DANIELI 5:21 - BIBILLYA Mareiyo Meele a Iruva

²¹ Llyo aleumbutwa yefo nnang'ani a vandu, nawe kava sha ifisi lya ngoroshony. Kandekaa na mafisi kavelya na mare sha ng'umbe. Kakaa efo mbateny nalaoni nta kyenringa laura kio; Kutani lya alesukukyo, sheelyi Iruva yeu wa uwe mmbwe yeto avikye-u ngyumangyi toose ta ulana, kaveva mmbwe asaleesa yewo akunda we muni.

DANIELI 5:21 Iomraidhean Croise

YOBU 39:5

Mmbi ereya itiko ulekye? Mmbi alevalotora?

ESEKIELI 17:24

Na miri myoose ya marema ishemanya sheelyi Yeny, Nndumi Iruva, mmbo shifiisa nri mwaasha, na ilyeesa nri nfii, na yuumisa nri mmbisi neenisa nri muumu, ni yeny Nndumi Iruva shaamba na yeny mmbwe shitanaa mbony yei.”

DANIELI 4:14

Karera na unyanga waasha kaamba, “Manya nri yeto kurumbwe-fo maramba avayo. Numa kudove-fo maru, na ndunda tavayo kutinyanyate. Mafisi alya eimuyi-u na ndeye tilya teokye-fo fifuri kutiumbute.

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 4:22

Nri yeto ni yewe mangyi mmbee, kwava mwaasha kwatira wiidimi. Mmbo kung'ani kwafika uwe nginii-u, na finya tafo ta ushilyi tikakwaana urukeny koose.

DANIELI 4:25

Mmbo kusheumbutwaa kunu vanduny kundesandwa ando amwi na mafisi a ngoroshony. Ando a myaaka mfungare kulye mare sha ngashe, kulale mbateny, kukapwa ni laura, llyo kushirikyaany sheelyi Iruva yeu wa Uwe Mmbwe yeto ashillye ngyumangyi ta vandu toose nawe ashidimaa iniingya ushilyi yelo moose ankunda.

DANIELI 4:26

Nsu ulya mmbo alevavasya isinde llya lyirewa-u. Nkyo kyaamba kyishiidimikaa kuve-se mangyi kwamiirikya sheelyi Iruva mmbwe ashillye ulana loose.

DANIELI 4:34

Kwiikyisya myaaka yeyo mfungare Nebukadnesa kaamba, “Mmbo shilelola uwe nginii-u, shamarukya shatira-se urango. Shaarafuma Iruva yeu wa uwe, shaniinga wiindi na nnduma yeu akee na muu llung'anu. ‘Mmbo ashillyaa llung'anu, umangyi lwakwe lulatiraa umando

DANIELI 4:35

Yewo vakee kunu si kwakwe nsheelyi nshi kindo-fo, Vasu iruveeu na vandu kunu si ni maakony akwe vakai. Nkwiifo aidima ilema ekyo ankunda, ao ekyo atana-fo.’

DANIELI 4:37

Ulaalu yeny Nebukadnesa, mmbo shikeerumisha na yiindya na yiitikisa Mangyi yei ya Iruveeu. Ekyo kyoose atana mmbo kyikee kisha na kya usumanu, nawe mmbwe atiri wiidimi lwa inyiisa yewo vekurosa woose.”

DANIELI 5:18

Kyafo yewe mangyi, Iruva yeu wa uwe mmbo aleniinga ndoo Nebukadresa umangyi, na uniini na usuri na itumbe.