HOSEA 13:1 - BIBILLYA Mareiyo Meele a Iruva

¹ Elyo mbee kyeeri vandu va Efraimu valerera, Vaisraeli vengyi mmbo veiryaa. Lyo vandu vakalyamara elyi vaindya Baali, nakyo kiveengye ufu.

HOSEA 13:1 Iomraidhean Croise

Mapookyony 2:17

lyo ndunda ta nri wa imanya mesha na makasha kulashelya-fo, mashika nkonu eto kushelyaa ndunda ta nri eto ifwa nkuti kufwe.”

1 VAMANGYI 12:25

Llyo Yeroboamu aletana muri Shekemu kulya ifumbuny lya Efuraimu kandekaa-fo. Kandeuka kulya kashetana Penueli.

YOBU 29:21

Kyeeri yekyo vandu mmbo veshiveraa na ishaarannya, Vakamalallya sau vaarannyi kindo shivaviaa.

YOBU 29:22

Elyi shemaa irera mbewona kya yengerau fo, Marero akwa akavanong'ovia sha marony a mmbwa.

FYAASO 18:12

Ukushobi lwa nrima lwendee urumato; Indi iviiri mmbo lyeendee utore.

ISAYA 66:2

Mashika woko llo luletana efyi fyoose, findo efyi fyoose kutani fyayutika, ni Nndumi Iruva aamba, indi nndu yeu mmbwe shimullaa, nndu akee nnana, atiri ngoo ikunyiisye itirwa mbwiiri, yeto akee irerema kyeeri eeta irero lyakwa.

ISAYA 7:8

mashika Siria nnyitiri finya ikailannya Demasiko-fo na muri wawo nniini mmbutiri finya ukailannya mangyi Resin-fo, mashika Israeli ando a myaaka makumi arindaru na iraanu mmbo ikooywa ni kindo kyuumu deny isalala sha uruka.

HOSEA 11:2

Shaasa shileengera immbaanga niindo aleengera ikaa kwaasha neeny. Vandu vakwa mmbo valentya Baali firaso fyeekora na muro vakafumbirya maruva a wongo nsu.

HOSEA 2:10

Shimwaammbwe soori shinreu ruu mbee ya vakunde vakwe woose, na nkwiifo nndu ashiidimaa imweekya-fo nemwaauwa maakony akwa-fo.

HOSEA 2:8

Nta nnyashiirikyaa sheelyi nnyeny shilenniinga nganu, na mfinyo na mafura, na fesa na saabu eto aleutya baali-fo.

HOSEA 8:4

Vandu vakwa mmbo valekusauya vamangyi wo veni. Vakavika na vasongoru kulore vashivesa. Vakeepoo saabu na fesa vakasongosya-fo mafwanu fikee mfindo fivarumataa wo veni.

MEEKYENA 10:22

Naasa bendera ya yeema lya vana va Efraimu ikeepoo kyaaro na matorito awo, veesongoyo ni Elishama mwana wa Amihudi.

MEEKYENA 13:16

Yewo mmbo vandu Mose alevaruma vandesaiya uruka. Hoshea we mwana wa Nuni, Mose alemfishya irina ni Yosua.

MEEKYENA 13:8

Ufyari lwa Efraimu nsongoru alesauwa ni Hoshea mwana wa Nuni.

Luka 14:11

Shamashika wo nndu akwaallwa nniini we muni akaa nanyiiswa neeto akwaalla n-du we muni akaa naroswa.”

Varome 5:12

Naasany, ulyamari mmbo luleendwa ulaniny ni nndu umwi, nalo lukaende ufu. Na ulyamari yelo lukasheya vandu woose mashika elyi woose valyamarye.

2 Vakorinto 5:14

Mashika ikunda lya Kristo mmbo lyikeelwiitika, mashika mmbo lukeyuutyo uvingo, elyi umwi alefwa kimaruma kya woose, naasa woose mmbo valefwa.

YOSUA 3:7

Naasa Nndumi Iruva kavia Yosua, “Ni-inu yeni nshekung'anisaa mbee ya Israeli woose, naambo vamanye paa, mmbo shikee neewe shaasa llya shekee na Mose.

VALETI 12:1

Naasa vandu va Efraimu vakakusang'irya naambo varwe na ndoo, vakavia Yefta, “A nkyiki elyi kulendekabana na Vaamoni kulore kwaluvia?”

VALETI 8:1

Naasa vandu va Efraimu veekiita mbony yeto vakavia Gidion, “A nkyiki elyi kwalutannya indi?” Nkuleluvaanga elyi kulendekapana na Vamidiani-fo. Vakasakkya nawe deny.

1 SAMUELI 15:17

Samweli llyo alemmbia, “A llya kweelollye-da shaasa kwekee n-du wa vana va mau, lyo kwavikwa nniini wa vandu va Israeli woose.”