DANIELI 7:27 - BIBILLYA Mareiyo Meele a Iruva

²⁷ Wiidimi na finya ya ngyumangyi eti ta ulaniny mmbo tisheningywaa vandu va Iruva yeu wa uwe. Ushilyi lwawo lwa kimangyi llushemandaa-fo, Nawo veeshillya va ulana elu mmbo vashevarundyaa na iveendya.”

DANIELI 7:27 Iomraidhean Croise

SABURI 145:13

Umangyi lwafo ni umangyi lwa meeri moose, Na ushilyi lwafo ni lwa marika moose.

SABURI 22:27

Mmbo masanga moose ankummbwaa Na iwuiya Iruva-mwitorya, Mmba ta masanga moose vashemfirya-ndi.

SABURI 72:11

Vamangyi va ulana loose, mmbo vamwiindyaa, Na vandu va masanga moose vamfurukannye.

SABURI 86:9

Vandu va masanga kulevaumba, mmbo Vashaa ikufiirya-ndi Yewe Nndumi Iruva, Mmbo vashearafumaa irina lyafo.

ISAYA 14:2

Vandu va masanga mmbo vasheekya vandu va Israeli iwuya kulya urukeny vakee vaniinge ni Nndumi Iruva. Nalyo mmbo vasherunndya Vaisraeli sha mashinga valya vetirwa mifugwa, ulaalu mmbo vakee vatire ni Vaisraeli vavashillye valya vevalama.

ISAYA 54:3

Mashika mmbo kukwaana taari ya woko umuso na taari ya woko usha, na ufyari lwafo mmbo lushilyaa masanga; yashaallwa miri yekee ukiva ive ando kukawaa mmbandu.

ISAYA 9:7

Kya umangyi na ushilyi lwakwe ni fya llung'anu filatiri umando, mmbwe asheshillya ando a mangyi Davidi mmbwe asheuvambisaa na iusaleesa fika llung'anu. Efyo mmbo fitanwaa ni Nndumi Iruva wa matorito.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 4:34

Kwiikyisya myaaka yeyo mfungare Nebukadnesa kaamba, “Mmbo shilelola uwe nginii-u, shamarukya shatira-se urango. Shaarafuma Iruva yeu wa uwe, shaniinga wiindi na nnduma yeu akee na muu llung'anu. ‘Mmbo ashillyaa llung'anu, umangyi lwakwe lulatiraa umando

DANIELI 6:26

Mmbo shavavasya, vandu woose-si ya ushilyi lwakwa, vaereye na yiindya Iruva yeu wa Danieli. We ni Iruva akee na muu, nawe mmbo asheshillyaa llung'anu. Umangyi lwakwe lulamamitwaa nta wiidimi lwakwe llukaa lumande-fo.

DANIELI 7:14

We, kaniingywa ushilyi, na itumbe, na umangyi, naambo vandu va masanga moose, na fishomu vanndunndye. Ushilyi lwakwe, ni ushilyi lwa llung'anu, ushilyi lulatiri umando na umangyi lwakwe llukaa lulyamarwa-fo.

DANIELI 7:18

Indi vandu veele va Iruva yeu muni finya shoose mmbo vashewaryaa umangyi yelo vakee nalo llung'anu na llung'anu.

DANIELI 7:22

Fika elyi mmiku ulya va llung'anu na llung'anu esherummbwa mwaandu nkonu yeto wekee n-ndesye wiikifika, veele va Iruva yeto muni finya vakaniingywa umangyi.

OBADIA 1:21

Na valya veekabanya vengyi mmbo vashesaama ifumbuny lya Sioni wootye Esau uvingo. Elo llo luvaa umangyi lwa Nndumi Iruva.

SEKARIA 14:9

Nndumi Iruva mmbwe ashevaa mangyi ya ulana loose; wo umwiamwiindye sha Iruva nkonu yeto mmbo ashevaa umwi na irina lyakwe lyimwi.

Luka 1:33

Nawe asheshillya mmba ya Yakobo nafike llung'anu na umangyi lwakwe lulakooyaa nta ando lwamanda-fo.”

Yohane 12:34

Naasa vandu valya vakuummbye-u vakanndouwa, “Yese lwiitye kya Kristo kyuuka efo uvavasony mmbo ashekaa-fo llung'anu. A kyavaany inda elyi yewe kwaamba mmbo kikee kideerye Mwana yeto wa Nndu nanderoswa na uuwe? A Mwana yeto wa nndu ni viiny?”

1 Vakorinto 15:24

Yoo nng'u mafurummyony, kyeeri Iruva Nde ashenrambikyaa umangyi lwakwe, kyeeri asheallwaa ngyumangyi toose na ushilyi loose luve ruu.

Usukuyony 11:1

Naasa shaniingyo nsengye wa irere, nalyo umwi kashivia, “Kwiipoo kundeesa mmba ya Iruva na kitara kyerasya, na yewo vakeiindya-fo.”

Usukuyony 11:15

Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”

Usukuyony 17:14

Yeva mmbo vashekapaa fira na Ngurana ya Iruva, na Ngurana ya Iruva mmbo asheavingaa, mashika we ni Nndumi wa Vanndumi, na Mangyi ya Vamangyi na yewo variyani nawe mmbo valya vavaange vakee vasauwe, vairikye.”

Usukuyony 19:16

Nawe mmbo atiri irina lyikee ireiye yoo sooriny yakwe na yoo kinaminy kyakwe indi, MANGYI YA VAMANGYI, NA NNDUMI WA VANNDUMI.

Usukuyony 20:4

Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.

Usukuyony 22:5

Nta nkushekaa-fo kio-se-fo; nta mbasheruyaa taa nta sa ya mwi-fo; mashika Nndumi Iruva mmbo ashevamikyaa nawo mmbo vasheshillaa llung'anu na llung'anu.