DANIELI 5:23 - BIBILLYA Mareiyo Meele a Iruva

²³ Mmbo kulelema na ikurosa mbee ya Iruva wa iruveeu kwandeende fiiya filya fileutwa mmba ya Iruva. Kwandeniiya-fo mfinyu yewe na vasongoru vafo na nka vafo, fitonga fyafo, kwarumisha maruva a saabu na fesa na minya na a firi na a mawe maruva nalashidimaa ilola, nta irera, nta yiita ao imanya, indi we Iruva yeto muu wafo ukee wokony lwakwe, na mitannyi yafo myoose ikee mbee ya usangu lwakwe kulakunde imwiindya.

DANIELI 5:23 Iomraidhean Croise

Mapookyony 14:19

Kammbikya mbora, kaamba, “Iruva yeto Akee Uwe ya findo fyoose navikkye Abramu mbora, atannyi iruveeu na ulana.

Mapookyony 2:7

Naasa Nndumi Iruva kaipoo uteeri yoo sumbai kaumba nndu kambuya mumuyo wa muu, efo mmbweny nndu katira muu.

2 VAMANGYI 14:10

Ni dede kwambinga Edomu, na nrima wafo ukakurumisha; nkyoki kukundye mmwasi, kaanyefo kyeny kwafo. Nkyiki yelyi kukundye ikweengye nsindara kutani kushewaa yeve na Yuda na vandu vafo woose?

YOBU 12:10

Muu wa kyuumbe kyoose kikee na muu mmbo ukee maakony akwe; ando amwi na muu wa nndu wa vandu.

YOBU 31:4

Ndesa Iruva n neeshi shya takwa Na imanya myeengye yakwa myoose?

SABURI 104:29

Kwavasuruma kisangu, vakairyaa. Kwauta-u mumuyo wafo, vakafwa Na iwuya kiluulyiny kundo valeuka.

SABURI 115:16

Ngyina ni ngyina ta Nndumi Iruva Indi uruka aningye vana va vandu.

SABURI 139:3

Mmbo kwasalallya ikuboo lyakwa na ilala lyakwa Kwavemanya na mikaaye yakwa myoose.

SABURI 146:4

Muu wakwe mmbo ushuuka, nauwe ukawuya neefo uteriny aleuka. Llyo na nkonu shila takwe toose tirekaa.

FYAASO 20:24

Nndumi mmbwe atetera myeengye yeru, Nndu wa vandu ashiidimaa inda imanya shia ashiiraa?

ISAYA 13:11

Nndumi Iruva mmbo aamba indi: “Mmbo nshoolota ngapo ulaniny kya makasha awo, vakasha kyimaruma kya ulyamari lwawo. Umbafu na ukushobi mmbo fimandaa; na iwunndwa waafinya lwa vandu mbafu.

ISAYA 14:13

Yewe mmbo kulekwaambaya yefo nriminy wafo, Mmbo shisaama shifike iruveeu shindevika-fo kitima kyakwa uwe ya nyinyri ta Iruva, Shindekaa uwe ya ifumbuu kundo vakwaanannya maruva a wongo, efo taari ya ndoo.

ISAYA 2:12

Mashika Nndumi Iruva wa matorito, mmbwe asherelelisaa wo umwi yeto atiri nrima wa ikutuula neekurosa we muni na valya vatiri finya.

ISAYA 33:10

Nndumi Iruva aamba, “Ulaalu yeny shimuni mmbo shikwiipo shikudeesye, ulaalu yeny mmbo shisheinndywaa.

ISAYA 37:19

na imamita maruva awo na muro kimmba kulaore ekee Iruva, kya indi ekee mashora a maako a vandu; ekee ni miri na mawe nkyo kimaruma akarumatwa.

ISAYA 37:23

A ni vi alemwaarara na insakira. Nkukeinwa miso afo na unyanga lwafo kwa vi? Ni uwe kwa mweele wa Israeli.

ISAYA 42:5

Iruva aamba, yeto aumbye ngina kataala, we alaala ulana na fyeilula fyoose, we aniingye vandu muu veefo woose, we aniingye mumuyo woose vakee ulaniny.

YEREMIA 10:23

Yee Nndumi Iruva mmbo shiishi sheelyi nndu nnyatiri wiidimi-fo, we muni nnyashiidima itetera muu wakwe-fo.

YEREMIA 48:26

“Nangiseny Moabu kyimaruma kya ikung'anisa lyakwe mbee ya usangu lwa Nndumi Iruva; naambo ashekwaalaa-la efo urukeny lwakwe naambo nakooye isekwa ni vandu.

YEREMIA 50:28

Arannya! Vanrisha neekusuruma wooka urukeny lwa Babilony, vakandeamba kulya Siyony ndesa Nndumi Iruva, Iruva wa Israeli alevataiya kiduva kya mmba yakwe yeeterevya.

