DANIELI 6:4 - BIBILLYA Mareiyo Meele a Iruva

⁴ Naasa veesalallya na vashilyi mbalakisennywa ni mbony yei-fo. Nkyo vakaruuya shia vashiidima ituula nayo Danieli, valaonise, mashika elyi Danieli ekee nndu mwaarya nnu, kulaore etanaa findo fya ntambo.

DANIELI 6:4 Iomraidhean Croise

Mapookyony 41:38

Farao kavia vandu vakwe, “Nkwi efo lushuuta nndu sha yeu, atiri mumuyo wa ki-Iruva nnang'ani yakwe?”

Mapookyony 43:18

Kyeendi vandu yewo vakairyaa mashika llya valerawa kwa Yosefu, vakakusara, ni kimaruma kya fesa tilya tileviiro kulya mikusheny kulakooye mmbo lweendwa kunu luutyo uvingo, lutiro mfungwa luve mashinga ando amwi na mishungu yeeru.

FYAASO 29:27

Mwilamya ni kindo kiravi kwa nndu nsaari; Na nsaari n kindo kyeesi kwa nravi.

MWIILOSHA 4:4

Kilanya ya fyoose shakooya mirunndye na ifurukana lya nndu efo mashoreny akwe ni kififi kya nriminy. Lyo efyo fyoose ni maariso kyimwi sha nndu akeerishisa uraato.

YEREMIA 18:18

Llyo vaamba, “Oshony lulye kyama kya Yeremia, mashika llusheuwaa nkoani wa ilulosha-fo, nta nndu nrango, nta nkisuku wa irero-fo. Oshony llukape na ngyulumi nta lulakwise kya marero akwe-fo.”

YEREMIA 18:23

Naakwa ni indo woi Nndumi Iruva, kwiishi kyama kyawo kya ishiwaa. Kulasarye uravi lwawo nta yuuta ulyamari lwawo misony afo-fo. Ra veerwa-si mbee yafo; kuvakabe kyeeri kya nyashi yafo.”

YEREMIA 20:10

Mashika mmbo shiitye kyiviriviri. Weeresi llukee taari toose! “Llyingyeny! Ndifony llullyingye!” Ni indo vambuya vakwa woose vakeeyaamba, veevereyaa iwa lyakwa. “Kulakooye alembika lullyimbe na intaiyya kyiduva kyeru.”

YEREMIA 29:7

Lyo ruuyeny iviiri lya uruka yelo shilemurwaa ushingyeny, lutereveny kwa Nndumi Iruva, mashika iviiriny lya vayo ng'u muwona iviiriny lyany.

DANIELI 3:8

Llya yeni vakasha Vakalidayo maata, irera kyikasha kya Vayuda.

DANIELI 5:12

Mmbo aishwe mumuuyo mweele, atiri urango lulava yaamba, lwa itambashwa moorya na findo fyuumu, na findo fya ngyende. Naasany, mmbaange nashe, nndu yeu avaangwa ni Danieli, ulya mangyi Nebukadresa enfishya Belteshasa we ni kuti aidimi ikutambashuya mbony yei.”

DANIELI 6:22

Iruva wakwa mmbo aleruma nsu wakwe, kasheraya kana kya miiso yeto, tilasheshipaana, Iruva mmbo aletana indo mashika mmbo eeshi nshilyamarye kindo-fo, nta ikumina yewe-fo mangyi mmbe.”

Matayo 26:4

Vakafisha shila shaasa vashetiraa Yesu na ntambo vammbwae.

Matayo 27:18

Neelyi aishi kyavaniinga vakankumba ni kyinying'u.

Luka 20:20

Nalyo vakava vanreiyaa vakaruma vellaa vakunang'arye sheelyi vakee vandu vesha, vandenreiya na ekyo areraa, vawonise kindo naambo vedimi indenrambikya efo maakony a Serikali na mwiitori wa uruka, mmbwe nshilyi wa Kaisari.

Luka 20:26

Nawo valeedimi inreiya neekyo areraa efo usanguny lwa vandu valya vakuumbye-fo. Vakatirwa ntamba kya kilya avarouwa. Vakamalallya sau.

Luka 22:2

Nalyo vakohani valya vaniini vasasangyi na veelosha mavavaso vakaruuya mwaanya wa iwaa Yesu, mashika veereiye mamwiingyi ulya wa vandu.

Yohane 19:4

Pilato kawuya kasomuka lyingyi na poo kavavia, “Akakau shamweende na kunu poo kundo mukai mukooye imanya nshaona kindo kya uvingo lwakwe-fo.”

2 Vakorinto 11:12

Lyo mmbo ntanaa ekyo nkeetana, naambo shiwaani neewo vakeeruya mwaanya naambo vauture, naambo kya irero elyo vakeekurosa nalyo valollywa mmbo vakee kimwi neese-da.

Vafilipi 2:15

naambo mukooye iva vana vesha va Iruva valatiri mbese, nta ulembi, mulatiri nta ntambo yaa irikeny elyi lyikee ilyang'a lyikeenda mwiiri, neeni elyi mukee nnang'ani yaawo mmbo mulollyo sha sa niini ya ulaniny yelu,

1 Timoteo 5:14

Kyasiany mmbo shaamba vaka yewo va ding'u valandenkwa, vaorwa vaire vana, vaidimi ikallya kyeny kwawo, naambo valasheelekeiya nkiduva yeto mwaanya wa ivautya kiteve.

Tito 2:8

Kuvetira na marero atiri muu nalavaa yuutyo uvingo, naambo yewo velema efyo vakooye isuka kyeeri vakooyaa valatiri kikasha kyeerera uwe yeeru.

1 Petro 2:12

Kaeny na ngaa shisha efo kwa vandu va masanga, naambo kwakooya vamweekerya fya wongo sheelyi mukee veetana makasha, elyi valolaa mikaaye yaany misha, vang'anise Iruva elyi nkonu ufikaa.

1 Petro 3:16

Neeni kaeny na nrima nsha ulatiri usakiro, naambo kwakooya mwavikywa ureeree, yewo vetendaa mweendo wany nsha efo kwa Kristo vakooye isutwa.

VALETI 14:4

Lyo ndeye na maye valamanye kindo eki mmbo kyuukye kwa Nndumi Iruva muni-fo, ni elyi Nndumi Iruva eekunndye ikaba Vafilisti. Kyeeri eki Vafilisti mmbo vekeeshillya Israeli.

1 SAMUELI 12:4

Nawo vakaamba, “Nkulelwaafinyi nta ilufotafo, nta nkulewarye kindo kya nndu-fo.

1 SAMUELI 18:14

Davidi kava nndu mwaarya deny efo mitanyiny yakwe. Nawe Nndumi Iruva kankaya.

1 SAMUELI 22:14

Ahimeleki karouwa mangyi kammbia, “Efo varundiny vafo woose ni ungau eefo akee nsha sha Davidi, akee nkwe wa mangyi, mwiringa fyama fyafo, kavekutirya indo wiindi sha we?”