DANIELI 9:18 - BIBILLYA Mareiyo Meele a Iruva

¹⁸ Woi Iruva wakwa shilootya maarwi neetarambwa miso afo kulole ukiva lweeru na ngata muri ukeesisywa, yeto ukeesendwa na irina lyafo. Fiterewo efi lwakeengye nshi kimaruma kya mesha eru-fo, ni kimaruma elyi yewe kukee wa isarya lying'ani.

DANIELI 9:18 Iomraidhean Croise

1 VAMANGYI 8:29

Lola mmba yei kuiringe kio na nsanyiny ando kwa itereva kulesauwa yewe kumuni.

2 VAMANGYI 19:16

Loota yaarwi lyafo Woi Nndumi Iruva kwaarannye tarammbwa miso afo kulollye kwiite marero a senakeribu yoo aleruma nndu kasha naambo aarare Iruva yeu eefo na muu.”

SABURI 116:1

Haleluya, Mmbo shikundye Nndumi Iruva Kimmba aarannya, Mashika asharannya kiiyo kya fiterewo fyakwa.

SABURI 25:6

Woi Iruva mwitorya, Kummbwa ikunda na ufoo lwafo uniini A myeeri myoose na llung'anu.

YUUKA 3:7

Nndumi Iruva kaamba, “Lyo dede shallollya ukyiva lwa vandu vakwa vakee Misri, na yeny shallollya kiiyo kyawo kimaruma kya vekallya vawo, mashika shilollye mavina awo.

ISAYA 37:17

Loota kuri woi Nndumi Iruva kwaaranyi, lola woi Nndumi Iruva kulolye, kwiitye marero a Senakeribu aleende naambo naarare Nndumi Iruva eefo na muu.

ISAYA 43:7

Wo nndu akee mbaange kwa irina lyakwa, yeto shilemuumba kya usuri lwakwa, yeny mmbo shilemuumba, ee-da, ni yeny shilentana.

ISAYA 64:12

Mmbo kukwimaa kulalole mbony eti, yewe Nndumi Iruva? Mmbo kumalallyaa na ilulyilyisa deny?

ISAYA 64:6

Mashika yese loose lwammba sha nndu afwani kirinda, na mitannye yeeru myoose ya usumanu, ikava sha soori tirinndye, yese loose mmbo lukeyuuma sha ire, na uravi lweru mmbo lukee iluvivita sha uraato.

YEREMIA 14:7

‘Lla neelyi uravi lweru alollyo paa, Lweekye-dwa woi Nndumi Iruva, kyeendwa ni irina lyafo; mashika ni keengyi lwankukapa mungo, lukakulyamarya.’

YEREMIA 14:9

Nkyikyi elyi kwavaka nndu mweerei ashiraa, ao sha nsikari nalakitiri finya yekabana? Lyo dede Nndumi Iruva kukee neese na llukesendwa na irina lyafo; kulalure-fo mmbe.”

YEREMIA 15:16

Marero afo elollwa na yeny shaalya, akaaluka ifura na ikunda lya nrima wakwa; mashika nshikee va irina lyafo woi Nndumi Iruva wa matorito.

YEREMIA 25:29

Mashika loleny, nshikepooka itana makasha muriny usendwaa na irina lyakwa, neeni murewaa mulakapwa? Yeni mmuraamulakapwa-fo, mashika Yeny nshikeevanga usu kyilasha kya vekaa woose va uruka, ni Nndumi Iruva wa matorito aamba.’

YEREMIA 36:7

Kulakooye ndesa vatereva Nndumi Iruva vauke efo shieny tawo shiravi, mashika Nndumi Iruva mmbo akunndye ivarikya ngapo shiroo.”

YEREMIA 37:20

Na ulaalu, woi mangyi mmbo shakutereva kushaarannyi eki. Shikunndye ikutereva. Mmbo shakutereva kuulashiviire kifingyony kulya mmba kwa Yonatan–fo. Shilasheendefiyya-fo.”

ESEKIELI 36:22

“Kweekyo vieny yewo va mmba ya Israeli; Nndumi Iruva aamba indi: Nshikeetana indi kyimaruma kyany-fo Israeli, ni kyimaruma kya Irina lyakwa yeele, yelyo mulelyitefusa yefo masangeny muleenda.

ESEKIELI 36:32

Manyiny sheelyi, nshiketana indi kyimaruma kyany-fo, ni Nndumi Iruva aamba, sukeny mukaalashika kyimaruma kya ngaa yaany shikasha, yeni va mmba ya Israeli.

DANIELI 9:7

“Ewe Nndumi Iruva kwatana fya usumanu kyeeri kyoose. Lyo yese kyeeri kyoose mmbo lwatana fya usutu. Kwa yese lukee kunu Yudaya na Yerusalemu niindo kileva, neewe kwanyanyata Vaisraeli woose efo masangeny a kwaasha na a kufii kimaruma kya elyi valekumina yewe.

MEEKYENA 6:27

Niindo vashevikaa irina lyakwa uve ya vana va Israeli, neeny nshevavikya mbora.

1 Vakorinto 1:2

Yeni va siri ya Iruva ikee Korinto, valya vakee vailyise kyeendwa ni Yesu Kristo, vakavaangwa naambo vave veele, ando amwi na woose valya vakeesenda irina lya Yesu Kristo wo ando, Nndumi waawo na weeru.