HOSEA 2:12 - BIBILLYA Mareiyo Meele a Iruva

¹² Mmbo nshelyamaraa misabibu na mikuu ya ndunda ilya aleamba ni nkunde wakwe alenniinga. Misabibu yakwe na miri ya ndunda nshefyaallwa ngorosho, mafisi a ngoroshony ashesamya-fo.

HOSEA 2:12 Iomraidhean Croise

SABURI 80:12

Nkiki kusemmbwa isimamba elyo lleuringitye? Ulalu wo umwi akee iira-u mmbo akee idova ndunda ta msabibu.

ISAYA 29:17

Ni kivero-nsi nsito wa Lebsnoni, waaluwa nnda mmbiiri na nnda mmbiri waaluwa nsito.

ISAYA 5:5

Ulaalu shimuvia kindo shikeendetannya nnda yeu wakwa wa misabibu, Mmbo shisammbwa uvaarye nato ushelyamarwa shiwunndwe isimamba lya vayo, nato ushekakashywa sumbai.

ISAYA 7:23

Kyeeri ekyo wo ando kweetiri nnda mmbiiri wa misabibu na nrema ta wuuru lwa fesa mafiku, mmbo tishemmya miraamboo na miinga.

YEREMIA 13:26

Yeny shimuni mmbo shikwaammbwa soori fika nrrweny, na usutu lwafo lulollywa.

YEREMIA 26:18

“Mikaya Mmorashti nnyeawuya fisuku mikony ya Hesekia mangyi ya Yuda kavia vandu woose va Yuda indi; ‘Nndumi Iruva wa matorito aamba, Sioni mmburemwa sha rema, Yerusalemu mmbushaaluka mbillya ya sama, na ifumbu lya mmba shaasha mbillya.’

YEREMIA 5:17

Mmbashelyaa fimu fyany na shoonga tany; mmbalyaa vasoro vany na vefu vany; mmbalyaa maronda a mburu tany na a ng'umbe tany; mmbalyaa misabibu na miri yany ya tiini; na miri yaany ya turuve yeyo muivikkye nsia mmbasheisambwaa na usu.”

YEREMIA 8:13

Nndumi Iruva mmbo shaamba: elyi shishevasangirya, nkushivaa-fo ndunda efo nsabibuny-fo, nta tini efo miriny ya-vayo-fo; naakwa ni maramba a vayo mmbo ashuuma, na wo kindo shivaniingye mmbo fishemamikaa.’

HOSEA 13:8

Mmbo shishenyaasyaa sha ngare yareta vana va-vayo, shikuratwe-ratwe. Shive sha miiso shimulye.

HOSEA 2:5

Maye waawo mmbo aletuusa, katana findo fya usutu, llya aleamba, “Ra shisore vakunde vakwa, mmbo vashiningaa shoonga, na mura, soori na mafura na mfinyo.

HOSEA 5:14

Mmbo nshesheya Israeli na Yuda sha miiso. Shivarandwe-randwe fyenga fyenga shivaserye yoo. Shiivarufwaa na si nkwiifo nndu ashidimaa iveekya-fo.

HOSEA 9:1

Yeni Israeli, reny sukukuu ta ifura ta vandu va masanga. Mmbo mureeye Iruva waany mukaindukya mbai. Mmbo mulekurambikya muveni mukavaka vaka va shia va Baali mukalanga nganu yeyo alemuura nayo!

MIKA 3:12

Naasany kimaruma kyafo yewe, Sioni mmbo asheremwaa sha sumbai. Yerusalemu ushelyamarwa uve nrapu. Nalyo ifumbu lya mmba ya Iruva lyisheva nsito.