HOSEA 11:8 - BIBILLYA Mareiyo Meele a Iruva

⁸ “Israeli a niinda nshidimaa ikweera efo? A mmbo nkuraa inda? A nshidimaa ikumamita shaasa shetannya Adima, ao shikutannyi shaasa shetannya Zeboiimu? Nrima wakwa mmbushekeyaa shitani indo-fo Ikunda lyakwa kwafo yewe lyitiri finya nnu,

HOSEA 11:8 Iomraidhean Croise

Mapookyony 14:8

Mangyi wa Sodoma na mangyi ya Gomora na mangyi a Adima na mangyi ya Seboimu na mangyi a Bela, (nto Soari) vakakupoo vakadeesya fira kulya imungony lya Sidimu;

2 SAMUELI 24:16

Kyeendi kyeeri nsu ulya alekunda yeenda Yerusalemu nandevakaba Nndumi Iruva kaalasha, kavia nsu yeto wakwe “Naasa kifye, ra.” Nawe nsu ulya wa Nndumi Iruva mmbo emfika alya muunguny weekapya nganu wa Arauna, Myebusi.

1 VAMANGYI 3:26

Nka ulya ekee maye ya mwana ulya eefo na muu, kavavyo nriiminy kya mwana wakwe, kavia mangyi, “Shakutereva mangyi, mulawae mwana yeu-fo. Kuniingye nka eto mwana yeu eefo na muu nave vakwe.” Indi nka ulya ungyi kaamba, “Oonde! Mwana nalave wakwa nta wakwe-fo. Arumbuwa fyenga fivii.”

2 VAMANGYI 13:23

Indi Nndumi Iruva kavalillya, na itingwa, kyawo kimaruma kya kyaasa kyakwe na Abrahamu, na Isaka, na Yakobo, nta nnyalekunda ivamamita nta ivantya kwaasha na usangu lwakwe-fo.

2 MBONY TA FYEERI 36:15

Nndumi Iruva, Iruva wa vakuu vawo keengera-se ivarummya varumi ivaikimba naambo vakurye, kimaruma kya ivalyillya wo na mmba ilya ya iterevya.

SABURI 106:45

Kakummbwa mma yakwe, Kavakyiiya kwa ilyillya lyakwe iingyi,

ISAYA 16:11

Kweekyo, muu wakwa mmbo ukeiiya Moabu sha sese na nrima wakwa kimaruma kya Kir-heresi.

ISAYA 63:15

Lola uka iruveeu, kulollye uka marembo a usuri lwafo na usha lwafo; kififi kyafo nkwi kyikai, na wiidimi lwafo? Nrolu wa nrima wafo na isarya lyafo fyansurumwa kwakwa.

YEREMIA 18:8

lyo isanga elyo shalyirumbuya lyikuryaa, nshishaalashaa kya ngapo yeyo shenkusara iveengye.

YEREMIA 3:12

Enda, senda marero yaa kulella taari ya ndoo kwaamba, ‘Wuya, yewe Israeli nturi va kyikusirio, ni Nndumi Iruva aamba. Nshikyikulolaa na nyashi-fo, mashika shikee mwiisarya, ni Nndumi Iruva aamba. Nshishisswaa llung'anu-fo.

YEREMIA 31:20

“Israeli, kukee mwana wakwa nkunde nnu, shinkunndye nnu deny. Elyi shakusenda mmbo shasennywa nnu, Nrima wakwa mmbo wasembeya kufii neewe. Mmbo nshekulyillyaa.

YEREMIA 42:10

Kwakooya musaa urukeny yelu, lyo shishemuvangisaa nta nshimufofisaa-fo; Yeny nshimuvaaya nta nshimukurrwaa-fo; mashika shankurya kya makasha shilemutannya.

YEREMIA 9:6

Vakoombya yaafinya uwe ya yaafinya, na ulembi lukasora ulembi, vakalema ishimanya yeny, ni Nndumi Iruva aamba.

YEREMIA 9:7

Kweekyo, Nndumi Iruva muni matorito aamba indi: “Lola, mmbo shiveesaa sheelyi mfuru eetaa minya murony, a ndesa nkyi kyingyi shitanaany kwa vandu vakwa?

FIIYO 1:20

“Woi Nndumi Iruva lola, mavavywa akwa-dwa, na ngatara ya nrima wakwa! Nrima wakwa mmbo ukeenrovye ukavavywa kyeendwa ni ulyamari lwakwa. Vandu mmbo vakewaawa efo shia naneefo mmba ni kiwo.

FIIYO 3:32

Ashidimaa ilweengye makiva, lyo ukundi lwakwe llwa dede luvangye deny.

FIIYO 3:33

Nta nyafuraa neelyi lwawona ngatara na mavavyo-fo.

