FIIYO 2:3 - BIBILLYA Mareiyo Meele a Iruva

³ Kyeendwa ni unyafi lwakwe kamaa wiidimi lwa Israeli Kalema iveekya kyeeri vakiduva valesha Nave mmbo arumataa Yakobo sha muro umamitaa wo kindo.

FIIYO 2:3 Iomraidhean Croise

2 MBONY TA FYEERI 34:25

Vakashimina na yiindya maruva engyi a wongo, vakaniingya-fo kiraso na ifumbira ubani. Sharooywa ni ngoo, kwa mitannyi yaawo mikasha. Sharooywa ni ngoo kimaruma kya Yerusalemu kuleefo musiisiika.

YOBU 16:15

Shakushonnya masara a makunnya, usuri lwakwe shalweera kilulyiny.

SABURI 132:17

Nangu nng'u nsheningyaa Davidi wombe lwa ishillya; Nawe Mwikira Nndundi mwaambe mafura wakwa nawone taa.

SABURI 74:11

Nkyiki elyi kwasuruma woko lwafo? Nkyi-kyeema kulaorwe woko lwafo.

SABURI 75:10

Mmbo ashefishaa mbembe ta vandu valyamari woose, Indi mbembe ta yewo vasumanu mmbo tishaakarwaa.

SABURI 75:5

Mulakusare, mmbo mukee nnu vandu vatoki, Nta na irera marero a ukushobi.”

SABURI 79:5

Woi Nndumi Iruva, mmbo kuswaa llung'anu? Unyaasi na kififi kyafo mmbo ing'anaa indo kufike indii?

SABURI 89:24

Mmbo shinkundaa deny, usaari na ilyillya lyakwa fikee nave, Na kwa irina lyakwa mmbo avikyoo mbora.

SABURI 89:46

Woi Nndumi Iruva, a kufike indi? Nkukusurumaa llung'anu? A unyafi lwafo mmbo lushaakaa sha muro fika indii?

ISAYA 1:31

Valya vatiri finya mmbo vashevakaa mare moomu, mashora awo ave sha sise ta muro varumake amwi na mitannyi yaawo nta valalollyaa mwiivatarama.

ISAYA 42:25

Kimaruma kya efyo, kaolota unyafi lwakwe uwe yaawo na finya ya fira ikaata muro taari toose, nta mmbalemanya-fo. Vakasarumya nta mmbalesununda mbony yeyo efo miriminy yaawo-fo.

YEREMIA 21:14

Yeny nshishemukabaa kyikwaani na ndunda ta mitannyi yaany, ni Nndumi Iruva aamba; Yeny shishaata muro mituru yakwe, ulye wo kyindo kyinringyitye.”

YEREMIA 4:4

Kurininy kwa Nndumi Iruva, ereny kishongu yekyo kwaasha neeni rininy mirima vandu va Yuda na yeni mukaa Yerusaalemu; nyashi yakwa ilasheakaa sha muro, yaaka lyilawonaa mwiirumya, kyimaruma kya uravi lwa mitannyi yaany.”

YEREMIA 48:25

Wombe lwa Moabu lwamrumbuwa na woko lwakwe lwamfishwa,” ni Nndumi Iruva aamba.

YEREMIA 7:20

Kweekyo Nndumi Iruva: Lola, ngoo na nyashi yakwa nnyipusuywa yaandi, nndu na ifisi, miri ya marema na ndunda ta uteri, nnyikoraa nta nnyirumywaa-fo.”

FIIYO 1:13

“Mmbo aleshirikya muro wuuka uwe, ukashikora ukaanga deny.” Kashivikya nsoori ukashitira shawa si Kashira-u shisheengeraa ivavyo.

FIIYO 4:11

Nndumi Iruva mmbo aleinutya unyaasi lwakwe kaata muro Sioni, ukamamitya findo fyoose.

ESEKIELI 13:13

Kweekyo yeny Nndumi Iruva shaamba: “Kweenyafukwa lyakwa mmbo nshantaa uraato lwa iruruma na mmbwa niini ya mawe, nafyo fyiwunndwe isimamba yelyo.

ESEKIELI 7:14

Wombe lwankapwa, lweeivya vandu vakudeesye. Lyo nkwiifo asheenda fireny-fo, mashika ngapo yakwa ni ya vandu woose.”

NAHUMU 1:6

A mmbo-vi ashiidimaa ikweesa na ngoo ya Nndumi Iruva? Mmbo-vi ashiidimaa isisirya unyaasi lwa nyashi yakwe? We mmbo apuswaa nyashi yakwe ikaaka sha muro, Mmbo ipaparaa naakwa mmawe a ngyina.

MALAKI 4:1

Manyiny-te nkonu yeto wa Nndumi Iruva wiifo ushaa. Mmbo ushelollyoo sha muro nniini. Yewo veekung'anisa veni na varavi vashevaa sha muulu. Nndumi Iruva wa matorito mmbo aamba nkonu eto mmbo ushemamitaa vandu kulashesaau nta nri ao itavi.

Luka 1:69

Kaluseleesya ngo ya ukiro lwa efo mmba ya nsero wakwe, we Davidi.

Luka 3:17

Nawe arie nndeeva na woko lwakwe nandeelya efo muunguny wakwe kwiile peru. Na nganu eto natyaalye efo mbesheny yakwe, na muulu nandeuvivya murony ularumikaa.”

NKUMBUYE WA UVAVASO 32:22

Mashika unyafi lwakwa lwammaata muro Nato ukeaka fika kwa vafu Ulye ulana na fimu fya vayo Ukore mafumbu fika efo si uvasheny lwa vayo