HOSEA 1:10 - BIBILLYA Mareiyo Meele a Iruva

¹⁰ Vandu va Israeli mmbo vashevaa sha nsanga wa yeeve, ulavaa yeekyena. Naasa Iruva kaamba, “Mmukee vandu vakwa-fo.” Lyo nkonu usheshaa nashevavia, “Mmbo mukee vana va Iruva yeto muni muu!”

HOSEA 1:10 Iomraidhean Croise

Mapookyony 13:16

Na ufyari lwafo nshelufumbutaa sha uteeri lwa sumbai lulavaa yeekyena; na kwakooya ndu eedima yeekyena uteeri na ufyari lwafo nalo ashidimaa yeekyena.

Mapookyony 22:17

Ikuvikya mbora nshekuvikya, na ikufumbuta nshekufumbutaa, ufyari lwafo luve sha nyinyiri ta nginii-u, na lyingyi sha nsanga wa mbai ya nruva; na ufyari lwafo vashevingaa vakiduva vafo.

Mapookyony 32:12

Neewe mmbo kuleamba, “Ni dede nshekutannyaa mesha, nshefumbuta ufyari lwafo luve sha nsanga wa yeeve, ulavaa yeekyena shaasa ukee mwiingyi.”

2 SAMUELI 7:24

Neewe mmbo kulevangisa vandu vafo va Israeli vave vafo llung'anu neewe kuve Iruva waawo, neewe Nndumi Iruva, kulewa Iruva waawo.

ISAYA 43:6

Shivie taari ya ndoo, “Lekeiya” na taari ya sinde, nta kulashifinngyeshia-fo. Endeny vana vakwa uka kwaasha, na sambura takwa masiiyo ya uruka.

ISAYA 48:19

Lyingyi vana vafo vashevaa sha nsanga wa yewo vauka nsangeny wafo sha kyaana, irina lyakwe llyesherumakaa nta irekywa-fo.”

ISAYA 63:16

Mashika nnyewe Ndeye weeru naakwa ni elyi Abrahamu nalalwiishi, nta Israeli nalakee ilukureekya; Yewe Nndumi Iruva, nnyewe Nde weeru, “Mwiikira weeru” uka llunganu llyo irina lyafo.

ISAYA 64:8

Indi ulaalu, yee Nndumi Iruva, yewe mmbo kukee Nde weeru; yese loose ni uteri neewe kukee muumbi weeru, yese loose mmbo lukee mashora a maako afo.

ISAYA 65:1

Vandu valashikunndye mmbo vekevesa mbony takwa; mmbo shallollyo ni yewo valakeshiruuya, mmbo isanga lyilakevaangwa na irina lyakwa.

ISAYA 66:20

Nawo vasheende vana vamaye vany woose uka masangeny koose, iva kiraso kwa Nndumi Iruva, na uwe ya frasi na mitika, na fitara, na uwe ya nshungu na mafisi, fika ifumbuny lyakwa yeele Yerusalemu, ni Nndumi Iruva aamba; shaasa vana va Israeli vakeyeende firaso fyawo mmba ya Nndumi Iruva na kiiya kisha.

YEREMIA 33:22

Mmbo shivikyaa ufyari lwa nsero wakwa Davidi mbora, kiwo neelo lwa Levi vafumbuke, nta valavaa yeekyena vave shaasa tikee nyinyiri ta nginii-u ao nsanga wa mbai ya nruva.”

DANIELI 6:26

Mmbo shavavasya, vandu woose-si ya ushilyi lwakwa, vaereye na yiindya Iruva yeu wa Danieli. We ni Iruva akee na muu, nawe mmbo asheshillyaa llung'anu. Umangyi lwakwe lulamamitwaa nta wiidimi lwakwe llukaa lumande-fo.

HOSEA 1:9

Nndumi Iruva kavia Hosea mmbaange, “Lo-ami nkyo kyaamba yeni mmukee vandu vakwa-fo, nta yeny nshikee Iruva waany-fo. Mashika vandu va Israeli mmbakee vandu vakwa-fo, neeny nshikee Iruva waawo-fo.”

HOSEA 2:23

Nsheviirya vandu vakwa uruka lwawo vakooye iveswa. Yewo vensuwa shivaore ikunda lyakwa, Na valya kulore vekee vandu vakwa shivaviire kwakwa. Llyo nshaamba, “Yeni mmbandu vakwa,” nawo vaambe, “Yewe ni Iruva weeru.”

Yohane 1:12

Indi yewo vammeembwarya woose kavaniingya ulyimbi lwa yaaluka vana va Iruva, mmbo yewo vakusirye na irina lyakwe.

Varome 8:19

Mashika naakwa mfyuumbe fyoose mmbo fivikye nsia nnum isheorwa paa itumbe lya vana va Iruva.

2 Vakorinto 6:18

Mmbo shivaa nde waany, neeni muve vana kwakwa, va kyuumi na va kyika, niindo Nndumi muni matorito aamba.

Vaebrania 11:12

Kyeendwa ni efyo vakairwa ni nndu umwi nawe kava sheelyi amfwa, vakawonika vandu veengyi sha nyinyiri ta efo nginiiu-te, sha nsanga wa mbai ya nruva ulavaa yeekyena.