DANIELI 4:26 - BIBILLYA Mareiyo Meele a Iruva

²⁶ Nsu ulya mmbo alevavasya isinde llya lyirewa-u. Nkyo kyaamba kyishiidimikaa kuve-se mangyi kwamiirikya sheelyi Iruva mmbwe ashillye ulana loose.

DANIELI 4:26 Iomraidhean Croise

DANIELI 2:18

Kavavia vatereve Iruva yeu wa iruveeu, naambo avalyilye kimaruma kya yoorya elyo naambo valanderumatwa, ando amwi na vandu vaantu woose va Babilony.

DANIELI 2:19

Llyo Danieli esukuywa yoorya llya kio kilya kyeni. Danieli kaarafuma Iruva wa iruveeu kaamba,

DANIELI 2:37

Yewe Mangyi mmbee, mmbo kwiilanyi vamangyi woose. Iruva wa Iruveeu mmbo alekuvika mangyi kakuniinga finya, wiidimi na itumbe.

DANIELI 4:15

Lyo isinde lya nri yeto kulyire-u, kulyifinge na minya, kulyire-u lyiiringityo mmamburu, nreny nndu yeto aniswa ni laura yuuka iruveeu, reny nakee na mafisi a ngoroshony na mooro wa ngorosho.

DANIELI 4:23

Kyeeri kwekeelola mangyi nndumi mbee mmbo kulelollya nsu ulya eshoolokaa auka iruveeu, kaamba, ‘manya nri yeu kuulyamare, lyo kureu isinde elyo lyavayo ando lyimiiye.’Kulyifinge na nse va minya na arera, kulyire yoo mbateny na mamburu engyi a mooro. Kure laura yoolokye nndu yeu ando a myaaka mfungare ekee amwi na mafisi a ngoroshony.

DANIELI 4:31

Llya aleamba indo kulaore ansyado, unyanga lukauka iruveeu lukammbia, “Mangyi Nebukadnesa, arannya! Ulaalu kwansokwa ulaalu wiidimi lwafo lwa kimangyi.

DANIELI 4:37

Ulaalu yeny Nebukadnesa, mmbo shikeerumisha na yiindya na yiitikisa Mangyi yei ya Iruveeu. Ekyo kyoose atana mmbo kyikee kisha na kya usumanu, nawe mmbwe atiri wiidimi lwa inyiisa yewo vekurosa woose.”

DANIELI 5:20

Kimmba alekurosa we muni, makusaro akwe akallemba na nrima wakwe ukava muumu, kaposha urundi lwakwe, llyo alesokwa kyiri kya umangyi na itumbe lya-vayo.

DANIELI 5:21

Llyo aleumbutwa yefo nnang'ani a vandu, nawe kava sha ifisi lya ngoroshony. Kandekaa na mafisi kavelya na mare sha ng'umbe. Kakaa efo mbateny nalaoni nta kyenringa laura kio; Kutani lya alesukukyo, sheelyi Iruva yeu wa uwe mmbwe yeto avikye-u ngyumangyi toose ta ulana, kaveva mmbwe asaleesa yewo akunda we muni.

Matayo 21:20

Naasa yewo vakiloshyony valollya kive indo, vakasongololo. A kyava inda elyi nkuu yeu wariika indo na lyimwi nsi?

Matayo 5:34

Na yeny shamuvia, ‘Nta mulakulyise mboo’ mwaambe, ‘Swa iruveeu, mashika nng'u kirembo kya Iruva;’

Luka 15:18

A shikwipoo shindefika kwa nde-yaakwa shimmbie, ‘Woi nde, mmbo shilelyamara kya efo iruveeu na yoo usanguny lwafo!

Luka 15:21

“Naasa mwana ulya kammbia, ‘Woi nde mmbo shilelyamara kya efo iruveeu na yoo usanguny lwafo! Nshikisumani-se nta ivaangwa mwana wafo-fo!’