DANIELI 4:3 - BIBILLYA Mareiyo Meele a Iruva

³ Apaa shaasa ngyende takwe aloora ting'ani! Apaa shaasa atana ngyende ting'ani. Iruva ni mangyi llung'anu, na mmbo ashillyaa fyeeri fyoose.

DANIELI 4:3 Iomraidhean Croise

YOBU 25:2

“Iruva mmbwe atiri wiidimi uniini, Vandu woose va mwiindye. We mmbo avikaa ufoo kufike uwe kwakwe iruveeu.

SABURI 104:24

Ee, Nndumi Iruva, kurundye mashora meengyi nnu nnu! Fyoose mmbo kulerunda na waarya! Ulana mmbo lwiishwe fyuumbe fyafo.

SABURI 105:27

Vakatana ngyende nnang'ani a Vamisri, Na nngyende-da efo urukeny elo lwa Hamu

SABURI 145:13

Umangyi lwafo ni umangyi lwa meeri moose, Na ushilyi lwafo ni lwa marika moose.

SABURI 66:7

Yeto mwiishillya kwa wiidimi lwakwe llung'anu, Na miso akwe akalola masanga moose. Kulave-fo nndu atana kilasha nawe.

SABURI 72:18

Lurumishe Nndumi Iruva, Iruva wa Israeli, Yeto mwiitana findo fyeeresye.

SABURI 77:19

Yewe kwavika shia tafo uwe ya yeeve, Kweenda uwe ya mura ulya mwiingyi, Lyo ngyayo tafo ntelollywa-fo.

SABURI 86:10

Mashika yewe mmbo kukee nniini Yewe mmbwe mwitana fya wende Nyewe kumuni kukee Iruva.

SABURI 92:5

Ee, Nndumi Iruva mashora afo mmaniini nnu! Makusaro afo ni maroo nnu.

ISAYA 25:1

Nndumi Iruva, yewe mmbwe Iruva wakwa; yewe mmbwe shikwiinndya na irumisha irina lyafo, Mashika mitanyi yafo mmbo yeeresye, nayo kwayiinutya kwa urilalyi na usumanu, uramba kweevikye ukya kasha.

ISAYA 28:29

Wiidimi elu nalo ni kwa Nndumi Iruva wa matorito luukye. Uramba lwa Iruva mmbo lweeresye na urango lwakwe llwa usumanu nnu.

ISAYA 9:7

Kya umangyi na ushilyi lwakwe ni fya llung'anu filatiri umando, mmbwe asheshillya ando a mangyi Davidi mmbwe asheuvambisaa na iusaleesa fika llung'anu. Efyo mmbo fitanwaa ni Nndumi Iruva wa matorito.

YEREMIA 10:10

Indi Nndumi Iruva, ni Iruva wa dede, Iruva wa llung'anu eefo na muu na umangyi lwakwe ni lwa llung'anu fidina-si na masanga mfishiidima isiika nyashi yakwe-fo.

DANIELI 2:2

Naasa mangyi kavaanga vaanga, velafya vasavi na Vakaldayo vakwe naambo vashemmbya, na intammbashuya yoorya lyakwe. Nawo vakasha vakashesalala mbee ya mangyi.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 7:14

We, kaniingywa ushilyi, na itumbe, na umangyi, naambo vandu va masanga moose, na fishomu vanndunndye. Ushilyi lwakwe, ni ushilyi lwa llung'anu, ushilyi lulatiri umando na umangyi lwakwe llukaa lulyamarwa-fo.

DANIELI 7:27

Wiidimi na finya ya ngyumangyi eti ta ulaniny mmbo tisheningywaa vandu va Iruva yeu wa uwe. Ushilyi lwawo lwa kimangyi llushemandaa-fo, Nawo veeshillya va ulana elu mmbo vashevarundyaa na iveendya.”

Varome 11:33

Apaa utonga lwa Iruva shaasa lung'ani na waarya lwakwe na urango lwakwe. Shila takwe tilavaa isavaiya, nta shia takwe tilavaa ikufwa.

NKUMBUYE WA UVAVASO 4:34

Ao ni indii lyingyi Iruva alemeenda yuuta vandu urukeny lwa vandu vengyi eveesaa neewoora ngyende shiingyi na fira, kutani awoora findo fisheresee na woko lwa finya lweeresye nnu shaasa Nndumi Iruva, Iruva weeru alemutana yeni kulya Misri mwiilollye indi?

1 Timoteo 1:17

Naasany ulaalu Mangyi yeto wa llung'anu, nalashidimaa ifwa, nta nalalolyoo mmiso, akee Iruva we muni, nawoni iindyo na nnduma mmbwakwe llung'anu na llung'anu. Amen.

Vaebrania 1:8

Kyaindi kya mbony ta mwana mmbo aamba, “Kitima kyafo kya itumbe, woi Iruva nkya llung'anu na llung'anu; na ndata ya umangyi lwafo ni ya usumanu.

Vaebrania 2:4

Iruva nawe evikaa ukureekyi ando amwi nawo na ngyende na findo filandelollyo na finya ta ngata shiingyi, na yaavyo Mumuyo Mweele, shaasa alekukundya we muni.

1 Petro 4:11

Kwakooya nndu arerya vandu navarerye shaasa irero lya Iruva lyikai, kwakooya arunda narunde na wiidimi elo Iruva anningye naambo Iruva naute-u ing'aniswa kya findo fyoose kwi Yesu Kristo. Nnduma na wiidimi mfyakwe we llung'anu na llung'anu. Amen.

Usukuyony 11:15

Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”