DANIELI 2:39 - BIBILLYA Mareiyo Meele a Iruva

³⁹ Numa yafo yewe mmbo kusheshaa umangyi lungyi, lulatiri finya sha elu lwafo. Numa yavayo lushe lungi-da, llo lwa arera, nalo lushillye ulana loose.

DANIELI 2:39 Iomraidhean Croise

ISAYA 44:28

Shiviaa Koresh, mwiisi wakwa, nawe eto ashetanaa shaasa shikundye, naakwa ni Yerusalemu ushetanwaa na nsuka wa mmba ya Nndumi Iruva ushevikwaa.’”

DANIELI 10:20

Naasa kashivia, “Kwammanya kindo kyasheende kwafo? Mmbo shiwuyaa ikapana fira na nsu nringyi wa Persia. Shamma itana indo nsu nringyi wa umangyi lwa Ugriki nawe mmbo asheshaa

DANIELI 2:32

Nrwe wa-vayo ni saabu shiilyise nnu, maako na mbafu ya-vayo ni fya fesa, na mwiina wa-vayo na kyisi fikava fya arera.

DANIELI 2:38

Ulana loose lukava si yafo, kwashillya findo fyoose, mafisi na ndeye. Nrwe ulya wa saabu nnyewe, mangyi mbee.

DANIELI 2:40

Numa-se lushe umangyi lwa kaana, lutiri finya, lwiidimi ifisha-fisha neepapara wo kindo. Elu mmbo lushe fisha-fishaa sha minya neemamita ngyumangyi toose tilusongoye.

DANIELI 7:23

Kya ifisi lya kaana shavywa: “Ni umangyi lwa kaana, lusheshaa urukeny nalo mmbo lushevaa kilasha na ngyumangyi tilya tingyi toose, na ilyamara uruka loose neelukakasha, neetifisha-fisha.

DANIELI 8:20

“Suva ilya kulelollya itiri mbembe ivii ni vamangyi va Umedi na Persia.

DANIELI 8:21

Nayo woro ni umangyi lwa Ugiriki. Nalo wombe llwa lwa finya yoo nnang'ani ya miso ni Mangyi wa mbee.

SEKARIA 6:3

Wa kararu ukaomuwa ni frasi tifwani shaa peru, na wa kaana frasi tifwani ifu.

SEKARIA 6:6

mutika ulya wa frasi shuu mmbo weekeyeenda na uruka lwa taari ya ndoo, na ulya wa frasi shaa peru, mmbo weekeyeenda na uruka lwa taari ya nkwaany, na ulya weekeyoomuwa ni frasi ifwani ifu mmbo weekeyeenda na uruka lwa taari ya sinde.”