DANIELI 9:22 - BIBILLYA Mareiyo Meele a Iruva

²² Karera neeny kashivia, “Danieli, mmbo shasha, shishekuniinga wiidimi na urango lweemanya.

DANIELI 9:22 Iomraidhean Croise

DANIELI 10:11

Nalyo nsu wa Iruva kashivia. “Danieli, Iruva akukundye nnu, Salala kushaarannyi nisha kindo shiifo nkuviaa, mmbo nkee nrumi kwafo.” Llya ekeyaamba marero yoo shasalala shu, lyo shiireremaa.

DANIELI 10:12

Naasa kashivia, “Kulaereye-fo, Danieli, Iruva mmbo aleita fiterewo fyafo kupookya nkonu ulya kulekunyiisa mbee ya Iruva wafo. Mmbo sharumwa nshekurouwa fiterewo fyafo.

DANIELI 10:14

Ulaalu mmbo shisheye ikuvia findo fikaa fishe elyi numa. Eti ni mmbony ta mikonu eyo ishekaa ishe.”

DANIELI 10:21

Llyo shishaany ikuvia, filya fikee fireiye efo fitabuny fya usumanu. Nta nshitiri ungyi ashiidimaa isheekya kuuta nsu Mikaeli nringyi waany.”

DANIELI 7:16

Shasora umwi wa valya veselelyi alya nashitambashuye urango lwa mbony eti shoose. Nawe kairikya itana indo, kashimanyisya mbony shoose ndesa tikai.

DANIELI 8:16

naasa sheeta unyanga lwa nndu, luuka kulya nnang'ani ya mura wa Ulai lukaamba, “Gabrieli, nrambuye kya filya alollya.”

AMOSI 3:7

Nndumi Iruva wa matorito nnyatanaa kindo nare nalakyoora mmbele vasero vakwe wo vakisuku-fo.

SEKARIA 1:14

Naasa nsu ulya alerera na yeny, kashivia, vaanga na unyanga waasha, kwaambaa ule, “Nndumi Iruva muni matorito, mmbo aamba indi, ‘Nrima wakwa mmbo wiishwe ifura kya muri wa Yerusalemu na ifumbu lya Sioni.

SEKARIA 1:9

Naasa shaamba, “A nkyoki ekyi Nndumi wakwa?” Nsu ulya alerera na yeny, kashivia, Shikoora yewo mmbaki.

Usukuyony 4:1

Numa ya efyo, shoorwa mwaango wa iruveu wiirwiikaa, na unyanga lulya lwa mbee shelwiita luvakye unyanga lwa iranda lukarera na yeny, lukaamba, “Saama kushe kunu, na yeny nshekoraa findo fishekaa-fo numa ya efyo.”