DANIELI 2:41 - BIBILLYA Mareiyo Meele a Iruva

⁴¹ Kulelollya-da alya ngyayo na mini tekee ta uteeri usasande na minya. Nkyo elu mmbo lushevaa umangyi lukwaavye. Kumwi lutire finya sha minya, mashika minya yeesangyi na uteeri.

DANIELI 2:41 Iomraidhean Croise

DANIELI 2:40

Numa-se lushe umangyi lwa kaana, lutiri finya, lwiidimi ifisha-fisha neepapara wo kindo. Elu mmbo lushe fisha-fishaa sha minya neemamita ngyumangyi toose tilusongoye.

DANIELI 2:42

Mini ya minya isangyi na uteeri, kyaamba sheelyi mmbo lushevaa umangyi taari imwi lutiri finya na kungyi lukee ufwa-fwa.

DANIELI 7:24

Kya mbembe ikumi kunu umangyiny elu, ni vamangyi ikumi vasheshillyaa, numa asalale ungyi avashillye, nawe mmbo ashevaa kilasha deny ya valya vengyi, nawe ashetuula vamangyi vararu.

DANIELI 7:7

Numa ya-vayo lyikasha ifisi lya kaana, lyeeresye lyitiri finya. Lyitiri mayoo a minya ashiidimaa ilya, neekarakasha vakiduva va-vayo; neevakakashya yoo-si. Lyo llyeevakye mafisi alya engyi araru-fo; mashika mmbo lyeetiri mbembe ikumi.

Usukuyony 12:3

Lukalollyo wende lungyi iruveu, shoka niini idodorye, itiri mirwe mfungare na mbembe ikumi, na efo mirweny ya vayo ikaraa ngyureto mfungare.

Usukuyony 13:1

Naasa numa ya vayo shalollya ifisi lyikeyuuka efo yeeveny lyitiri mbembe ikumi na mirwe mfungare, na uwe ya mbembe eto ni ngyureto ikumi na efo mirweny yeyo ni marina a vearara.

Usukuyony 17:12

“Na mbembe tilya ikumi kulelollya ni vamangyi ikumi valandewarye umangyi, lyo mmbo vakewarya ushilyi sha vamangyi ando a saa imwi ando amwi na ifisi llya.