YEREMIA 50:29

Vaange yewo veekaba mife, vashekaba Babilony, rumeny wo nndu eto eeshi ilema ura. Mulyingillye muri kulave-fo nta umwi aturunyaa, mushentannya ngata aletannya vengyi, mashika kwa umbafu lwakwe mmbo aleela Nndumi Iruva, Mweele wa Israeli.

ESEKIELI 28:17

Nrima wafo mmbo uleva mbafu kyimaruma kya yuumba lyafo; kwalyamara urango lwafo usha kyimaruma kya ivesywa lyafo. Shankutuula-si, shakwaara yoo mbee ya vamangyi, veedimi ikulola paa.

ESEKIELI 28:2

“Yewe mwana wa nndu, rera na mangyi ya Tiro kummbie; Nndumi Iruva aamba indi: Kimmba nrima wafo wammba mbafu, ‘kwaamba yewe mmbwe iruva! Neewe mmbwe kukaaye kiri kya maruva yefo si nnang'ani ya yeeve.’ Ate nta nkukee iruva-fo ni nndu tupu, naakwa nnyelyi kwakusara yefo nriminy wafo sheelyi mmbo kukee nrango sha iruva.

ESEKIELI 28:5

Kyeendwa ni urango lwafo na makusaro afo ekapa mbusha, umasi lwafo nalo llwammeengyereka, kyindo yekyo, kyikeengye nrima wafo umbafu.

ESEKIELI 31:10

“Kweekyo Nndumi Iruva mmbo aamba indi: Kimmba kwanrumishwa indo kya waasha lwafo, lwanfika indo nnang'ani a mafishi, na nrima wakwe ukatira kyiila kya waasha lwakwe,

DANIELI 11:12

Elyi amaa itira mifungwa, nsemu wa vandu, va mangyi ya taari ya ndoo, na vengyi vawaawa, mmbo afuraa neekushela, lyo nnyashengera-se ivinga-fo.

DANIELI 4:37

Ulaalu yeny Nebukadnesa, mmbo shikeerumisha na yiindya na yiitikisa Mangyi yei ya Iruveeu. Ekyo kyoose atana mmbo kyikee kisha na kya usumanu, nawe mmbwe atiri wiidimi lwa inyiisa yewo vekurosa woose.”

DANIELI 8:11

Lyikakurosa kutani lyakapana neeto Nniini wa ironda elyo llya iruveeu neemmbinga. Lyikaseleesa firaso fyeekora na muro, lyikatefusa na mwiinndye wa mmba ya Iruva.

HABAKUKI 2:4

Rumi sheni nnyo yei, ‘Varavi woose mmbasherumakaa, lyo valya vasaari mmbafwa-fo kimmba vavikye Iruva nsia.’”

Mashora 17:25

nta nalarunndywa mmaako a vandu sheelyi mmbo akee mwaanguye nkindo mmbwe yeto aniinga woose muu na mumuyo na findo fyoose.

1 Vakorinto 8:4

Naasany kya mbony teelya findo fikee fyuute kiraso kwa mafwanu, lwiishi lukamanya ifwanu nshi kindo kya dede yaa ulaniny-fo, na kingyi sheelyi nkwiifo Iruva kuuta umwi nsi-fo.

1 Timoteo 3:6

Nta nalave nndu aangye siriny mikonu ya kufii, nalasheekurosa nawe uvingony lwa yeto nkumbi.

Vaebrania 4:13

Nta nkwiiyo kyuumbe kilalollyo paa mbee ya vayo-fo, na findo fyoose mmbo fikee mbereto yoo misony a yeto arye mbony teru toose.

Usukuyony 9:20

Na vandu yewo valekkya kulaore valewaawa ni ngapo yeto, mbalekurya kya mashora a maako awo, vare valaindya vambishwa, na mafwanu a saabu na a fesa na mawe na miri, yoo alalolaa nta iita nta yeenda-fo.

VALETI 16:23

Vafilisti vakakusang'irya naambo vasheutya iruva lyawo Dagoni kiraso, vakafura nnu, vakaammba iruva weeru mmbo ambika nkiduva weeru maakony eru.

1 SAMUELI 17:26

Naasa Davidi karera na vandu valya vekee kufii nawe kaamba, “A nndu ashiidima iwaa Mfilisti yeu nkyoki aniingwaa elyi oota Israeli fyaararony efyo fyakwe? Mfilisti yeu naleeshi Iruva nkyoki deny kutani eedima yaarara vandu va Iruva akee na muu?”

1 SAMUELI 17:36

Nsero wafo mmbo alemmbwaa miiso na ngare-da, nawe Mfilisti yeu nalaishi Iruva mmbo ashevaa sha mafisi yoo shilewaa, kimmba alearara vandu va Iruva yeu akee muni muu.