HOSEA 10:11 - BIBILLYA Mareiyo Meele a Iruva

¹¹ “Israeli mmbo eevakye ngashe shiloshe nisha naambo ikape nganu na nsia. Lyo mmbo shilembikya iryo efo singony yakwe shisha naambo ishora lyakwe lyirwaa. Yuda naremi na Israeli nakoninde maboka.

HOSEA 10:11 Iomraidhean Croise

ISAYA 28:24

A ndesa mwiirema naambo avaakye mmbo aremaa-nsi? A mmbo engera irema neevavarya nrema-da?

YEREMIA 28:14

Nndumi Iruva muni matorito wa Iruva wa Israeli mmbo aamba we mmbo ashevikaa vandu va masanga ewo woose mitaato ya minya efo singony varunndye Nebukadnesa.”

YEREMIA 46:20

Misri ni ngashe shisha ya malla, indi yallyamarwa ulyamaro luuka na taari ya ndoo.

YEREMIA 50:11

“Eni vasoki va masaa akwa; naakwa mwafura na ikushela mukakillya-kyillya sha ngashe ikeelya mare neeipoiyo sha frasi ya kyuumi.

HOSEA 11:4

Ni ikunda na usisiryo shilewoomwa nalo na kwakwa Shaveepoo shavavika yaa kipooteny kyakwa, shakwiinyika shavalola.

HOSEA 2:5

Maye waawo mmbo aletuusa, katana findo fya usutu, llya aleamba, “Ra shisore vakunde vakwa, mmbo vashiningaa shoonga, na mura, soori na mafura na mfinyo.

HOSEA 3:1

Nndumi Iruva kashivia, “Enda kunderuuya nka ntuusi atiri mmi ungyi. Neewe nkuti kunkunde shaasa neeny shikundye vandu va Israeli, lla elyi wo vaindya maruva engyi na iwootya firaso.”

HOSEA 4:16

Vandu va Israeli mmbo vavakye nshungu kwa ukaidi. A mmbo nshevalelaa inda sha moonri ashiiswaa kyaandany?

HOSEA 9:1

Yeni Israeli, reny sukukuu ta ifura ta vandu va masanga. Mmbo mureeye Iruva waany mukaindukya mbai. Mmbo mulekurambikya muveni mukavaka vaka va shia va Baali mukalanga nganu yeyo alemuura nayo!

MIKA 4:13

Nndumi Iruva mmbo aamba, “Vandu va Yerusalemu, endekapeny vakiduva vany! Mmbo nshemukaarisaa muvake shau itiri mbembe ta minya na mbungashu ta yaambo moomu. Mmbo mushekakasha vandu va masanga meengyi, na masaa yoo valesoka vandu vengyi na finya musheyeengye, yeny Nndumi Iruva wa masanga moose.”

Varome 16:18

Mashika yewo vakee indo mmbakeerunndya Nndumi weeru Yesu Kristo-fo, nndeu tawo veni. Nawo mmbo vareraa marero mafoo vekukundisaa, ate mmbo vakeelemba mirima ya vandu vatele.

NKUMBUYE WA UVAVASO 25:4

Kyeeri ng'umbe tikeesisa nganu tilafingwa kana-fo.