FIIYO 1:2 - BIBILLYA Mareiyo Meele a Iruva

² Kio kyoose kutani kwakya mmbo akeffwa, misoru ikansangya kisangu. Vambuya vakwe woose kulakae-fo mwimbiirya muu alesaa-u. Valya vankundye mmbo valendEringya vakakaa mbai nawe.

FIIYO 1:2 Iomraidhean Croise

YOBU 6:15

Mbuya takwa mmbo vashilemba sha usoka, vakashilemba sha soko ilatiri mura.

YOBU 7:3

Naasany mmbo shikee mwekennyi miiri na miiri ya kisisa kyakwa ni misoru kio fika kio.

SABURI 126:5

Veevaaya na misoru, vasheilulaa veefuraa.

SABURI 31:11

Vakiduva vakwa vakashiila Kwa vandu va nnyanu shava sha ifwanu. Mbuya takwa vakashiilla vakaereya, Vakakwaanannya na yeny vakashirisha.

SABURI 6:6

Shammba nnana kimaruma kya ilwaa lyakwa, misoru ikaishwa efo kitareny elyi kio, Kitara kikashoshoka misoru a kiiyo kyakwa.

SABURI 69:21

Ando eeshiniinga shoonga; Vakashiniinga kireeyo, Ando eeshiniinga mura wa kyaakuka vakashiniinga siki.

FYAASO 19:7

Nturi mmbo eepalwaa naakwa ni vana va maaye, Mbuya nto mmwasi mmbo vanrishaa, Naakwa avalelemba inda nnyavakoyaafo.

YEREMIA 13:17

Indi kulammirikya, nrima wakwa mmbo usokywa mfyoova kyimaruma kya ukushobi lwafo. Na miso akwa mmbo ashepusuka misoru kyimaruma kya ivavywo nnu. Kyimaruma elyi ironda lya Nndumi Iruva lyankurikwa mifungwa.

YEREMIA 2:25

Kuleende kularee fyaaru nta kulare ikoro lyafo lyaakuke-fo. Indi nkuleamba, ‘Ni ruu, mashika shilekunda veny na yeny mmbo shivasoraa.’”

YEREMIA 3:1

“Kwakooya nndu alakana na nka wakwe kandeorwa ni nndumi ungyi, a ndesa akyiidimaa iwuyya nka yeto? A uruka yelo lushiilannyaa-se itefuswa? Lyo yewe Israeli mmbo kulenkapa usonga na womi veengyi; a kushekyiwuyaa kwakwa? Ni Nndumi aamba.

YEREMIA 30:14

Vakunde vany woose mmbo vammuurekywa, mmbakimusarye-fo Mmbo shilemukapa sha nkiduva, ngapo yafo ikarovya elyi maravi afo afumbuka, na ulyamari lwafo lukang'ana.

YEREMIA 4:30

Woo, yewe kukee nrapu, A nkyiriye yaamba kyi elyi kukweerye masara mesha indo, kwaraa fipulyi fya saabu, na miso kwang'anisa na fwana shive? Nkwakutokopa ruu. Vakunde vafo mmbo vakuminnye; mbakeeruuya muu wafo.

YEREMIA 9:1

A nkyema nrwe wakwa vekee ni kyirori na miso akwa ekee usoka lwa misoru, shikabe kyiyyo nsanyiny na kyio, kya ishishwa lya vandu vakwa.

FIIYO 1:19

“Shafuuya vambuya vakwa vakalema isheekya Vakohani vakwa na vandu vasongoru vakawaiyo efo shia ta muri, veeruyaa shoonga vakkye muu.

FIIYO 1:21

“Aranyiny kiiyo kyakwa, nkwiifo mwishivirya muu-fo-te Vakiduva vakwa mmbo vakyesye elyi kulesheengye urumato. Woi Nndumi Iruva inutya kyaasa kyafo, vakiduva vakwa vaoni ngatara sha yeny.

FIIYO 1:9

Utefusu lwakwe mmbo lulelollyo paa, lyo alasare ekyo kyisheukoOyaa. Mmbo ulewo kikasha, ulavaa iviirya muu-fo. vakiduva mmbo valemmbinga, vakafuya Nndumi Iruva ulaalu.

FIIYO 2:11

Miso akwa mmbo afwa kimaruma kya iiya, nrima ukarovyo nuukiva, nrima wakwa mmbo waariswa ni ukiva elyi vandu wakwa valemamitwa. Vana vadu na vakoku mmbo vakeyuumya efyo shieny ta muri.

ESEKIELI 16:37

Kweekyo lola mmbo shikeesangyirya vakunde vafo woose, valya kweelyaa nawo vesha na vakasha shivaummbye wooka taari toose, shikusaleese mbee yaawo vakulole kwikee mbereto.

HOSEA 2:7

Narishye vakunde vakwe lyo nare nalavakooya. Navaruuye navature. Nookefo naambe, ‘Ra shiwuiye mmi ulya wakwe wa mbee, llya shekee kyeni ngota ulaalu.’

MIKA 7:5

Kulasore vamurasa wafo nta kulairikye mbuya yafo-fo. Lola kukwiise nnu kindo kuviaa naakwa ni nka wafo kumuni.

Usukuyony 17:13

Yaa mmbo akee kindo kimwi nsi, nawo vakeniingya ifisi llya finya tawo na ushilyi lwawo.

Usukuyony 17:16

Na mbembe tilya ikumi kulelollya na ifisi elyo, yewo mmbo vasheswaa nka yeto ntuusi, kutani vashenraa ruu na mbereto, vallye nyama, vashemmamitaa na muro deny.