HOSEA 10:1 - BIBILLYA Mareiyo Meele a Iruva

¹ Israeli ni nsabibu utiri ndunda shiingyi. Shaasa valefumbuka niindo valetana fitara fyeerasya. Shaasa uruka lwawo lulevavasywa niindo-da nawo valeengera ngo ta mawe ta iindya.

HOSEA 10:1 Iomraidhean Croise

1 VAMANGYI 14:23

Mashika naakwa ni vandu eva vakandetana kundo kwa uwe, ngo ta maashera, uwe ya kidooro kyaasha, na sumbai ya wo nri uteri mare manuru,

YEREMIA 11:13

Mashika maruva any nnyammiingyiki sha yeekyena lya miri yaany yeni Yuda; na sha wiingyi lwa shia ta Yerusalemu ni indo sony ya wiingyi lwa fitara fya irasya muletana, fyeerasya Baali.

YEREMIA 11:17

Nndumi Iruva wa matorito, yeto emuvaaya, ammanya ngapo yaany, mashika ya uravi yelo mmba ya Israeli na mmba ya Yuda valetana, shirosya ngoo kya ikorya Baali ubani.”

YEREMIA 2:28

“Alee, nkwi maruva any akai, alya mwesongosya? Asalaleny, kwakooya ashiidimaa imukyira, kyeeri kyany kya ukiva; mashika shaasa miri yaany ikee miingyi ni indo maruva any affye, yee Yuda.

HOSEA 12:11

Lyo fika ulaalu maruva a wongo mmbo akeeinndywa kulya Gileadi. Neewo veindya indo nkuti vafwe. Shau kulya Gilgali mmbo tikeshishwa. Lyo fitara efyo fyeerasya mmbo fishevaa mboto ta mawe a mbateny.

HOSEA 12:8

Vakooka-fo vakaamba, ‘Lwammba masimba, lwankooya mbusha shisha, nta nkwiifo nndu aluvesaa kundo lwauta masaa-fo.’

HOSEA 13:15

Naakwa Israeli avesywa sha mooro, mmbo nshendee uraato lwa muro luuka taari ya ngameny ya kasa, Lusheumisya ngyusoka na mbora toose. Wo kindo kiiyo kimamike.

HOSEA 13:2

Mmbo veengera ilyamara elyi vasongosya mafwanu a minya vakaiindya mafwanu a fesa, atanwa mmaako a vandu. Nawo vakaamba, “Niingyeny firaso!” Nndu mmbo ashiidimaa inda imiminda ifwanu ifwanu lya shau!

HOSEA 13:6

Lyo kwikyifika urukeny usha, kwawuura, kwakurosa neeshirekywa.

HOSEA 2:10

Shimwaammbwe soori shinreu ruu mbee ya vakunde vakwe woose, na nkwiifo nndu ashiidimaa imweekya-fo nemwaauwa maakony akwa-fo.

HOSEA 2:8

Nta nnyashiirikyaa sheelyi nnyeny shilenniinga nganu, na mfinyo na mafura, na fesa na saabu eto aleutya baali-fo.

HOSEA 3:4

Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

HOSEA 4:7

Shaasa vakohani valeengereka niindo na ulyamari lulefumbuka. Mmbo nshefullwa wiindi lwany luve seko.

HOSEA 8:11

Shaasa veengera fitara fyeerasya naambo vasarywa, niindo vafumbuta ulyamari lwawo!

HOSEA 8:4

Vandu vakwa mmbo valekusauya vamangyi wo veni. Vakavika na vasongoru kulore vashivesa. Vakeepoo saabu na fesa vakasongosya-fo mafwanu fikee mfindo fivarumataa wo veni.

Valevi 26:1

Mulasongosye ifwanu lya ngata shose, nta mulasaleese ifwanu lyeepasha, nta ngo shaasha, nta mulasaleese iwe lyeepasha urukeny lwany lyive lya yiindya, mashika yeny ni Nndumi Iruva, Iruva waany.

NAHUMU 2:2

Mashika Nndumi Iruva mmbo akeeviirya Yakobo itumbe lyakwe, sha itumbe lya Israeli, Ra na elyi vakiduva kulaore vevareeya kindo, Naakwa maramba a misabibu yawo mmbearambuya yefo-si.

2 Vakorinto 5:16

Nkyoony, uka ulaalu yese lwiishi nta nndu umwi kyikee kya mwiili-fo. Na kyikava yese mmbo lulemanya Kristo lukee na mwiili yeu, kyaindi ulaalu nshi indo-fo.

Vafilipi 2:21

Mashika vandu vengyi mmbo vakeeruuya mbony tawo veni, na nshi mbony ta Kristo Yesu-fo.