DANIELI 7:13 - BIBILLYA Mareiyo Meele a Iruva

¹³ Efo yooryeny lya kio, mmbo shilelollya umwi aringityo ni mafishi a nginiiu avakye mwana wa nndu eeshaa. Kasora ulya akee na muu llung'anu na llung'anu kanrammbikywa

DANIELI 7:13 Iomraidhean Croise

SABURI 110:2

Nndumi Iruva asheorwaa uka Sioni; Nsengye wa finya takwe. Wiitorye nnang'ani a vakyiduva vafo.

SABURI 2:8

Shitereva na yeny shikuniinge isanga lyoose lyive dingu yafo, na loose uruka luve masaa-afo.

SABURI 47:5

Iruva anrwa na uwe erumishwaa. Vakakapya Nndumi Iruva mbembe vefuraa.

YEREMIA 49:19

Arannya ni sha miiso yakillya irondeny lya moonri yuuka nsitony wa ordan. Niindo shishanta Vaedomu varishe wooka urukeny lwawo. Neeny shishevika-fo nsongoru ungyi moose shankunda. Mmbovi ashivakye? Mmbovi ashivesaa? Ni mwiisi akaryaa ishivesaa?

ESEKIELI 1:26

Uwe ya ngyina yeyo shalollya-u kindo sha kitima kya umangyi, kitiri fwana ya Yakuti, Samawi. Na uwe ya vayo kikakaywa ni kindo kitiri yuumba sha lya nndu.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 7:12

Mafisi alya engyi akasokwa ushilyi, lyo akaniingwa mwaanya wa ikaa na muu ando a kyeeri kyifii.

DANIELI 7:2

Yefo yoorye lyakwa elyi kio mmbo shelollya ngyuraato yiinya ta nginiiu tiivivita yeeve shiniini.

DANIELI 7:22

Fika elyi mmiku ulya va llung'anu na llung'anu esherummbwa mwaandu nkonu yeto wekee n-ndesye wiikifika, veele va Iruva yeto muni finya vakaniingywa umangyi.

DANIELI 7:9

Kyeeri shekelola, firi fya ushilyi fikavikwa ando a-vayo. Nawe ulya alenkaa na muu llung'anu na llung'anu kasha kakaya kiri kyakwe. Soori takwe mmbo teekee shaa pyai, na fii takwe tikavaka “sufu.” Kyiri kyakwe kya umangyi mmbo kyekee sha kipala-pala kya muro, na fireto fya vayo fikee fya muro ukeyaaka.

DANIELI 8:15

Kyeeri shekesoongya kya yoorya, naasa llya yeni, kukasalala-u yoo mbee yakwa avakye nndu.

Matayo 13:41

Ni Mwana yeto wa nndu asherumaa vasu vakwe, vandesanyirya yewo veende misindara woose yuutwa efo umangyi ny lwakwe, na yewo vetana fya kiila.

Matayo 24:30

Nalyo llyo wende lwa Mwana yeto wa nndu lusheonikaa efo iruveeu, na ngyufyari toose ta vandu va ulana tishekapaa kiiyo. Nato tishelollyaa Mwana yeto wa nndu ashaa ariwa mmafishi a nginiiu akee na wiitori uniini na itumbe.

Matayo 25:31

Naasa elyi Mwana yeto wa nndu ashaa akee na itumbe lyakwe, aryani na vasu va Iruva woose, llyo ashekaa rembo yoo kitiminy kyakwe kya itumbe.

Matayo 26:64

Yesu kammbia, “Kwankyaamba kumuni. Indi shamuvia, ‘Kupookya ulaalu mushelollyaa Mwana yeto wa nndu akee rembo yoo woko usha lwa Muni itumbe na isha navesha ariwa mmafishi a efo nginiiu.’

Matayo 28:18

Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny.

Matayo 8:20

Na Yesu kammbia, “Maparwe mmbo atiri mbanga ta vayo na ndeye ta nginiiu tikavetira fifuri fya vayo. Indi mwana yeto wa nndu nnatiri ando asheekeryaa nrwe wakwe-fo.”

