DANIELI 7:9 - BIBILLYA Mareiyo Meele a Iruva

⁹ Kyeeri shekelola, firi fya ushilyi fikavikwa ando a-vayo. Nawe ulya alenkaa na muu llung'anu na llung'anu kasha kakaya kiri kyakwe. Soori takwe mmbo teekee shaa pyai, na fii takwe tikavaka “sufu.” Kyiri kyakwe kya umangyi mmbo kyekee sha kipala-pala kya muro, na fireto fya vayo fikee fya muro ukeyaaka.

DANIELI 7:9 Iomraidhean Croise

1 VAMANGYI 22:19

Mikaya kaamba, Ulaalu arannya irero lya Nndumi Iruva, mmbo shilelollya Nndumi Iruva ekaaye kiri kyakwe kya umangyi/Ushilyi, na vasikari vakwe woose va efo iruveeu veselelyi taari ya woko usha na woko umuso.

2 MBONY TA FYEERI 18:18

Naasa Mikaya kaamba, “Ulaalu arannya shikuvie irero lya Nndumi Iruva; Mmbo shilelollya Nndumi Iruva ekee rembo yefo kitiminy kyakwe kya umangyi na itorito lyakwe lyoose lya iruveeu lyiiselelyi taari ya woko lwakwe usha na umuso.

SABURI 45:8

Masara afo akatira mfwaamu nsha. Veembi vakaimbya kwafo, Efo mmba tishopyo na mbembe ta shofu.

SABURI 90:2

Meendi mafumbu nalandevikwa, nta ulana lulandeveiywa, Ni Yewe Iruva, kweiyo pookya llung'anu na llung'anu.

SABURI 93:2

Kitima kyafo mmbo kitiri wiidimi pookya kasha. Yewe mmbwe kuiyo kufike llung'anu.

ISAYA 6:1

Mwaka ulya mangyi Usia efwa, mmbo shelollya Nndumi Iruva ekaaye kitima kyakwe kya ushilyi kya yiinndywa kyikee uwe, ikedu lya soori yakwe ikeeshwa yefo mmba ya mwiindye shoose.

ISAYA 9:6

Mashika kweru mwana ammbonika, ammbonika mwana wa vomi, na umangyi mmbo llukee meeveny akwe na irina lyakwe ashevaangwa, “Mangyi wa marikiso Iruva Atiri Finya! Nnde wa llung'anu! Mangyi ya Urilalyi!”

YEREMIA 49:38

Mmbo nshevikaa kitima kyakwa kya umangyi kunu Elamu, nshemamita mangyi na vasongoru woose va Elamu, ni Nndumi Iruva aamba.

ESEKIELI 1:26

Uwe ya ngyina yeyo shalollya-u kindo sha kitima kya umangyi, kitiri fwana ya Yakuti, Samawi. Na uwe ya vayo kikakaywa ni kindo kitiri yuumba sha lya nndu.

DANIELI 7:13

Efo yooryeny lya kio, mmbo shilelollya umwi aringityo ni mafishi a nginiiu avakye mwana wa nndu eeshaa. Kasora ulya akee na muu llung'anu na llung'anu kanrammbikywa

DANIELI 7:22

Fika elyi mmiku ulya va llung'anu na llung'anu esherummbwa mwaandu nkonu yeto wekee n-ndesye wiikifika, veele va Iruva yeto muni finya vakaniingywa umangyi.

MIKA 5:2

Nndumi Iruva mmbo aamba indi, Ewe Betlehemu ya Efratha, mmbo kukee n-du deny ngota miri myoose ya Yuda, lyo kwafo yewe nsheutaa-fo nshilyi wa Israeli, nawe mmbwa ufyari lwa elyo kasha.

HABAKUKI 1:12

Woi Nndumi Iruva yewe ni Iruva, uka elyo mbee shushi yewe ni Iruva wakwa, kukee mweele wa llung'anu. Nndumi Iruva wakwa na nringi wakwa. Mmbo kwavaanga Vababeli kwavaniinga finya naambo valukabe.

Matayo 17:2

Nalyo kaalashika fwana yakwe valollye. Kisangu kyakwe kikamika sha mwi mweni. Na soori takwe tikava shaa pyai sha sa sheni.

Matayo 28:3

Na fwana yakwe ikee shaa pyai sha kimwii kya iruveeu na soori yakwe ikamika paa sha laura ya kulya kyaamwi.

Marko 9:3

Na soori takwe tikamika tikava shaa pyai. Na kunu urukeny nta kulaifo mwiisangya soori ashiidimaa itiilisa indo-fo.

Mashora 2:30

Naasa kimmba akee nkisuku eishi sheelyi Iruva mmbo alelyiiya mboo, sheelyi umwi wa ewo veshaukaa efo ufyariny lwakwe ashekaa yoo kitiminy kyakwe kya umangyi.

Mashora 2:33

Naasa we ekimaa isaamiswa fika woko usha lwa Iruva, na iwarya kwa Nde kyaasa kilya kya Mumuyo mweele, mmbo alepuswa simbo yei muilollye ulaalu na iita.

Vafilipi 3:9

Na lyingyi shilollyo shikee nawe, naambo shilasheetira usumanu lwakwa shimuni yelo lushuka uvavasony, kyaindi shiwoni usumanu yelo lushaa na kyikusiryo kwa Kristo, llo usumanu luukye kwa Iruva, kyeendwa nkikusiryo.

1 Timoteo 6:16

mmbwe muni nalasheywaa ni ufu, mmbo akee itumbeny lyilavaa ifikya, nta kulaifo nndu alemmulollya na miso yaa, nta nalashidimaa illollya. Wiindi na wiidimi llwakwe fika llung'anu. Amen.

1 Yohane 1:5

Na yei nnyo mbony luleiita kwa Nndumi weeru, lukamwoongoya, sheelyi Iruva mmbwe sa, nta ireema llyishidimaa ikaa kwakwe-fo.

Usukuyony 1:14

Nrwe wakwe na fii takwe tekee shaa pyai sha laura ya kyaamwi, na miso akwe akava sha kipala-pala kya muro.

Usukuyony 19:18

Mushelya nteera wa vamangyi, na nteera wa vashilyi va vasikari, na wa vandu vatiri finya, na wa frasi na wa yewo vatisaamyi, na nteera wa vandu woose, wa valeke na wa mashinga vaniini na vadu.

Usukuyony 20:4

Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.

Usukuyony 4:2

Naasa shaipowa Mmumuyo, shalollya kitima kya itumbe kyikee kivike iruveu na umwi akee kitiminy ekyo;