DANIELI 2:47 - BIBILLYA Mareiyo Meele a Iruva

⁴⁷ Mangyi kammbya, “Ni kya dede Iruva wafo mmbwe wa dede kailanya maruva engyi moose. Nndumi Iruva ailanyi vamangyi, kaveva ni mwiidimi isukuya vandu findo fisurumi fya ngyende, fyeeresye. Ekyi mmbo shasukukyo mashika elyi kwaidima itambashwa kyama ekyi kyakwa.”

DANIELI 2:47 Iomraidhean Croise

Mapookyony 41:39

Farao kavia Yosefu, “Kimmba Iruva ankumanyisya efyo fyoose, nkwiiyo ungyi atiri urango na waarya sha yewe-fo.”

2 VAMANGYI 5:15

Kawuuya nndu ulya wa Iruva na valya eryani nawo woose. Kashesalala mbee yakwe, kaamba, ulaalu shammanya nkwiifo Iruva ulaniny koose kuuta Israeli-fo; ulaalu shakutereva kuwarye kindo kinnywa kyuuka kwa ishinga lyafo.

YOBU 12:19

Kaveera vakohani vaende mbereto, na ituula vaafinya.

SABURI 136:2

Aniny Iruva wa maruva moose. Kimmba ilyillya lyakwe lyikee lya llung'anu.

SABURI 136:3

Aniny Ndumi Iruva wa vaniini woose. Kimmba ilyillya lyakwe lyikee lya llung'anu.

SABURI 72:11

Vamangyi va ulana loose, mmbo vamwiindyaa, Na vandu va masanga moose vamfurukannye.

SABURI 82:1

Iruva mmbo asalallya ikwanu lyakwe; mmbo otya ivingo marembo a maruva:

SABURI 96:4

Mashika Nndumi Iruva ni nniini yaarafumwa nnu! Na wa yeerewa ngota maruva moose.

ESEKIELI 26:7

“Mashika mmbo Nndumi Iruva aamba indi; Lola, mmbo nsheende Nebukadnesa, mangyi ya Babilony, mangyi ya vamangyi, uwe ya Tiro ooka na taari ya ndoo, amwi na frasi na mitika ya fira, na vesaama frasi na itorito lya fira amwi na vandu veengyi.

DANIELI 11:36

“Mangyi mmbo ashetanaa shaasa akunndye, Mmbo ashekurosaa naambe mmbo ailanyi wo iruva, kailanya na Iruva yeto wa uwe. Nawe mmbo ashevaa mwiikurosa indo kutani Iruva muni ashenkabaa, mashika kilya kikee kideerye ni kuti kitanyike.

DANIELI 2:19

Llyo Danieli esukuywa yoorya llya kio kilya kyeni. Danieli kaarafuma Iruva wa iruveeu kaamba,

DANIELI 2:22

Mmbo atambashwa findo fisurumi, na fya kirika, ekyo kyikee kisurumi ireeminy mmbo akiishi, nawe karingityo nsa.

DANIELI 2:28

Lyo kwiifo Iruva wa Iruveeu yeto mwisukkwa fyama fyoose. Mmbwe aleora Mangyi Nebukadnesa findo fikaa fishe. Ulaalu mmbo shikutambashuyaa kindo kilya kuloorya kwiilele.

DANIELI 2:29

“Kyeeri kweelele Mangyi mmbee, mmbo kuleorya kya findo fishaa, ni Iruva wa wende alekoora findo fikaa fishe.

DANIELI 2:30

Yeny Danieli mmbo shilerambuywa yoorya elyo, nshi-mmbo shitiri nnu urango shailannya vandu vengyi-fo, mmbo kileva indo, naambo Nndumi Iruva nakooye ikumanyisya kya findo efyo fishekaa fishe mbee yafo.

DANIELI 2:37

Yewe Mangyi mmbee, mmbo kwiilanyi vamangyi woose. Iruva wa Iruveeu mmbo alekuvika mangyi kakuniinga finya, wiidimi na itumbe.

DANIELI 3:15

Ulaalu mmbo shamuvia lyingyi, kwakooya mweeta unyanga lwa mbembe na finanda fya ngyura na ngoma, na fingyi, mukara mulawa-si na yiindya ifwanu llya, mmbo musheerwa na lyimwi-nsi efo irininy lya kipala-pala kya muro ularumikaa. Lulole ni iruva ungau ashemwaauwaa maakony akwa.”

