DANIELI 3:25 - BIBILLYA Mareiyo Meele a Iruva

²⁵ “A mmbo kyava inda ulaalu elyi shilollye vandu vaana vakeekurwa-rwa efo nnang'ani murony? Nta mmbakikee vafinge-fo, nta mmborye ivaviswa ni kindo-fo. Na wa kaana avakye nsu wa maruva.”

DANIELI 3:25 Iomraidhean Croise

YOBU 1:6

Naasa kukakaafo nkonu umwi vasu va Iruva veenda ikwanannya mbee ya Nndumi Iruva, nawe Satana, kakoora amwi nawo.

YOBU 38:7

nyinyiri ta ngama kyeeri tekeimba ando amwi, na vana va Iruva vakarosa ngyunyanga ta ifura?

YOBU 5:19

Akukiraa ngatareny mmwasi ya lyimwi; rengeny ya ifurumya ukasha llushekupaanaa-fo.

SABURI 34:7

Woose vamwiindya vakaringwa ni vasu va Nndumi Iruva, Na ikirwa efo nrengeny.

FYAASO 30:4

Ammbi ndesa alenrwa uwe iruveeu kasokase si? Mmbi alentira uraato wokony? Mmbi alemfinga mura na kirami? Mmbi avikkye minyanu myoose ya ulana? Irina lyakwe mmbi? A irina lya mwana wakwe mmbi? Shivia kwakooya kwiishi!

ISAYA 43:2

Naakwa kweera mureny mwiingyi mmbo nshevaa ando amwi neewe, naakwa ni efo mireny miniini, nkusheekaafo. Kweerwa murony nkusheyaa-fo nta muro wa kipalapala mmbushekumamitaa-fo.

YEREMIA 1:19

Mmbo washekapanaa neewe, kya indi mmbakuvingaafo, mashika mmbo shikee neewe shikukire, Ni yeny Nndumi Iruva shaamba indo.”

YEREMIA 1:8

Yewe kulaereye vandu yevo-fo, kimmba mmbo shikee neewe nkuringe. Ni yeny Nndumi Iruva shaamba indo!”

YEREMIA 15:21

Yeny nshikukiraa wokony lwa iraamii na ikukyira nreiyony wa veeresi.”

DANIELI 3:18

lyo naakwa ara nalatana indo lyo manya yese llushidimaa yiinndya iruva lyafo nta ifiirya-ndi ifwanu elyo lyafo-fo Mangyi nndumi mmbe.”

DANIELI 3:24

Nawe Nebukadnesa kaawukwa kakyilya kafulukywa-deny. Kavesa vandu valya vakwe, “A nshi vandu vararu nsi lwavafinga lukaveera murony?” Vakammbia, “Yee Mangyi nndumi. Ni vararu-nsi.”

DANIELI 3:28

Naasa mangyi Nebukadnesa kaamba, “Naarafumwa Iruva wa Shadraki, Meshaki na Abedneko! Mmbwe aleruma nsu wakwe nashekira varundi eva vakwe vankusirye. Llya valelema ilatya ivavasyo lyakwa mmbo valekaa nrengeny ngota elyi veefiryaandi veendye iruva lyakwa vare Iruva waawo.

DANIELI 6:23

Mangyi kafura nnu kikailannya kavavasya Danieli nandesaamiswa ootwa kulya irininy. Naasa Danieli kandootwa-fo, na vandu woose vakalollya nnyalerashuwa nta ando kumwi-fo. Kimaruma elyi ekusirye Iruva.

Marko 16:18

Mmbo vashetiraa shoka na maako. Na kwakooya vana kindo kiwaa, nkishevamanyaa furu-fo. Mmbo vasheekeryaa vandu valwee maako nawo vashie.”

Luka 1:35

Nsu ulya wa Iruva kaallwa kammbia, “Ni Mumuyo Mweele ashekusokyaa na finya ya yeto akee uwe ya findo fyoose ishekukayaa. Nkyo kyaniinga ekyo kyeele kyishirwaa kivaangwa ni ‘Mwana wa Iruva.’

Mashora 28:5

Kyaindi we kaisisikya efo murony, we muni nalaoni ukasha.

Varome 1:4

Nawe kasheorwa paa na wiidimi sheelyi we ni Mwana wa Iruva, ngata ya Mumuyo Mweele, na iruka lya vafu, mmbwe Yesu Kristo Nndumi weeru.

1 Petro 3:13

A ni vi yeto ashemuvavisaa, mukankutakura itana mesha?