3 Kashikapa keengyi na keengyi kuleefo isarya.
Shekee ifureny indi kashifisha-fisha, kashitumwa singo na ishipara fiparwe fiparwe kashaalua kindo kya ikapa mife yakwe.
Shillyillyeny, Shillyillyeny yeny mbuya takwa; Mashika woko lwa Iruva lwanshivenya.
Kwakooya shilemmwoorrwa woko mwaanduny mbee ya mwana wa ngwera Naambo mwirummbwa mwaandu ashikunndye,
Ee, mife ya Iruva, muni finya yammaa ishidosha; muu wakwa ukana suumu ya vayo. Weeresi lwa Iruva lwanshiwoya.
Mife yafo ikeshivavisa, Woko lwafo lukashirovya.
Mmbo nshoorwa woko lwakwa uwe yaany shimusangye kyirinda ekyo mufwani mwiile pyai sha nndu asinga minya ikeela deny.
Kwekyo Nndumi Iruva karooywa nngoo kya vandu vakwe. Kaorrwa woko lwakwe kavarikya ngapo ing'ani, vakakapwa na mafumbu akaringina na minying'a yaawo ikakwaana yefo shia koose sha kirashi. Naakwa ni indo nta nyashi yakwe nnyileoloka-fo, keengera ngapo uwe yaawo.
Indi vakallema, vakanlyilyisa nnu mumuyo wakwe mweele; kyuuka na indo kaalashika, kava nkiduva, kakabana nawo.
Nndumi Iruva, Iruva nnyashesaryaa nndu wa ngata yeyo-fo, llyo unyafi lwakwe lusherwaa sha nsu kwa nndu yeto, na urumato elu lwaambawa kyitabuny yekyi lunsheye, nawe Nndumi Iruva, naangate irina lyakwe ulaniny.