HOSEA 10:8 - BIBILLYA Mareiyo Meele a Iruva

⁸ Findo filya vekeindya ifumbuny lya Aveni mmbo fishelyamarwaa. Miinga na ngorosho mmbo fishe lumbaa fitara efyo fyeerasya. Vandu vashefwaa vavie mafumbu lusikyeny, na fidooro, Luwoyeny.

HOSEA 10:8 Iomraidhean Croise

Mapookyony 3:8

Vakasheita ntiri wa Nndumi Iruva erua-rua efo nnden elyi mwi warya. Adamu na nkaakwe vakaovya miso a Nndumi Iruva nnang'ani ya miri,

1 VAMANGYI 13:2

Naasa nndu eto kakapa kyoorongye uwe ya kitara kya irasya, kwa irero lya Nndumi Iruva, kaamba, “Woi kitarakya irasya, kitara kya irasya, Nndumi Iruva aamba indi, kunu ufyariny lwa Davidi ashewonikafo mwana irina lyakwe Yosia; we mmbwe ashemamita vakohani ewo vekora firaso fya ikwindya yewe, na maffwa nang'u ushemamitwa kimaruma kyafo.”

1 VAMANGYI 13:34

Kaekyerya vandu maako ndesa alekunda we muni, naambo vakooye iva-fo vakohani va ando kwa uwe. Mbony eyo ikava ulyamari uniini kwa mmba ya Yeroboamu, ikalyamarwa deny na imamitwa kunu ulaniny.

1 VAMANGYI 14:16

Israeli nawe asheutwaafo kimaruma kya ulyamari lwa Yeroboamu lya alelyamara lukasheengye Israeli nsindara.

2 VAMANGYI 23:15

Na kilanya ya fyoose, kitara klya kyeerasya kyekee kulya Betheli, na ando kwa uwe alya kwesongosywa ni Yoroboam, mwana wa Nebati, ulya eteere vana va Israeli kawunndwa kitara kilya kyeerasya na andu alya kukee uwe kawunndwa na ifishafisha ikawa sha kilulyi, na Ashera ilya kaimamita.

2 MBONY TA FYEERI 31:1

Mikonu ya sukuku ikimaaisya, vandu woose va Israeli mmbo vekwaana miriny ya Yuda myoose, vakafisha-fisha ngo ta mawe shoose na imamanya mafwanu a Ashera moose, iruva lya kyika, na isammbwa fitara fya irasya na yiindya maruva engyi. Ni indo vetana kulya Yuda, Benyaminy, Efraimu na Manase, kutani vamaa ilyamara fyoose. Numa ya vayo vakawuya wo nndu kyeny kwakwe.

ISAYA 2:19

Vandu mmbo vasheangaa efo mbangeny ta mawe, neefo marininy naambo vakooye ikusuruma nyashi ya Nndumi Iruva na itumbe lya wiidimi lwakwe kyeeri asherukaa na ireremisa uruka.

ISAYA 2:21

Kyeeri Nndumi Iruva ashaa mmbo vashaanga efo mbangeny ta mawe, neefo miresheny, neekusuruma kwasi ya fidooro kyeyoora ikusuruma usangu na nyashi ya Nndumi Iruva.

ISAYA 32:13

Kya minda ya vandu vakwa isheemyaa meera na miraambo yeeda uwe ya mmba ta ifura nnang'ani ya muri utiri ifura na mindoro.

ISAYA 34:13

Miinga na rafi tishemyaa efo kyeny kwawo, kusheva ni kundo nyaa na maparwe ashekaa.

HOSEA 10:2

Vandu yeva vatiri mirima milembi nkuti ulaalu vataiywa kya uravi lwawo. Iruva mmbo ashesammbwaa fitara fyawo fyeerasya neewundwa-wundwa ngo eto tawo sheele.

HOSEA 10:5

Vandu yewo vakaa efo muriny wa Samaria mmbo vashereremaa neefwa elyi vasheretaa ngashe yeyo ya saabu ikee Beteli. Wo na nkohani eto wa ngashe yeyo vasheiyaa-u. Mmbo vashekaa kiiyony kimmba vashesokwaa itumbe elyo lya saabu.

