DANIELI 7:14 - BIBILLYA Mareiyo Meele a Iruva

¹⁴ We, kaniingywa ushilyi, na itumbe, na umangyi, naambo vandu va masanga moose, na fishomu vanndunndye. Ushilyi lwakwe, ni ushilyi lwa llung'anu, ushilyi lulatiri umando na umangyi lwakwe llukaa lulyamarwa-fo.

DANIELI 7:14 Iomraidhean Croise

SABURI 102:22

Kyeeri vandu va masanga vashekuumbya ando amwi Ngyumangyi nato naambo tifurukannyi Nndumi Iruva.

SABURI 103:19

Nndumi Iruva mmbo avikye kitima kyakwe kya usuri efo iruveu; Na umangyi lwakwe lukaitorya findo fyoose.

SABURI 145:13

Umangyi lwafo ni umangyi lwa meeri moose, Na ushilyi lwafo ni lwa marika moose.

SABURI 146:10

Nndumi Iruva mmbo asheshillyaa llung'anu. We Iruva wafo yewo Sioni, marika na marika Haleluya!

SABURI 45:6

Kitima kyafo kya ushilyi ni Iruva akuniingye. Nakyo mmbo kyikaa llung'anu na llung'anu, Na vandu vafo kwavashillya kwa usumanu.

SABURI 72:11

Vamangyi va ulana loose, mmbo vamwiindyaa, Na vandu va masanga moose vamfurukannye.

SABURI 72:17

Irina lya mangyi lyinganiswa kyeeri kyoose; Umangyi lwakwe lung'aniswa llung'anu. Vandu woose vavikywa mbora Na masanga moose kyeendwa mmbwe.

SABURI 8:6

Kwanniinga ushilyi uwe ya mashora afo moose, kwanrambikya findo fyoose sumbai akwe.

ISAYA 16:5

Llyo umwi wa mmba ya Davidi ashevikwa nave mangyi. Mwiishillya nsaari na nsongovisi yeto ashekooya iniinga vandu usumanu lwawo.

ISAYA 60:12

Mashika wo isanga na umangyi valakunndye ikufurukannya mmbo varumakaa; Yee, masanga yoo mmbo arumatwaa deny.

ISAYA 9:6

Mashika kweru mwana ammbonika, ammbonika mwana wa vomi, na umangyi mmbo llukee meeveny akwe na irina lyakwe ashevaangwa, “Mangyi wa marikiso Iruva Atiri Finya! Nnde wa llung'anu! Mangyi ya Urilalyi!”

ISAYA 9:7

Kya umangyi na ushilyi lwakwe ni fya llung'anu filatiri umando, mmbwe asheshillya ando a mangyi Davidi mmbwe asheuvambisaa na iusaleesa fika llung'anu. Efyo mmbo fitanwaa ni Nndumi Iruva wa matorito.

DANIELI 2:35

Fya uteeri, arera, fesa na saabu, fyoose fikasewa fikava kiluulyi, fikavaka nswa mmamiri wa uuru. Naasa uraato lukasha llya-yeni lukavivita-u kiluulyi kilya, nta kulamanyaa kweiyo kindo. Lyo iwe llya lyikang'ana sha ifumbu lyikasikya uruka loose.

DANIELI 2:37

Yewe Mangyi mmbee, mmbo kwiilanyi vamangyi woose. Iruva wa Iruveeu mmbo alekuvika mangyi kakuniinga finya, wiidimi na itumbe.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 3:4

llyo mwiikapa weele kavambisa na unyanga waasha, kaamba, “Yeni vandu va masanga moose, fwana toose, na va fishomu fyoose,

DANIELI 4:3

Apaa shaasa ngyende takwe aloora ting'ani! Apaa shaasa atana ngyende ting'ani. Iruva ni mangyi llung'anu, na mmbo ashillyaa fyeeri fyoose.

