DANIELI 7:11 - BIBILLYA Mareiyo Meele a Iruva

¹¹ Kimaruma kya marero eekushopa neekurosa eekeyambawa wombe llwa shalola. Kyeeri shekeelola, ifisi llya lyikawaawa, na nnying'a wa vayo ukalyamarwa, ukaniingywa undeerwa murony.

DANIELI 7:11 Iomraidhean Croise

DANIELI 11:45

Ashesha ireiyaa meema akwe maniini nnang'ani ya yeeve, na itumbe lya ifumbu yeele. Lyo ashefikyaa ufishony, kulaore alollya mwintarama.”

DANIELI 7:12

Mafisi alya engyi akasokwa ushilyi, lyo akaniingwa mwaanya wa ikaa na muu ando a kyeeri kyifii.

DANIELI 7:8

Kyeeri shekeelola mbembe tilya shalollya wombe lungyi udu lwiimyaa nnang'ani ya tilya tingyi ikumi. Elu udu lukafuna-u mbembe isaru. Wombe elu udu mmbo lweetiri miso a nndu na kana kyekeerera marero a ikushopa na ikurosa.

DANIELI 8:25

Kimmba akee nndu llyang'a na llembi mmbo ashevesyoo deny, neekung'anisa we muni, we muni nashemamita vandu vengyi kulaore vamanya, ashefikya ando a ikunda ikapana na mangyi yeto nniini ya vamangyi vengyi woose. Lyo we mmbo ashemamitwaa, kuleefo ipaanwa ni woko lwa nndu wa vandu.

2 Vatesalonike 2:8

Lyo yeto akee kilemi asheorwaa paa, nawe Nndumi Yesu ashemwiviaa mumuyo wakwe ummbwaa, na inrumata deny elyi aiyo.

2 Petro 2:18

Mashika kyeeri vapuswaa marero maniini nnu ekurosa nnu, na uravi na lango ta mwiili velembaa vandu valemmaa irisha valya vakeengera ikaa efo ngaeny ya ulembi.

Yuda 1:16

Vandu yeva mmbo vakunung'unaa, vakasora lango tawo, na kana kyawo kakarera marero maroo ekurosa, vekundyaa valya vatiri uniini naambo vawoni-fo mbusha yaawo.”

Usukuyony 18:8

Kimmba ni indo ngapo takwe tishensheyaa nkonu umwi, ufu, na ting'wa, na shaa, nawe mmbo asherumatwaa deny ni muro. Mashika Nndumi Iruva yeto alemwaanduya mmuni finya shoose.

Usukuyony 19:20

Ifisi llya lyikawarwa, ando amwi na nkisuku ulya wa wongo, yeto aletana ngyende tilya elollye, nato nto alevalemba nato vandu valya valewarya wende lwa ifisi elyo, na iindya ifanu lyakwe, yewo ve vavii vakeerwo veefo na muu kulya iruveny lya muro lyishakaa sha kibiriti.

Usukuyony 20:10

Na nkumbi yeto llembi keerwa iruveny lya muro na kibiriti, kundo ifisi llya lyikai ando amwi na nkisuku ulya wa wongo. Nawo mmbo vasheorotwaa kio na nsanyiny llung'anu na llung'anu.

Usukuyony 20:12

Shalollya vafu, vaniini na vadu, vesalalyi yoo mbee ya kitima kilya kya itumbe; numa fitabu fikatarambuwa, na kyitabu kingyi kikatarambuwa, nkyo kilya kya muu; na vafu yewo vakautyo uvingo kiinani na filya fikee fireiye efo fitabuny, shaasa mashora awo akai.

Usukuyony 20:4

Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.