HOSEA 10:9

Nndumi Iruva aamba indi, “Vandu va Israeli mbalemmanda ishilyamarya uka ulyamari llwa lwawo lwa Gibea-fo. Fira ilya ya Gibea mmbo ishekaa ivasore. “Mmbo nshewoyaa vandu yeva varavi shivakabe.

HOSEA 2:6

“Neeny mmbo nshendingityaa na uvare lwa miinga, na shia yeemfikya shiiraye.

HOSEA 4:13

Mmbo vandenta firaso efo mafumbu-u, neefo fidoorony vakakorya-fo firaso, kundo kutiri miri myaasha itiri ifweera isha! Naasa kikavaany vana vany va kika mmbo vava vatuusi na valyi vany vakatuusa.

HOSEA 4:15

Lyo ra elyi yeni vandu va Israeli mulakutiri neeny, lyo vandu va Yuda valawe ulyamariny sha elo lwany-fo. Muleende Gilgali indeendya-fo-fo na Beth-aveni mularwe nafo-fo. Nta mulavikye-fo Nndumi Iruva fyaasa-fo

HOSEA 5:8

Kabeny iranda lya fira kulya Gibea! Muvekaba wombe kulya Rama! Ongoreny kya fira efo Bethaven! Vandu va Benyamen, endeny fireny.

HOSEA 8:5

Mmbo shisuuye nawo kya iruva lya saabu lya vandu va Samaria. Shitirwa ni unyafi kimaruma kyawo. Mmbo vashindyaa maruva a wongo fika indii?

HOSEA 9:6

Kyeeri urumato lusheshaa lukooye vandu veenyanyakye, Vamisri mmbo vashevaumbyaa nevarika kulya Memfis! Findo fyawo fya fesa mmbo fishelumbwaa ni usaka ando amwi na kyeny kwawo kuve ngorosho ya miinga.

AMOSI 1:5

Mmbo nshefisha-fishaa myaango ya muri wa Damascus, shuumbute vandu va imungo lya Avena na mangyi ya Beti-edeni. Vandu va Siria mmbo vashekamarwaa kwaasha vekee vafinge vanderawa urukeny lwa Kiri.”

AMOSI 3:14

‘Nkonu yeto nshekabaa Israeli kimaruka kya ngyulyamari tawo, mmbo nshemamitaa na fitara fyerasya fya Beteli. Taari toose ta fitara tishewunduwaa nakyo kirengukye si.

AMOSI 7:9

Alya vana va Isaki vekeiindya Iruva mmbo kushelyamarwaa, Na ando kweele kwa vana va Israeli kurewa kwikee nrapu. Nalo umangyi lwa Mangyi Yeroboamu mmbo lushemandaa.”

AMOSI 8:14

Yewo veinndya maruva a Samaria, yewo vashambaa “sswa iruva wa Dani, ao sswa iruva wa Beerseba, yewo mmbo vashewaa valakikwipoo lyingyi.”

MIKA 1:13

Neeni va Lakishi, deesyeny frasi tany ta fira. Mmbo mulesora Israeli kya ilyamara mukaambutya na Yerusalemu ulyamari.

MIKA 1:5

Efi fyoose mmbo fishesheyaa vandu va Israeli mashika elyi valyamarye vakalema Iruva. Mmbi yeto asheutyoo uvingo kya efyo? Mmbandu va Samaria veni. Ni vi akee mwiindya maruva a wongo? Nshi vandu va Yuda veni? Yerusalemu sheni.

NAHUMU 3:11

Naakwa ni yewe kunangwaa-da, kusurumwa Nkurishaa nkiduva naambo kukusurumi.

Luka 23:30

Llyo meendi vashepokaa ivia mafumbu, Luwoyeny! Na yeni fidooro lusikyeny!

NKUMBUYE WA UVAVASO 9:21

Naasa sheepoou ulyamari lwany, nnyo ngashe yeyo, shaimamita na muro, shaisa ikava sha laami na nsongoso neeny shaufwallya efo mfongony weesoka wuuka efo ifumbuu.

Usukuyony 6:16

veviaa mawe na mafumbu, luwoyeny, lusikyeny, lulalollyo ni yeto akee rembo kitiminy kya itumbe, na unyafi lwa Ngurana ya Iruva.

Usukuyony 9:6

Nalyo kyeeri ekyo vandu mmbo varuuyaa ufu lyo valalulollyaa. Nawo mmbo valanga ifwa, lyo ufu luvarishe.