DANIELI 2:44 - BIBILLYA Mareiyo Meele a Iruva

⁴⁴ “Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 2:44 Iomraidhean Croise

Mapookyony 49:10

Mbiiri ya umangyi nyisheukaa kwa Yuda-fo, Nta mwiruuya usumanu yoo marendeny akwe-fo, Kutani asheshaa yeto muni ushilyi, Mmbwe masanga moose ashemwiindyaa.

2 SAMUELI 7:13

Yeto mmbwe ashetanaa mmba yakwa, na kitima kyakwe kya umangyi nshikivika finya fika llung'anu.

2 SAMUELI 7:16

Neewe mmbo kushelollyaa shaasa nshekaarisaa umangyi lwafo na ufyari lwafo. Na umangyi lwafo lushekumbuwa llung'anu.’”

SABURI 145:13

Umangyi lwafo ni umangyi lwa meeri moose, Na ushilyi lwafo ni lwa marika moose.

ISAYA 60:12

Mashika wo isanga na umangyi valakunndye ikufurukannya mmbo varumakaa; Yee, masanga yoo mmbo arumatwaa deny.

ESEKIELI 37:25

Nawo vashekaa yefo urukeny yelo shileniinga Yakobo nndundi wakwa, kundo vekaa vande vany, nawo mfo kundo vakaa, wo na vana vawo, na vana va vana vawo llung'anu, na Davidi nndundi wakwa mmbo ashevaa mangyi yaawo llung'anu.

DANIELI 2:28

Lyo kwiifo Iruva wa Iruveeu yeto mwisukkwa fyama fyoose. Mmbwe aleora Mangyi Nebukadnesa findo fikaa fishe. Ulaalu mmbo shikutambashuyaa kindo kilya kuloorya kwiilele.

DANIELI 2:34

Naasa elyi kweefo kusongololo ilola, iwe iniini lyikakuruka yeni nyilakunwa ni nndu, lyikashekapa marende a ifwanu llya lya minya na uteeri, lyikafisha-fisha.

DANIELI 2:35

Fya uteeri, arera, fesa na saabu, fyoose fikasewa fikava kiluulyi, fikavaka nswa mmamiri wa uuru. Naasa uraato lukasha llya-yeni lukavivita-u kiluulyi kilya, nta kulamanyaa kweiyo kindo. Lyo iwe llya lyikang'ana sha ifumbu lyikasikya uruka loose.

DANIELI 2:37

Yewe Mangyi mmbee, mmbo kwiilanyi vamangyi woose. Iruva wa Iruveeu mmbo alekuvika mangyi kakuniinga finya, wiidimi na itumbe.

DANIELI 2:43

Llya kulelollya minya mmbo yeesasangyi na uteeri, nkyo kyaamba veeshillya vavayo mmbo vashekundaa iitikya vandu vawo vasasange kwa ikoora, lyo nkishevangaa-fo, vave sheelyi minya ilavaa isanga na uteeri ive kindo kimwi.

DANIELI 4:3

Apaa shaasa ngyende takwe aloora ting'ani! Apaa shaasa atana ngyende ting'ani. Iruva ni mangyi llung'anu, na mmbo ashillyaa fyeeri fyoose.

DANIELI 4:34

Kwiikyisya myaaka yeyo mfungare Nebukadnesa kaamba, “Mmbo shilelola uwe nginii-u, shamarukya shatira-se urango. Shaarafuma Iruva yeu wa uwe, shaniinga wiindi na nnduma yeu akee na muu llung'anu. ‘Mmbo ashillyaa llung'anu, umangyi lwakwe lulatiraa umando

DANIELI 6:26

Mmbo shavavasya, vandu woose-si ya ushilyi lwakwa, vaereye na yiindya Iruva yeu wa Danieli. We ni Iruva akee na muu, nawe mmbo asheshillyaa llung'anu. Umangyi lwakwe lulamamitwaa nta wiidimi lwakwe llukaa lumande-fo.

DANIELI 6:27

We mmbwe akira na yaauwa, katana ngyende na filandelollyo lyingyi, iruveeu na kunu ulaniny. Yeto alekira Danieli nalashelyiwa ni miiso.”

DANIELI 7:27

Wiidimi na finya ya ngyumangyi eti ta ulaniny mmbo tisheningywaa vandu va Iruva yeu wa uwe. Ushilyi lwawo lwa kimangyi llushemandaa-fo, Nawo veeshillya va ulana elu mmbo vashevarundyaa na iveendya.”

DANIELI 8:25

Kimmba akee nndu llyang'a na llembi mmbo ashevesyoo deny, neekung'anisa we muni, we muni nashemamita vandu vengyi kulaore vamanya, ashefikya ando a ikunda ikapana na mangyi yeto nniini ya vamangyi vengyi woose. Lyo we mmbo ashemamitwaa, kuleefo ipaanwa ni woko lwa nndu wa vandu.

MIKA 4:7

Mmbo vakee vabobore vakakamarwa kwaasha na kwawo, lyo mmbo nshevaviraa wiiya vasange na valya valesaafo vashevaa ufyari uniini. Neeny mmbo nshevashilya yoo Sioni uka kyeeri ekyo fika llung'anu.

HAGAI 2:22

Shituule ngyumangyi na imaa ushilyi lwawo. Shilyamare finya tawo na wiidimi lwawo. Shiwaa frasi tawo neewo veetisaamyi vakumaa wo veni na veni.

HAGAI 2:7

Shifullwe ngyumangyi toose, na usuri lwa masaa awo lweendwa yaa, mmba ya Iruva iishwe masaa shapu.

Matayo 28:18

Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny.

Yohane 12:34

Naasa vandu valya vakuummbye-u vakanndouwa, “Yese lwiitye kya Kristo kyuuka efo uvavasony mmbo ashekaa-fo llung'anu. A kyavaany inda elyi yewe kwaamba mmbo kikee kideerye Mwana yeto wa Nndu nanderoswa na uuwe? A Mwana yeto wa nndu ni viiny?”

Vaebrania 12:28

Naasany kimmba lukeewarya umangyi yelo lulavaa ireremiswa, lukaeny na isarya, na kyeendwa llyo luvikye Iruva miindye insenyi, ando amwi neekunyiisa na vio;

Usukuyony 11:15

Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”

Usukuyony 2:27

nawe mmbo asheveesaa na nsenge wa minya, shaasa fiiya fya muumba nungu firyaa uteeri, shaasa na yeny shilevavasyo ni Ndeakwa.