DANIELI 9:20 - BIBILLYA Mareiyo Meele a Iruva

²⁰ Kyeeri shiifo shireraa neetereva, neekurya ulyamari lwakwa, na ulyamari lwa vandu vakwa Israeli, na yeererya Iruva wakwa navauwe mmba yakwe sheele.

DANIELI 9:20 Iomraidhean Croise

ESRA 10:1

Nalyo elyi Esra eefo atarevaa nepara ulyamari indo, kakutuula, si kifulufulu yoo mbee ya mmba ya Iruva womi vaka na vana va Israeli veengyi nnu vakakusanyirya yoo akai, veeshiiyaa nnu.

NEHEMIA 1:6

woi mbee, sheevetya kuri kafo, na miso afo atarambuke, kwaaranyi kyeerero kya kishinga kyafo, shaasa shikekufuuya kio na nsanyiny, kimaruma kya vana va Israeli vakee vasero vafo, neelyi shikeekunyiisa kimaruma kya ulyamari lwawo, valekulyamarya, yee yeny na vandu vakwa mmbo lulekulyamarya.

SABURI 145:18

Yewo vembaanga Nndumi Iruva kakaa kufii nawo, Mmbo yewo vambaanga na nsia.

SABURI 32:5

Shakurambuya mitannyi yakwa Nta nshilesuruma ukasha lwakwa-fo, “Shapara ulyamari lwakwa loose kwa Nndumi Iruva.” Na yewe kwashisarya urekwa lwakwa!

MWIILOSHA 7:20

Ni kya dede nkwiifo nndu nsongovisi ulaniny atanaa mesha kyeeri kyoose nalatani ulyamari-fo.

ISAYA 56:7

Nawo mmbo shiveende fika ifumbuny lyakwa yeele, na ivaniinga ifura efo mmba yakwa ya iterevya, firaso fyawo fyekora na muro na fyeersya mmbo fishiirikywaa efo meseny akwa; mashika mmba yakwa ivaangwa mmba ya iterevya mmasanga moose.

ISAYA 58:9

Llyo kuvaanga; na Nndumi Iruva nakwiirikye, mmbo kufiiraa nawe naambe: “Shikee yaa!” Kwakooya kwauta-fo ukasha; lulakeefo nnang'ani yafo nta yoorwa nni wafo nta irera maravi,

ISAYA 6:5

Neeny shaamba, “Woshiny lwakwa! Ulaalu shamamika mashika yeny mmbo shikee nndu llyamari na ntefusu, shikee nnang'ani ya vandu vatefusu mashika miso akwa allollya ungyi; Nndumi Iruva wa matorito.”

ISAYA 65:24

Na mmbo kivaa sheelyi kulaore vantereva mmbo shirouwaa; na kulare vanrera, mmbo nshitaa.

DANIELI 10:12

Naasa kashivia, “Kulaereye-fo, Danieli, Iruva mmbo aleita fiterewo fyafo kupookya nkonu ulya kulekunyiisa mbee ya Iruva wafo. Mmbo sharumwa nshekurouwa fiterewo fyafo.

DANIELI 10:2

Kyeeri yekyo mmbo shekee kiiyon ando a fimaa firaru.

DANIELI 11:45

Ashesha ireiyaa meema akwe maniini nnang'ani ya yeeve, na itumbe lya ifumbu yeele. Lyo ashefikyaa ufishony, kulaore alollya mwintarama.”

DANIELI 9:16

Ni yewe Nndumi kuleva mwiluringa efo koose luukye. Kulakirooywa-se nngoo kimaruma kya Yerusalemu-fo; nta kimaruma kya ngyulyamari teru na uravi luletanwa ni vakuu veru-fo. Yerusalemu muri wafo na ifumbu lyafo yeele. Vandu va masanga valuringyitye mmbo vakeemina Yerusalemu na vandu vafo kimaruma kya ulyamari lweru na kya uravi lwa vakuu veru.

SEKARIA 8:3

Yeny mmbo shiwuya muriny wa Sioni shishevikaa marembo akwa yoo Yerusalemu nnang'ani. Yerusalemu mmbo ushevaangwa muri wa usumanu, na ifumbuu lyakwa yeny Nndumi Iruva muni matorito, mmbo ushevaangwa ifumbu Yeele.

Mashora 4:31

Vekimaa itereva Iruva, ando alya vekai kukarinyiswa, woose vakaishurwa Mumuyo Mweele, vakaamba irero lya Iruva na ukaari.

Varome 3:23

Mashika woose mmbo vatannyi ulyamari, na yaanguywa ni itumbe lya Iruva.

Yakobo 3:2

Mashika mmbo lwawona misindara yese loose keengyi nnu. Nndu nalawonaa nsindara efo mireryeny yakwe, yeto ni nndu nsongovisi, yeto ashiidimaa ilammya mwiili wakwe moose.

Usukuyony 21:10

Kashiipoo shikee na Mumuyo kashifita ifumbuny yaasha, kashoora muri ulya mweele, nto Yerusalemu, wisholokaa wuuka kwa Iruva muni finya toose.

Usukuyony 21:2

Naasa shalollya muri ulya mweele, nto Yerusalemu shiiya wiisholokaa wuuka iruveu kwa Iruva, nato wamaa ideesyo, uvakye mwalyi wa walyi ammaa ideesyo mmi wakwe.