DANIELI 5:7 - BIBILLYA Mareiyo Meele a Iruva

⁷ Naasa kaffwa na unyanga waasha kavavasya vaanga vandevaangwa vasavi, na veelafya na veawuya fisuku vashentambashuya mbony yei. Nawo vekyisha mangyi kavavia, “Nndu yeto ashidimaa isoma fireiyo efyo na ishivia na kindo fyaamba, mmbo ashevikwaa soori ta kimangyi na nse wa saabu, na mmwasi asheva wa kararu kunu umangyiny lwa Babilony.”

DANIELI 5:7 Iomraidhean Croise

Mapookyony 41:8

Fika ngama nrima wakwe ukaereve, karuma vandu vandevaanga vaanga woose va Misri, na vandu varango woose veefo. Farao kawoongoya yoorya lyakwe, kulave-fo nta umwi aidima itambashuya Farao mbony eto.

ESTA 3:1

Naasa numa mangyi Ahasuero keengerya Hamani wa Hamedata Mwakakyi, kambika nasalallye vashilyi vakwe va uruka loose.

YUUKA 7:11

Farao nawe kavaanga vandu varango na vasavi; na vaanga yewo va Misri vakatana indo da kya waanga lwawo.

FYAASO 1:9

Mmbo fivaa sha ureto nrweny wafo, Na nse wa utore singony yafo.

KYIIMBO KYA FIIMBO 1:10

Ngushu tafo mmbo tisennywa nnu mfipulyi, Na singo ikasennywa mmise misha

ISAYA 47:13

Kwemaraa kya wingyi lwa mbony tafo, naasa vasalale ewo veeshi mbony ta nyinyiri, na imanya filya fishaa mwiiriny eto, vashekukira na mbony eto tikeeikusheya.

YEREMIA 50:35

“Shammiipoo usu uwe ya Vakaldayo, ni Nndumi Iruva aamba na uwe ya vandu va Babilony, na uwe ya vasongoru vakwe amwi na vandu vakwe varango woose.

ESEKIELI 16:11

Shakushopa na findo fivaramaa, shakuvika pangili ta maakony na nse singony.

DANIELI 1:20

Wo kindo mangyi alevavesa, na wo kindo elanngye imanya kikwaani na urango usha vakamanya na mbony ta veelafya na vasavi vakailannya ka ikumi vasavi valya vakwe woose yefo umangyiny lwakwe.

DANIELI 1:4

vandu vakoo valatiri mfere, vatiri fwana shisha, vatakusu ikulosha na imanya findo, vandu vashiidimaa ikaa kufii na ifurukannya mangyi efo mmba ya umangyi, vatakusu ikulosha isoma na ireiya kishomu kya Vakaldayo.

DANIELI 2:2

Naasa mangyi kavaanga vaanga, velafya vasavi na Vakaldayo vakwe naambo vashemmbya, na intammbashuya yoorya lyakwe. Nawo vakasha vakashesalala mbee ya mangyi.

DANIELI 2:27

Nawe Danieli kammbia, “Mangyi mmbee, nkwiifo nsavi, nta mwiilafya, nta mwaawuya fisuku, nta vaanga ashidimaa ikutambashuya ekyo-fo.

DANIELI 2:48

Nalyo mangyi kang'anisa Danieli, kavensimba findo fya pya fiingyi. Kava nshilyi nniini wa Babilony na nniini va vandu vaantu woose wa Babilony.

DANIELI 2:6

Indi mukashirambuya yoorya elyo na urango lwa vayo, mmbo shishemuningaa findo fya pya na nnduma nnini nnu. Kweekyo ulaalu shivieny, mushoore na ishitammbashuya urango lwa-vayo.”

DANIELI 4:14

Karera na unyanga waasha kaamba, “Manya nri yeto kurumbwe-fo maramba avayo. Numa kudove-fo maru, na ndunda tavayo kutinyanyate. Mafisi alya eimuyi-u na ndeye tilya teokye-fo fifuri kutiumbute.

DANIELI 5:11

Kunu umangyiny lwafo kwiifo nndu atiri mumuyo wa maruva meele. Kyeeri ndoo etiri umangyi, nndu yeu mmbo aleora urango na imanya lyakwe kava sha maruva. Nawe ndoo, mangyi Nebukadresa, kammbika nsongoru wa varango woose, vasavi, na velafya; na Vakaldayo, vengyi woose.

DANIELI 5:15

Ulaalu vandu varango na vasavi, mmbo valeendwa yaandi naambo vashesoma fireiyo yefi na kitambashwa kyavayo, lyo valaidimi.

DANIELI 5:16

Lyo sheeta sheelyi yewe kushiidimaa itambashwa fireiyo na imanya mbony tiifo. Ulaalu kwakooya kwaidima isoma fireiyo yefi na ishimaanyisya mbony ta-vayo, mmbo kundevikwaa soori ta ki-mangyi na nse wa saabu singony na lyingyi kusheva mwiishillya wa kararu kunu umangyiny.”

DANIELI 5:29

Llya yeni Belshasa kavavasya Danieli navikwa isara lya kimangyi lyidodorye, na nse wa saabu singony. Kavevikwa mwiishillya wa kararu efo umangyiny lwa Babilony.

MEEKYENA 22:17

mmbo nshekuniinga wiindi uniini nnu, shikuniinge wo kindo kushiterevaa; Oshoony-dwa kusheekye idenga vandu yeva.

MEEKYENA 22:7

Vandu vasongoru va Moabu na va Midian vakeenda vakawarya isekye lya waanga maakon avo, vakasora Balaamu, vakammbia mbony ta Balaki.

MEEKYENA 24:11

Naasa ulaalu ruuya ando kwa yoovya, mmbo shenkunda ikuniinga wiindi uniini, lyo Nndumi Iruva ankwiima wiindi.”

1 SAMUELI 17:25

Vakaamba, “Nyira, mwalollya nndu ulya? We mmbo asha nashearara Israeli. Kyasiany, nndu yeto ashiidimaa immbwaa mangyi mmbo anniingaa usimba lwiilanyi-dwa, namwoorise mfu wakwe, na vandu va mmba ya ndeye vakweengye urerwa kunu Israeli.”