HOSEA 13:2 - BIBILLYA Mareiyo Meele a Iruva

² Mmbo veengera ilyamara elyi vasongosya mafwanu a minya vakaiindya mafwanu a fesa, atanwa mmaako a vandu. Nawo vakaamba, “Niingyeny firaso!” Nndu mmbo ashiidimaa inda imiminda ifwanu ifwanu lya shau!

HOSEA 13:2 Iomraidhean Croise

1 VAMANGYI 19:18

Naakwaa kyava indo, kunu Israeli mmbo shisheraa-fo vandu fiku mfungare, vandu kulare valemfiirya-ndi mbee ya Baali nta imiminda ifwanu lyakwe.

2 MBONY TA FYEERI 28:13

Vakaamba, “Muleende vafungwa yewo kunu-fo! Mashika lwallyamarya Nndumi Iruva, na mmbo kishiidima ilweengye ngapo ing'ani yuuka kwakwe kimaruma kya mitannyi yeeru mikasha.”

2 MBONY TA FYEERI 33:23

We nnyeva mwikunyiisa mbee ya Nndumi Iruva sha Manase-fo, kaengera itana makasha kailannya ndeye.

SABURI 2:12

Lantyeny filya fitiri mbusha, nalasheefulukwa neeni mureke shia mashika ni mwaangu irooywa ni ngoo. Ngoma nnyaawo valya vanrishyaa.

ISAYA 1:5

Nkyikyi elyi mwiifo mwiisakyaa na yeengera ishikapa mungo? Nrwe moose mmbo ulwee na nrima ukarovywa mfyoova.

ISAYA 30:1

Nndumi Iruva mmbo aamba indi, “Woshiny ni lwa valya valeshimina, yewo vakeerunndya uramba lwawo lulakee uramba lwakwa, vakeevikyana fyaasa kilasha na uramba lwakwa, vakaummbya ulyamari uwe ya ulyamari.

ISAYA 44:11

Lola vashelemaa, vaoroye vakusanyirye ando amwi, vasalale, vavereye na vakurye woose.

ISAYA 45:20

Kuumbeny mushe ando amwi, yeni va masanga mulellatya na ikirwaa. Mmbatiri urango yewo vakusirya mafwanu awo epasha, veterevaa maruva alashiidimaa ivakira-fo.

ISAYA 46:6

Vandu vauta saabu yuuka mbolokony tawo na yeesa meseny tawo, vakavika varundi vandesongosya saabu vakaallwa nng'u maruva awo veefiryandi na iyaarafuma.

ISAYA 46:8

Kumbweny efi, mundesalala kyuumi, umburaneny eni mukeilyamara.

YEREMIA 10:4

Nndu mmbo aushopa na arera na saabu; neewiikara na misumari na kyiria ulashesi-ngasinga.

YEREMIA 10:8

Woose mmbo vakee matondo na varung'ani, fyoose ni maruva a wongo eepasha.

YEREMIA 8:5

Mmbo kyavaany inda vandu yeva vankape mungo valakyiindya lyingyi? Vakakunanavya na ulembi, vakalema yiinduka?

HOSEA 10:1

Israeli ni nsabibu utiri ndunda shiingyi. Shaasa valefumbuka niindo valetana fitara fyeerasya. Shaasa uruka lwawo lulevavasywa niindo-da nawo valeengera ngo ta mawe ta iindya.

HOSEA 10:5

Vandu yewo vakaa efo muriny wa Samaria mmbo vashereremaa neefwa elyi vasheretaa ngashe yeyo ya saabu ikee Beteli. Wo na nkohani eto wa ngashe yeyo vasheiyaa-u. Mmbo vashekaa kiiyony kimmba vashesokwaa itumbe elyo lya saabu.

HOSEA 11:2

Shaasa shileengera immbaanga niindo aleengera ikaa kwaasha neeny. Vandu vakwa mmbo valentya Baali firaso fyeekora na muro vakafumbirya maruva a wongo nsu.

HOSEA 11:6

Mmbo vashelollyaa fira miriny yaawo, nayo isherua ngiri toose ta miri. Fira mmbo ishelyamaraa vandu vakwa mashika mmbo vatana ekyo kikee kisha misony awo veni.

HOSEA 14:3

Siria nnyishidimaa ilweekya-fo, nta frasi ta fira ntishidimaa iluringa-fo. Nta llukyambaa mafwanu ni Iruva weeru-fo. Woi Nndumi Iruva lyillya yewo valatiri ungyi vambuiyaa.”

HOSEA 2:8

Nta nnyashiirikyaa sheelyi nnyeny shilenniinga nganu, na mfinyo na mafura, na fesa na saabu eto aleutya baali-fo.

HOSEA 4:17

Vandu va Israeli mmbo vashillyo mmaruva a wongo. Ra vakae shaasa vakai!

HOSEA 8:4

Vandu vakwa mmbo valekusauya vamangyi wo veni. Vakavika na vasongoru kulore vashivesa. Vakeepoo saabu na fesa vakasongosya-fo mafwanu fikee mfindo fivarumataa wo veni.

HOSEA 8:5

Mmbo shisuuye nawo kya iruva lya saabu lya vandu va Samaria. Shitirwa ni unyafi kimaruma kyawo. Mmbo vashindyaa maruva a wongo fika indii?

HOSEA 8:6

Mwisraeli mwiipasha mmbo alesongosya ifwanu lya kiri: nalyo nshi iruva-fo. Nalyo iruva elyo lya saabu lya Samaria mmbo lyishewunduwaa!

MEEKYENA 32:14

Lola ulaalu neeni mmbo mwawuya alya a vande vany, nnyo mikaaye ya vandu varavi, naambo mwaante-se unyafi lwa Nndumi Iruva lusheye Israeli.

Varome 11:4

A kirouwo kya Iruva mmbo kileamba inda? “Mmbo shikusaarisye-fo vandu fiku mfungare valakeefirya Baali ndi.”

Varome 2:5

Kyaindi kyeendwa ni uumu lwafo, na nrima wafo ulatiri ngata ya ikurya, mmbo kwakudeesya unyafi kufike nkonu ulya wa unyafi na yaanduyo lyaorwa paa yoo usumanuny lwa Iruva,

2 Timoteo 3:13

Lyo vandu vakasha na velemba vasheengeraa ikaafo, na yeengera iraveeka, velembaa neelembwa.

1 SAMUELI 10:1

Naasa Samweli kawara wombe lwa mafura kaletya Sauli nrony, kammiminda, kaamba, “A Nndumi Iruva nshi akwaamba mafura kuve mangyi ya vandu vakwe va Israeli?” Kushillye vandu va Nndumi Iruva, kuvaute efo maakony a vakiduva vawo. Neeki shakutannya nkyo kyoora sheelyi ni Nndumi Iruva akwaamba mafura kusalallye ding'u yakwe.