DANIELI 9:3 - BIBILLYA Mareiyo Meele a Iruva

³ Neeny sheendukya Nndumi Iruva, shantereva na imweererya shakwaamba ifu, sharaa makunnya, neekootoya shinterevaa,

DANIELI 9:3 Iomraidhean Croise

2 SAMUELI 12:16

Nawe Davidi kafuuya Nndumi Iruva kimaruma kya mwana yeto. Davidi kakootoya, kalala si eeterevaa.

ESRA 10:6

Esra kookany yoo mbee ya mmba ya Iruva, kaanga neefo kiryeny kya Yehohani mwana wa Eliashibu, kalala rony nnyalelya shoonga-fo, nta nani mura-fo, mashika mmbo ekeiya kimaruma vandu va usamirony valetura kikusiryo.

ESRA 8:21

Naasa llyo shilevavasya wo umwi weeru nakootoye alya mfo wa Ahava lukunyiise mbee ya Iruva, lusumanise shia teru yese na vana veru ando amwi na findo fyeeru fyoose.

ESRA 9:5

Nalyo kyeeri kya kiraso kya nkwaany shasalala shiikee na fyoova nnu soori takwa na kansu yakwa tiirandukye indo, shafiirya ndi, shooroya Nndumi Iruva, Iruva wakwa maako akwa,

NEHEMIA 9:1

Nalyo wikee nkonu wa makumi avii na kaana wa mwiiri yeto, vana va Israeli vakakuumbya ando amwi, vakakootoya, veeree makunnya, neekwaamba kiluulyi nrony.

ESTA 4:16

“Endesanyirya Vayuda woose va Shushan, mukootoye ando a mikonu iraru mulalyaa nta ina kindo, kio na nsanyiny, neeny na fishinga fyakwa mmbo lutanaa indo, llyo shaangeny na kwa mangyi lla neelyi shilatiri muumu, kwakooya shawaawa, na shiwaawa.”

YOBU 42:6

Kwa yekyo nkeekurya ando amwi neekwaamba kiluulyi na ifu, Na ikulollya sheelyi yeny nshi kindo ttwa-fo.”

SABURI 35:13

Indi kyeeri valetirwa nndwari, Yeny shileraa makunnya shasokywa mfoova. Shakulyisa ukiva na ikwiima shoonga, Shainyika nrwe shivaterevyaa,

ISAYA 22:12

Nkonu yeto Nndumi Iruva wa matorito, mmbo ekunndye mukape kiiyo, neefira muute fii ta nrrwe neeraa soori ta makunnya.

YEREMIA 33:3

“Shivaanga, neeny nshekwiirikyaa, shikoore findo fya wende finiini kulore kufiishi.

ESEKIELI 36:37

Nndumi Iruva aamba indi: Kyimaruma kya mbony yei, mmbo shiveswaa ni vandu va mmba ya Israeli shivatannyi. Neeny shisheveengyera vandu vavake ironda lya moonri.

DANIELI 6:10

Kyeeri Danieli emanya sheelyi mangyi ammbika woko ishingo llya mmbo eenda kyeny, kaanga mmba efo kirieny kya uwe, ando kutiri idirisha usumanu na Yerusalemu. Yoo idirisheny elyo nng'u ando Danieli eefiryaa-ndi, elolaa Yerusalemu, katereva neyaarafuma Iruva wakwe kararu wo nkonu; ndesa yeeke miishivye yakwe uka numa.

DANIELI 9:2

Mwaaka wa mbee wa ushilyi lwakwe, yeny Danieli mmbo shekekulosha neesoongya mbony tikeeshireiye efo fitabuny fyeele, shamanya mbony tilya Nndumi Iruva evya nkisuku Yeremia, sheelyi Yerusalemu ishewunduwaa ando a myaaka makumi mfungare ishaa.

DANIELI 9:20

Kyeeri shiifo shireraa neetereva, neekurya ulyamari lwakwa, na ulyamari lwa vandu vakwa Israeli, na yeererya Iruva wakwa navauwe mmba yakwe sheele.

DANIELI 9:4

Shetereva Nndumi Iruva, Iruva wakwa, shaamba, “Woi Nndumi, Iruva kutiri finya, Iruva kweeresye. Mmbo kukee nsaari na yiinutya fyaasa fyafo, koora na ikunda lyafo lya dede kwa ewo vekukunda vakatana ekyo kuvavasye.

YOELI 1:13

Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

YOELI 2:12

Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo.

YONA 3:5

Vandu va Ninavi llya valeita indo vakakunyiisya Nndumi Iruva. Vakapooka ikootoya, wo umwi waawo. Woose kupookya nniini fika n-du waawo, vakaraa makunnya kya yoora iindukya Iruva.

Matayo 17:21

Ngata yei nnyishuukaa kulaore ni elyi kwatereva Iruva ando amwi na ikootoya-fo.]”

Luka 2:37

Nawe ni nka wa ding'u, na kya ukuu lwakwe amaaye myaaka makumi nyanya na iina. Nawe nnyelakana efo mmba ya Iruva-fo, kava mwiindya Iruva ekootoyaa na itereva Iruva kio na nsanyiny.

Mashora 10:30

Kornelio kaamba, “Mmikonu iraru ileira, saa yei sheni, nnyo saa kyeenda, mmbo shekee kyeny kwakwa shiterevaa, kukava nndu asalala mbee yakwa, aree soori timikaa,