Marko 13:26

Nalyo llyo vashelolyaa Mwana yeto wa Nndu ashaa ariwa mmafishi akee na finya niini na itumbe.

Luka 21:27

Nalyo llyo vashelolyaa paa Mwana yeto wa nndu ashaa ariwa ni ifishi atiri finya shiniini na itumbe.

Luka 21:36

Naasany, laleny shoovi wo kyeeri mwiiterevaa Iruva mwiidimi ikyia findo efyo fyoose fikee fiteerye fishe, muverewa mwiisalalyi yoo mbee ya Mwana yeto wa Nndu.”

Luka 24:27

Nawe kapookya Mose na valya veawuya fisuku woose kavatambashuya mbony tikee shirere kyakwe ta efo mareiyony moose.

Yohane 12:34

Naasa vandu valya vakuummbye-u vakanndouwa, “Yese lwiitye kya Kristo kyuuka efo uvavasony mmbo ashekaa-fo llung'anu. A kyavaany inda elyi yewe kwaamba mmbo kikee kideerye Mwana yeto wa Nndu nanderoswa na uuwe? A Mwana yeto wa nndu ni viiny?”

Yohane 3:13

Nta nkwiiyo nndu alenrwa na efo iruveeu-fo, kulaore ni ulya aleoloka auka iruveeu, mmbwe Mwana yeto wa nndu.

Yohane 5:27

Kavenniinga na ushilyi lweerummbwa mwaandu kimmba akee Mwana wa Nndu.

Mashora 7:56

Kaamba, “Lola-te, shilollye kulya iruvee-u kurauka, na Mwana yeto wa Nndu aselelyi woko usha lwa Iruva.”

1 Vatesalonike 4:17

Numa llyo yese lukee na muu, lusee-u, lusherakuwaa-u lusandwa nawo efo mafishiny lundeambya Nndumi efo uwe; naasa lushekaa na Nndumi llung'anu.

1 Timoteo 6:16

mmbwe muni nalasheywaa ni ufu, mmbo akee itumbeny lyilavaa ifikya, nta kulaifo nndu alemmulollya na miso yaa, nta nalashidimaa illollya. Wiindi na wiidimi llwakwe fika llung'anu. Amen.

Vaebrania 2:14

Naasany, kyimmba vana valeakaniswa samu na mwiili, nawe ni indo-da aleveakana efyo fyeni, naambo kyeendwa ni shia yeyo ya ufu narumate yeto atiri finya ta ufu, we Nkumbi,

Vaebrania 9:24

Mashika Kristo nnyaleanga ando kweele kukee kusongosie mmaako-fo, nkyo kyaaso kya ando eele a dede, we mmbo aleanga iruveeu kweni, nalollyo yoo mbee ya kisangu kya Iruva kimaruma kyeru yese.

Usukuyony 1:13

Na nnang'ani ya taa eto shalollya-u umwi avakye Nndu wa vandu, aree soori ifikye marendeny, ikee shifinge na ukova lwa saabu yoo mavee.

Usukuyony 1:18

Eto akee na muu, na yeny mmbo sheefiye, lyo lola ulaalu mmbo shikee na muu fika llung'anu na llung'anu. Na yeny mmbo shitiri ngyufunguo ta ufu na ta kwa vafu.

Usukuyony 1:7

Lola-te, efo ashaa na mafishi; na wo iriso mmbo lyishellollyaa, na yewo valenndosha na ifumu, na vandu va masanga a ulana woose vashekapaa kiiyo kyeendwa mmbwe. Ee ni indo. Amen.

Usukuyony 14:14

Naasa shaorwa ifishi yaa pyai, na yoo uwe ya vayo shalollya umwi aiyo rembo, avakye Nndu, aree ureto lwa saabu efo nrony wakwe, na efo wokony atiri nndo moovi.