DANIELI 3:28

Naasa mangyi Nebukadnesa kaamba, “Naarafumwa Iruva wa Shadraki, Meshaki na Abedneko! Mmbwe aleruma nsu wakwe nashekira varundi eva vakwe vankusirye. Llya valelema ilatya ivavasyo lyakwa mmbo valekaa nrengeny ngota elyi veefiryaandi veendye iruva lyakwa vare Iruva waawo.

DANIELI 3:29

Ulaalu mmbo shaamba paa, nndu moose wa kundo koose, ao fwana ao kishomu karera kikasha kya Iruva wa Shadraki, Meshaki na Abedneko mmbo arumbuwaa ilungo lyimwi lyimwi na mmba yakwe imamitwa deny. Nkwiifo iruva ungyi ashidimaa ikira sha yeto waawo-fo.”

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 4:25

Mmbo kusheumbutwaa kunu vanduny kundesandwa ando amwi na mafisi a ngoroshony. Ando a myaaka mfungare kulye mare sha ngashe, kulale mbateny, kukapwa ni laura, llyo kushirikyaany sheelyi Iruva yeu wa Uwe Mmbwe yeto ashillye ngyumangyi ta vandu toose nawe ashidimaa iniingya ushilyi yelo moose ankunda.

DANIELI 4:32

Mmbo kushesamiswaa, kulakaniswa na vandu, kundekaa na mafisi, kulye mare sha ngashe ando a myaaka mfungare. Kutani kwamanya sheelyi Iruva yeu wa uwe mmbo atiri finya na wiidimi uwe ya ngyumangyi toose, nawe mmbo atiri wiidimi lwa ivikau yewo ankukunndya.”

DANIELI 5:11

Kunu umangyiny lwafo kwiifo nndu atiri mumuyo wa maruva meele. Kyeeri ndoo etiri umangyi, nndu yeu mmbo aleora urango na imanya lyakwe kava sha maruva. Nawe ndoo, mangyi Nebukadresa, kammbika nsongoru wa varango woose, vasavi, na velafya; na Vakaldayo, vengyi woose.

AMOSI 3:7

Nndumi Iruva wa matorito nnyatanaa kindo nare nalakyoora mmbele vasero vakwe wo vakisuku-fo.

1 Vakorinto 14:25

Filya akusarye efo nriminy mmbo fimanyikaa paa, nawe mmbo ashidimaa isanga neeni iindya Iruva, nafirye ndi deny, na iirikya sheelyi Iruva akee neeni kulaifo nyinyira.

NKUMBUYE WA UVAVASO 10:17

Mashika Nndumi Iruva, Iruva waany mmbwe Iruva wa maruva moose, na Nndumi Iruva wa vandumi woose, ni Iruva wa dede aeresye, nalalolaa fisangu fya vandu, nta nalawaryaa kindo kya nnga.

1 Timoteo 6:15

Nawe elyi kyeeri kyakwe kifikaa eshekooraa paa, niwe yeto akee iindyo, kava mmbwe muni wiidimi, kaveva Mangyi ya vamangyi, na Nndumi wa woose;

YOSUA 22:22

“Iruva Mwaafinya! Nndumi Iruva! Nndumi Iruva! Iruva Mwafinya! Nndumi Iruva! We eeshi, na Israeli vamanyi, kwakooya nkya usha ao kya ukasha, kwakooya mmbo lwalyamarya Nndumi Iruva, (nawe inu nalalure-fo);

Usukuyony 1:5

lyingyi fyuukye kwa Yesu Kristo, akee nkureekyi wa dede, mwana wa mbee wa yewo vafiiye, na mangyi ya vamangyi va ulana. Yeto alukundye na ilusangya ngyulyamari teru na samu yakwe.

Usukuyony 17:14

Yeva mmbo vashekapaa fira na Ngurana ya Iruva, na Ngurana ya Iruva mmbo asheavingaa, mashika we ni Nndumi wa Vanndumi, na Mangyi ya Vamangyi na yewo variyani nawe mmbo valya vavaange vakee vasauwe, vairikye.”

Usukuyony 19:16

Nawe mmbo atiri irina lyikee ireiye yoo sooriny yakwe na yoo kinaminy kyakwe indi, MANGYI YA VAMANGYI, NA NNDUMI WA VANNDUMI.