DANIELI 8:13 - BIBILLYA Mareiyo Meele a Iruva

¹³ Naasa sheeta nsu umwi ereraa, na nsu ungyi kammbesa; a nkishiipoo kyeeri kifie inda yoorya elyi: Firaso fya muro iteendwa, iteere, na itefusa ando erasya na ironda ikakashwa na marende?”

DANIELI 8:13 Iomraidhean Croise

SABURI 74:10

Woi Iruva, vakiduva veru mmbo vakusekaa fika indii? A mmbo vatatalaa irina lyafo llung'anu?

SABURI 74:9

Firingisyo fyeru fyeele llukifilollye lyingyi-fo, Llukitiri nkisuku nta umwi-fo! Nta llwiishi mmbo kyivaa indi kufike marika-ki-fo.

SABURI 79:5

Woi Nndumi Iruva, mmbo kuswaa llung'anu? Unyaasi na kififi kyafo mmbo ing'anaa indo kufike indii?

ISAYA 28:18

Yoondo llyo ishingo lyany na ufu lyishefishwaa na kyaasa kyany na varumu kyishekabwa nstari. Kyeeri nsindara ulya ung'ani usheshaa llyo ushemutuula sumbai.

ISAYA 6:11

Neeny shammbesa, “Nndumi, mmbo kyivaa indo kufike indii?” Nawe kashirouwa kaamba, “Kutani miri yasaa-fo marama, kuve ukyiva kuleefo veni mmba tilatiri vandu; na uruka lwamma ilyamarwa deny.

ISAYA 63:18

Vandu vafo veele mmbo valetira kyeeri kyaangu, na vakiduva weru vakavavara ando afo kweele.

ISAYA 9:6

Mashika kweru mwana ammbonika, ammbonika mwana wa vomi, na umangyi mmbo llukee meeveny akwe na irina lyakwe ashevaangwa, “Mangyi wa marikiso Iruva Atiri Finya! Nnde wa llung'anu! Mangyi ya Urilalyi!”

YEREMIA 12:10

Veesi veengyi mmbo valelyamara irema lyakwa lya misabibu, vakavavara waavi lwakwa, vakaallwa kyaau kyakwa kyiviiri, kasa ka nng'alo.

DANIELI 11:31

Matorito akwe mmbo ashetefusa mmba ya Iruva ya vayo, nnyasheimaa yuutya Iruva firaso fya wo nkonu fyemamitwa na muro na asherongaa mmba ya Iruva.

DANIELI 12:11

“Kupookya nkonu ulya firaso fyeekora na muro wo nkonu fishemandiswaa, nkyo kyeeri kilya kya uravi weesi, ni mikonu kyiku kyimwi, mayana avii na makumi kyeenda isheiraa-u.

DANIELI 12:8

Sheeta, lyo shilamanye. Lyo shammbesa, “Ale Nndumi wakwa, mafurumyony a mbony eti mmbo ushevaa inda?”

DANIELI 4:10

“Kindo kileshisheya kyeeri sheelele yoo kitaren ni ekyi; mmbo shilelollya nri umwi nniini nnu, ukee mmbaakye yoo nnangani ya uruka,

DANIELI 4:13

“Shiimuye yoo kitareny kyakwa shiikusara kya yoorya elyi, shalollya sha yoorya indi nsu wa Iruva, akwiisye ashooloka ooka iruveeu kalola swaa.

DANIELI 4:23

Kyeeri kwekeelola mangyi nndumi mbee mmbo kulelollya nsu ulya eshoolokaa auka iruveeu, kaamba, ‘manya nri yeu kuulyamare, lyo kureu isinde elyo lyavayo ando lyimiiye.’Kulyifinge na nse va minya na arera, kulyire yoo mbateny na mamburu engyi a mooro. Kure laura yoolokye nndu yeu ando a myaaka mfungare ekee amwi na mafisi a ngoroshony.

DANIELI 7:16

Shasora umwi wa valya veselelyi alya nashitambashuye urango lwa mbony eti shoose. Nawe kairikya itana indo, kashimanyisya mbony shoose ndesa tikai.

DANIELI 7:23

Kya ifisi lya kaana shavywa: “Ni umangyi lwa kaana, lusheshaa urukeny nalo mmbo lushevaa kilasha na ngyumangyi tilya tingyi toose, na ilyamara uruka loose neelukakasha, neetifisha-fisha.

DANIELI 9:27

Mwiishillya yeto mmbo ashevikyana kyaasa na vandu veengyi ando a myaaka mfungare, na yoo nnang'ani a kyeeri ekyo, iniingya firaso mmbo fishemandaa. Urumato lulavaa yaamba mmbo lushekaa-rembo yoo mmba ya Iruva, lukeeu kutani asha yeto akee ndeesye ashelollyaa umando elo Iruva an-deesye.”

