HOSEA 13:10 - BIBILLYA Mareiyo Meele a Iruva

¹⁰ Mmbo mulekunda muniingwa mangyi neevikywa vasongoru. Yewo mmbo vashidimaa imukira?

HOSEA 13:10 Iomraidhean Croise

1 VAMANGYI 12:20

Naasa vekiita sheelyi Yeroboamu ammbuya vakanrumya vandu nashe ikwaannya vakamwaalwa mangyi ya ishilya Israeli, nta kulalollyo-fo nndu alekaa kyaalu kya mmba ya Davidi kuutafo mmba ya Yuda sheni.

2 VAMANGYI 17:4

Mangyi ya Ashuru katirya Hoshea kififi, mashika enruma nrumi ka So, mangyi ya Misri, nta nalakunde imwengye usanu, ndesa yekee miishivire yakwe wo mwaka, kweekyo mangyi ya ashuru kantira kamweera kifingyony.

SABURI 10:16

Nndumi Iruva mmbwe mangyi llung'anu na llung'anu; Masanga asherumakaa urukeny.

SABURI 149:2

Israeli nakyese neeto alemuumba. Vana va Sioni vafure neekabya mangyi yaawo ukoru.

SABURI 44:4

Ewe mmbwe mangyi na Iruva wakwa. Kuleidimisya vandu vafo vakavinga.

SABURI 74:12

Naakwa nnyendo, yewe mmbwe Iruva, mmbwe mangyi yeeru ukya kasha, Mmbo kulentana findo fiingyi fya ukyiro ulaniny.

SABURI 89:18

Mashika ngoo yeeru ni Nndumi Iruva, Na umangyi lweru ni lwakwe we Mweele wa Israeli.

ISAYA 33:22

Mashika Nndumi Iruva mmbwe nleti weeru mwiilushillya, Nndumi Iruva mmbwe mangyi yeeru, we mmbwe mwiikira weeru.

ISAYA 43:15

Yeny ni Nndumi Iruva mweele waany, muumba Israeli, mangyi yaany.”

YEREMIA 2:28

“Alee, nkwi maruva any akai, alya mwesongosya? Asalaleny, kwakooya ashiidimaa imukyira, kyeeri kyany kya ukiva; mashika shaasa miri yaany ikee miingyi ni indo maruva any affye, yee Yuda.

YEREMIA 8:19

Arannya, kyiiyo kya mfu wa vandu vakwa kikeyuuka taari ya uruka lwa kwaasha, “A ndesa Nndumi Iruva nnyakee efo Sioni? Mangyi wakwe nnyakee nnang'ani yakwe?” “Nkyikyiiny elyi vashirosya ngoo a mafwanu awo na maruva alaishiwa?

FIIYO 4:20

Mangyi ulya lwembikye nsia mmbo alelasuwa ni nsoori, Neese mmbo lweevikye nsia yoovya kirisheny kyakwe

HOSEA 10:3

Nalyo yeni vandu yeva vaambe, “Mmbo lulera lulaindya Nndumi Iruva lukatura mangyi. A mangyi nkyokyi eelutannya lyo?”

HOSEA 13:4

Nndumi Iruva mmbo aamba, “Yeny ni Nndumi Iruva wafo, shilekuuta Misri Nkutiri Iruva ungyi kuuta yeny-fo. Nta nkwiifo Mwiikira kuuta yeny-fo.

HOSEA 3:4

Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

HOSEA 7:7

“Nnang'ani ya muro eto vakawaa veevashillya. Vamangyi vawo mmbo valembwaawa umwi umwi. Lyo nkwiifo nta mwiikurya-fo.”

HOSEA 8:4

Vandu vakwa mmbo valekusauya vamangyi wo veni. Vakavika na vasongoru kulore vashivesa. Vakeepoo saabu na fesa vakasongosya-fo mafwanu fikee mfindo fivarumataa wo veni.

SEKARIA 14:9

Nndumi Iruva mmbwe ashevaa mangyi ya ulana loose; wo umwiamwiindye sha Iruva nkonu yeto mmbo ashevaa umwi na irina lyakwe lyimwi.

Yohane 1:49

Natanaeli kamwaallwa, “Rabi yewe mmbwe Mwana wa Iruva, yewe mmbwe mangyi ya Israeli.”

1 SAMUELI 8:7

Naasa Nndumi Iruva kavia Samweli, “Vaniingye wo kindo vakundye. Mashika nshi yewe vakeekulema-fo, ni yeny naambo shilave mangyi waawo.”