ESEKIELI 33:11

Vavie, Nndumi Iruva aamba, Yeny shiifo na muu, nshifurie ifwa lya nndu llyamari-fo, indi nndu llyamari naalashike, neera-fo shia yakwe shikasha akee na muu. Alashikeny, alashikeny, mure shia shikasha; nkyikyi yelyi mukundye ifwa, yeni mmba ya Israeli?

ESEKIELI 6:9

Wo mmbo vasheshikummbwa yeny nnang'ani ya vandu yewo va masanga kundo vanyanyakye veriywa mifungwa. Vakummbwaa ngata shilevakapa kyeendwa ni mirima yaawo ilatiri kikusiryo ikashaaluka, ikalema ishivika nsia, vakandevika nsia mafwanu a wongo. Kweekyo mmbo vashekuswaa wo veni kyeendwa ni weesi lwawo vatannye.

HOSEA 6:4

Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

HOSEA 7:1

Kyeeri kilya shikundye ishiisa vandu vakwa Israeli, llyo uravi lwawo lwalollyo mmwasi. Wo nndu mmbo akeelemba uroye, vakafisha mmba ta vengyi na iiva neyaafinya vandu efo shieny ta muri ivasoka findo fyawo.

AMOSI 4:11

“Shishemamita vengyi vany shaasa shilemamita kulya Sodoma na Gomora. Yewo vany valekia-fo vakava sha fimwii filekirwa fyuutwa rukony.” Nta mulashiwuiye.

AMOSI 7:3

Nawe Nndumi Iruva kaalasha kilya eerye itana kaamba, “Kyasia, ekyo kwalollya nkikitanyikaa-fo.”

AMOSI 7:6

Naasa Nndumi Iruva kaalasha lyingyi kilya eerye itana, kaamba, “Nta ekyi nshishekitanaa-fo.”

MIKA 5:3

Nndumi Iruva mmbo ashereeya vandu vakwe vakiduva kutani elyi nka yeto asheiraa mwana wakwe wa kyuumi. Numa lyo vandu vakwe vakee vakamare ushingeny vasheumbyoo-se vawuye kwa vandu vawo.

SEFANIA 2:9

Ni kya dede shaasa shikee Nndumi iruva wa Israeli, nkuti Vamoabu na Vaamoni vashelyamarwa sha vandu va Sodoma na Gomora. Uruka lwawo lusheva kundo kweraa shumbi na mmbala, kuve nrapu ngorosho deny, vandu vakwa yewo vasaafo mmbo vashetiraa uruka elo lwawo.”

Matayo 23:37

“Woi Yerusalemu! Woi Yerusalemu! Mwiiwaa veawuya fisuku, na yewo kwarummywa kwaveveera mawe. Ni keengyi na keengyi sheekunndye yuummbya fivana fyafo, sheelyi nguku yawummbya fivana fya vayo ikasikya na maaru. Na yeni mulakunde!

NKUMBUYE WA UVAVASO 29:22

Na ufyari lwany lwa numa, na muny waany auka kwaasha, elyi vashelollyaa ngapo tishe, llyo vashaamba,

NKUMBUYE WA UVAVASO 29:23

“Uruka lwakwe loose mmuro na shumbi, mmbo lukeeya, kulaifo ivaaya nta yuulula, nta mare nalammyaa-fo, lukavaka sodoma na Gomora, Adima na Seboimu, kulya Nndumi Iruva, alelyamara kyeendo ni unyafi lwakwe.”

NKUMBUYE WA UVAVASO 32:36

Mashika Nndumi Iruva asheetaa vandu vakwe Nalyillye mashinga akwe Kyeeri ekyo alollya finya tawo tammeeleleka Neelyi valollyaa nkwasaau nndu nalakeemfinge

2 Petro 2:6

Lyo aleengye urumato miri ilya ya Sodoma na Gomora, ikaya ikatana yaaluka ifu yeni, naambo ive kindo kya ikumbura yewo vasheraa iindya Iruva elyi numa.

Yuda 1:7

Kimwi sha Sodoma na Gomora na miri ilya ya minyanuny shaasa valeva veetuusa vakavaka yeva, velatyaa ngaa ya mwiili ilya ya kasha, vakavaka yeva, nawo mmbo valelyamarwa ni muro wa llunganu.

Usukuyony 11:8

Na minying'a yaawo mmbo ishewaa efo shieny ya muri yeto nniini, uvaangwaa irina lya uresi Nsodomu, ao Misri, na nng'u yoo Nndumi waawo alekapyo nsalabeny.

Usukuyony 18:18

Vakafua nnu llya valelollya nnsu eto wa iiya lyakwe, veshambaa, “Mmuri ungau uvakye muri yeu nniini?”

VALETI 10:16

Naasa vakoota-fo maruva alya a wongo eekee kwawo, vakabooka yiinndya Nndumi Iruva, nawe Nndumi Iruva kalollya ukyiva lwa Israeli.