DANIELI 6:26

Mmbo shavavasya, vandu woose-si ya ushilyi lwakwa, vaereye na yiindya Iruva yeu wa Danieli. We ni Iruva akee na muu, nawe mmbo asheshillyaa llung'anu. Umangyi lwakwe lulamamitwaa nta wiidimi lwakwe llukaa lumande-fo.

DANIELI 7:18

Indi vandu veele va Iruva yeu muni finya shoose mmbo vashewaryaa umangyi yelo vakee nalo llung'anu na llung'anu.

DANIELI 7:27

Wiidimi na finya ya ngyumangyi eti ta ulaniny mmbo tisheningywaa vandu va Iruva yeu wa uwe. Ushilyi lwawo lwa kimangyi llushemandaa-fo, Nawo veeshillya va ulana elu mmbo vashevarundyaa na iveendya.”

OBADIA 1:21

Na valya veekabanya vengyi mmbo vashesaama ifumbuny lya Sioni wootye Esau uvingo. Elo llo luvaa umangyi lwa Nndumi Iruva.

MIKA 4:7

Mmbo vakee vabobore vakakamarwa kwaasha na kwawo, lyo mmbo nshevaviraa wiiya vasange na valya valesaafo vashevaa ufyari uniini. Neeny mmbo nshevashilya yoo Sioni uka kyeeri ekyo fika llung'anu.

Matayo 11:27

Mmbo shilerambikywa findo fyoose ni Nde-yaakwa. Nta nkwiifo nndu aishi Mwana-fo kulaore ni Nde. Nta nndu aishi nde-fo, kulaore ni yeto Mwana, na nndu yeto Mwana ankunda inrambuya.

Matayo 28:18

Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny.

Luka 1:33

Nawe asheshillya mmba ya Yakobo nafike llung'anu na umangyi lwakwe lulakooyaa nta ando lwamanda-fo.”

Luka 10:22

Nalyo kaindukya valya vakiloshyony kaamba, “Mmbo shilerambikywa findo fyoose ni Nde wakwa. Nta nkwiiyo nndu eeshi Mwana mmbwe, kulaore ni Nde-fo, nta Nde mmbwe ungau kulaore ni Mwana-fo, na Mwana-fo, na nndu yeto mwana ankunda inrambuya.”

Yohane 12:34

Naasa vandu valya vakuummbye-u vakanndouwa, “Yese lwiitye kya Kristo kyuuka efo uvavasony mmbo ashekaa-fo llung'anu. A kyavaany inda elyi yewe kwaamba mmbo kikee kideerye Mwana yeto wa Nndu nanderoswa na uuwe? A Mwana yeto wa nndu ni viiny?”

Yohane 3:35

Nawe Nde mmbo akunndye Mwana, nawe mmbo anrambikye findo fyoose efo maakony akwe.

Vaebrania 12:28

Naasany kimmba lukeewarya umangyi yelo lulavaa ireremiswa, lukaeny na isarya, na kyeendwa llyo luvikye Iruva miindye insenyi, ando amwi neekunyiisa na vio;

1 Petro 3:22

Nawe akee rembo woko usha lwa Iruva kakweengya na iruveu, vasu na, itumbe na finya fikyimaa ivikwa si yakwe.

Usukuyony 1:6

Neluvika umangyiny, na makohani va Iruva, nawe ni Ndeye; usuri na uniini llwakwe we fika llung'anu na llung'anu. Amen.

Usukuyony 11:15

Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”

Usukuyony 17:14

Yeva mmbo vashekapaa fira na Ngurana ya Iruva, na Ngurana ya Iruva mmbo asheavingaa, mashika we ni Nndumi wa Vanndumi, na Mangyi ya Vamangyi na yewo variyani nawe mmbo valya vavaange vakee vasauwe, vairikye.”

Usukuyony 3:21

Yeto mwivinga mmbo nshenningaa mwaanya wekaa na yeny kitiminy kyakwa kya itumbe, shaasa na yeny shilevinga shakaa na Ndeakwa kitiminy kyakwe kya itumbe.