SEKARIA 1:19

Naasa shavesa nsu ulya, ekeerera neeny, “A mbembe yeti mmbo taamba-ki?” Nawe kashirouwa, kashivia, yaa ni masanga alya atiri finya enyanyata vandu va Yuda, Israeli na Yerusalemu.”

SEKARIA 14:5

Eni mmbo murishaa mwiira na yaandi imungony elyi, nnang'ani ya mafumbu yaa avii a Nndumi Iruva. Mmbo musherishaa ndesa vande vany verisha kidina-si kyeeri kilya kya Usia mangyi ya Yuda. Naasa llyo Nndumi Iruva muniany ashaa aryani na veele vakwe woose.

Matayo 11:27

Mmbo shilerambikywa findo fyoose ni Nde-yaakwa. Nta nkwiifo nndu aishi Mwana-fo kulaore ni Nde. Nta nndu aishi nde-fo, kulaore ni yeto Mwana, na nndu yeto Mwana ankunda inrambuya.

Matayo 24:15

“Naasa elyi meendi mushelollyaa uravi lwiilannyi kyeeso usutu lulya lweeallwa ando kweele irama lwansha nang'u lulya lukee waambe ni nkisuku ulya Danieli (na mwiisoma-u nakummbwe!)”

Marko 13:14

Indi usutu lyulya lwa yaallwa-u irama elyi meendi mushelollyaa lwamfika alya lulasumani ifika-u na yeto mwiisoma-u nakummbwe llyo yewo vakooyaa valele kunu Yudaya vanderisha vapare mafumbu-u.

Luka 10:22

Nalyo kaindukya valya vakiloshyony kaamba, “Mmbo shilerambikywa findo fyoose ni Nde wakwa. Nta nkwiiyo nndu eeshi Mwana mmbwe, kulaore ni Nde-fo, nta Nde mmbwe ungau kulaore ni Mwana-fo, na Mwana-fo, na nndu yeto mwana ankunda inrambuya.”

Luka 21:20

“Indi meendi mushelolyaa kunu Yerusalemu kushingilyo mmatorito a fira nalyo manyiny, mmbo kwamfika kyeeri kya vayo kyealuka irama.

Luka 21:24

Nalyo vashewawaa noosu na inderawa mifungwa efo vanduny va masanga na usu. Na kunu Yerusalemu kuve kundo vandu va masanga vavavara kutani fyeeri fyawo fyafika.”

Yohane 1:18

Nkwiifo nndu alellollya Iruva-fo. Ni Mwana yeto wa Ngitany, yeto akee ng'undeny ta Nde, mmbwe yeto aleloora Nde.”

NKUMBUYE WA UVAVASO 33:2

Nndumi Iruva mmbo alelollyo alya Sinai, kakoora nawo alya Seiri Kavaa sha mwi alya ifumbuny lya Paran Kasha na fiku fya vasu, na muro ushaakaa wokony lwakwe.

1 Vatesalonike 3:13

naambo navangise mirima yaany ikae ikee mivaramise ilatiri kyiteve mbee ya Iruva, Nde weeru, ivereye isha lya Nndumi weeru Yesu ando amwi na veele vakwe woose.

Vaebrania 10:29

Mwalollya inda? Ndesa nndu yeto ashewaryaa Mwana wa Iruva nnyashewaryaase ngapo niini mwasi, neemina samu yeyo ya iilyisa sheelyi nshi kindo-fo, neemina Mumuyo mwiisarya?

1 Petro 1:12

Vakaorwa sheelyi nshi kimaruma kyawo veni-fo, kyaindi kimaruma kyany nkyo vakafurukannya efyo, na mfyo muleongoywa ni valya valemoongoya Nrumi ya Nsia vekaywa ni Mumuyo Mweele yeto alerumwa auka iruveeu. Mbony eti naakwa ni vasu mmbo valangye itilola.

Yuda 1:14

Enoki yeto akee wa mfungare kuuka Adamu, mmbo alerera kyawo sha nkisuku, kaamba, “Lola-te, Nndumi mmbo alesha eriyani na veele vakwe, fiku na fiku.

Usukuyony 11:2

Na kari ka mmba ya Iruva kulakee-se-fo, mashika vandu va masanga mmbo valeaniingwa, nawo mmbo vashevavaraa muri yeto mweele ando a miiri 42.

Usukuyony 6:10

Vakafua na unyanga waasha vakaamba, Woi Nndumi Mweele, muni Dede, mmbo kufikaa indii kulashuutaa uvingo, nta iniinga samu teru usumanu kya yewo vakee ulaniny?

VALETI 13:18

Nsu yeto wa Nndumi Iruva kammbia, “Nkwi kurwaa irina lyakwa, mmbo lyikee inda?”