmba ya Israeli, na kyimwi vasheshaa uka uruka lwa taari ya ndoo fika uruka lulya sheniinga vandoo ding'u.”

ESEKIELI 16:20

“Lyingyi kwaniingya vana vafo va womi na va kyika, valya kweshiwonnya, vakava kiraso kyeemamitwa kya mafwanu.

ESEKIELI 16:25

Kwavika nganga wo ando yefo shia ta mbasero; naambo kwiidimi ituuswa mmwasi na mmwasi.

ESEKIELI 20:4

“A mmbo kushevaletaa, yewe vandu ewa? Kyasya waleteeny vavie vamanyi ulyamari lwa vande vawo.

ESEKIELI 23:43

Llyo shaamba, ‘A ndesa woorotu yewo mmbatuusa elyi valalaa nawe?’

ESEKIELI 23:45

Naasa vandu vasumanu, mmbo vashevautyaa uvingo, uvingo yelo lukwaani na vatuusi, na uvingo yelo lwaa vaka valepuswa samu, mashika mmbo vakee masonga na maako awo mmbo atiri samu.

HOSEA 1:2

Kyeeri Nndumi Iruva alepooka irera na Hosea mmbo alemmbia, “Hosea, Enda ora nka ntuusi na vana vave va utuusi sha we. Vandu vakwa mmbo valeshira yeny vakava vatuusi.”

HOSEA 2:1

Nkyo ulaalu vaanga vandu va Israeli, “Vandu va Iruva” na “Vakunde va Iruva.”

HOSEA 2:5

Maye waawo mmbo aletuusa, katana findo fya usutu, llya aleamba, “Ra shisore vakunde vakwa, mmbo vashiningaa shoonga, na mura, soori na mafura na mfinyo.

HOSEA 4:5

Wo nkonu mmbo mweera mbai, nta nkisuku nawe nnyava nta ngwaana-fo. Nkohani kalyamara manyiny, nkisuku mmbo alyamara kio. Mmbo nshekulyamaraa na mau deny.

MIKA 2:13

Iruva mmbo ashevaruyaa shia wooke efo vakee varishisye. Mmbo vashefishaa ngiri ta muri wooke efo vakee varaye, valekwa. Llyo Nndumi Iruva yeu akee mangyi yaawo ashevasongoyaa.

2 Vakorinto 5:16

Nkyoony, uka ulaalu yese lwiishi nta nndu umwi kyikee kya mwiili-fo. Na kyikava yese mmbo lulemanya Kristo lukee na mwiili yeu, kyaindi ulaalu nshi indo-fo.