DANIELI 4:32 - BIBILLYA Mareiyo Meele a Iruva

³² Mmbo kushesamiswaa, kulakaniswa na vandu, kundekaa na mafisi, kulye mare sha ngashe ando a myaaka mfungare. Kutani kwamanya sheelyi Iruva yeu wa uwe mmbo atiri finya na wiidimi uwe ya ngyumangyi toose, nawe mmbo atiri wiidimi lwa ivikau yewo ankukunndya.”

DANIELI 4:32 Iomraidhean Croise

2 MBONY TA FYEERI 33:13

Kamooshora, nawe Iruva kairikya kiterewo kyakwe, kammbiira umangyiny lwakwe Yerusalemu. Llyo Manase emanya sheelyi Nndumi Iruva, mmbwe Iruva.

YOBU 42:2

“Shishi sheelyi kushiidima wo kindo, kindo kyoose kwankunda kiutike nkwiifo kipaayaa-fo.

YOBU 9:12

Lola! We mmbo epoo akunda; mmbi ashiidimaa imwiima? Mmbi akaraa immbesa, “N kyokyi kuletana?”

SABURI 115:3

Lyo Iruva weeru ni iruveeu akai, Na kyoose akunndye kikatanyika

SABURI 135:6

Nndumi Iruva mmbo aletana fyoose fikasenya, ulaniny na iruveeu Efo yeevny na efo si ya yeeve.

YUUKA 8:10

Farao Kammbia, “Nndesi.” Mose Kaamba, “Na kive indo shaasa kwaamba, naambo kumanyi sheelyi nkwiifo ungyi avakkye Nndumi Iruva we Iruva weeru-fo.”

YUUKA 9:14

Mashika ulaalu llyo nsheengyee nrima wafo ngapo takwa toose, sheengye na varundi vafo woose, na vandu vafo woose, llyo yewe kushemanyaa nkwiifo nta umwi ulaniny koose ashivakkye-fo.

YUUKA 9:29

Mose kammbia, “Elyi nshukaa kunu muriny mmbo nsheipoiyoo Nndumi Iruva maako akwa na maruruma yoo ashemandaa, na nta mmbwa yeyo ya masaawe nyikishaa-fo, naambo kumanyi dede ulana elu llwa Nndumi Iruva.

ISAYA 37:20

Naasa woi Nndumi Iruva, Iruva weeru, lukire efo maakony afo; mangyi toose ta ulana tiite na imanya sheelyi yewe ni Nndumi Iruva kumuni nta kulaifo ungyi.”

ISAYA 40:15

Lola, vandu va masanga nsha irony lya mura efo ndoony, nsha kiluulyi kisiise efo meseny ya eesya findo. Lolate, we aidima ipoo maruva sha kindo kinnywa nsele.

ISAYA 40:17

Vamasanga woose nshi kindo kwakwe-fo, mmbo vakee kindo kinnywa nsele deny; ni kindo kya nguya.

ISAYA 45:3

Na yeny shishekuningaa ulyilyi lusurumi ireeminy, na usimba lusurumi ando a kirika naambo kumanyi sheelyi ni Nndumi Iruva, shilekuvaanga na irina lyafo, ee da Iruva wa Israeli.

YEREMIA 27:5

‘Ni Yeny kwa wiidimi lwakwa uniini na woko lwakwa woorrwe shiletana uruka na vandu na mafisi akee yefo urukeny, neeny nshiniinga kwa nndu moose shilollyaa kyikwaani.

DANIELI 2:21

Mmbwe muni mikonu na fyeeri, mmbwe asaleesa vamangyi kooka-fo kavaterwa-u. Mmbwe yeto aava urango na umanyo.

DANIELI 4:31

Llya aleamba indo kulaore ansyado, unyanga lukauka iruveeu lukammbia, “Mangyi Nebukadnesa, arannya! Ulaalu kwansokwa ulaalu wiidimi lwafo lwa kimangyi.

DANIELI 5:21

Llyo aleumbutwa yefo nnang'ani a vandu, nawe kava sha ifisi lya ngoroshony. Kandekaa na mafisi kavelya na mare sha ng'umbe. Kakaa efo mbateny nalaoni nta kyenringa laura kio; Kutani lya alesukukyo, sheelyi Iruva yeu wa uwe mmbwe yeto avikye-u ngyumangyi toose ta ulana, kaveva mmbwe asaleesa yewo akunda we muni.

YOSUA 4:24

Naambo vandu woose ulaniny vamanye finya ya woko lwa Iruva, sheelyi mmbo lutiri wiidimi, naambo veendye Nndumi Iruva, Iruva waany llung'anu.”