HOSEA 10:2 - BIBILLYA Mareiyo Meele a Iruva

² Vandu yeva vatiri mirima milembi nkuti ulaalu vataiywa kya uravi lwawo. Iruva mmbo ashesammbwaa fitara fyawo fyeerasya neewundwa-wundwa ngo eto tawo sheele.

HOSEA 10:2 Iomraidhean Croise

1 VAMANGYI 18:21

Naasa Elia kasalala kufii na vandu woose, karera kaamba, “Mmutirwaa nnyinyira nnag'ani ya makusaro avii kufikeindii? Kimmba Nndumi Iruva mmbwe Iruva llatyeny mmbwe; indi kyasia kwakooya Baali mmbwe Iruva llatyeny mmbwe.” Vandu valya vakassyado sau.

YUUKA 23:24

Kulasheinndya maruva awo, nta iirunndya, nta kulatane findo fivakyani nawo, mmbo kusheimamitaa deny na ngo ta vayo kutifishe-fishe.

FYAASO 11:18

Mbusha awonisaa nravi nnya wongo, Indi mwitana fya usumanu akooya mbusha ya dede.

ISAYA 44:18

Mmbaishi nta mmbaitumusoo-fo mashika vakee vafinge miso valalollye, na mirima yaavo valaidimi imanya.

YEREMIA 43:13

Nnyashefishaa ngo ta Heliopolisi tikee urukeny lwa Misri; na mmba ta maruva a Misri nataate muro.”

ESEKIELI 14:5

Naambo shiidimi yuumbya mirima ya vana va mmba ya Israeli valya valennyanyaka kyeendwa ni maruva a wongo.

HOSEA 12:11

Lyo fika ulaalu maruva a wongo mmbo akeeinndywa kulya Gileadi. Neewo veindya indo nkuti vafwe. Shau kulya Gilgali mmbo tikeshishwa. Lyo fitara efyo fyeerasya mmbo fishevaa mboto ta mawe a mbateny.

HOSEA 13:16

Samaria nayo nkuti ikapwa kimaruma kya ishira yeny neeshilema. Vandu vakwe mmbo vamamikyaa fireny, vakoku vavavarywa efo si, na vaka vakufingye vaporomuwa noosu.”

HOSEA 3:4

Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

HOSEA 7:8

Nndumi Iruva kawuya kaamba, “Vandu va Israeli mmbo vavakye nkate mmbisi taari imwi. Mmbo vakusasanda na vandu va masanga ewo vavaringitye,

Valevi 26:30

Neeny nshelyamara ando any, a miindye, na mafwanu any a nkyeere shiwunduye si, na minying'a yaany shiituule uwe ya minying'a ya mafwanu yoo, na ngoo yakwa imuswe deny.

MIKA 5:13

Mmbo llyamara mafwanu a maruva any na ngo ta fitara fyerasya. Uka lyo mmusheindya-se findo musongosye muveni-fo.

SEFANIA 1:5

Mmbo llyamara wo umwi asamaa mmbeu na iindya mwi, mwiiri, na nyinyiri. Lyingyi-se llyamara woose ewo vallya mboo na yeny kya wongo, ate mmbo vallya mboo na irina lya iruva Moleki.

SEKARIA 13:2

Na nkonu yeto Nndumi Iruva muni matorito aamba; mmbo nshesangyaa-fo mafwanu na maruva a wongo moose kunu urukeny, nalakaa nakumbuwo lyingyi, sanda na vakisuku, amwi na mimuyo mitefusu myoose.

Matayo 6:24

“Nkwiiyo nndu ashiidimaa irundya vanndumi vavii-fo. Mashika ndesa ashesua yeto umwi na ikunda yeto wa kavii. Ao ndesa ashetiraa yeto umwi namini yeto ungyi. Nta mmushiidimaa irundya Iruva musande na irundya masaa a ulana elu-fo.”

Luka 16:13

Nta nkwiifo nsoro wa poo kwa nndu ashiidimaa irundya vanndumi vavii-fo. Kungyi ashesuaa yeto umwi nakunde yeto ungyi, ao kungyi ashelumbaa yeto umwi namini yeto wa kavii. Nta mmushiidimaa irundya Iruva musande irundya na masaa-fo.”

Yakobo 1:8

Nndu akee ilasa kuvii mmbo atirwa nnyinyira shieny takwe toose.

Yakobo 4:4

Yeni vetuusa, a mmbo mulaishi itira mbuya na ulana ni iva nkiduva wa Iruva? Nkyo wo nndu akunda iva mbuya ya ulana mmbo akwallwa nkiduva wa Iruva.

1 Yohane 2:15

Mulashekunda ulana nta findo fiifo-fo. Kwakooya nndu akunda ulana, yekyo kya ikunda Nde nkyikee nnang'ani yakwe-fo.

1 SAMUELI 5:4

Llya valekupoo lyingi elyi lya ndesi ya vayo vakavekooya-se, ate Dagoni ammbwasi kifulufulu alya mbee ya isanduku lya Nndumi Iruva, na nrwe wa Dagon na fidau fya maako fikarumbuka fikawa yoo mwaangony, Dagoni lyikasaau mwiili mweni.