DANIELI 2:22 - BIBILLYA Mareiyo Meele a Iruva

²² Mmbo atambashwa findo fisurumi, na fya kirika, ekyo kyikee kisurumi ireeminy mmbo akiishi, nawe karingityo nsa.

DANIELI 2:22 Iomraidhean Croise

Mapookyony 41:16

Yosefu karouwa Farao kammbia, “Nshi yeny-fo, Ni Iruva muni asheniingaa Farao kiroowo kya ufoo.”

YOBU 12:22

Mmbo asukkwa ireema yuu piti na yeende seny fikee ireeminy.

YOBU 26:6

Kwa vafu nkukee kwa ruu deny mbee ya Iruva, ufu llutiri kifiniko kyoose fo.

SABURI 104:2

Mmbo kuree sa sha soori. Kwaala ngina sha soori shiniini;

SABURI 25:14

Nndumi Iruva ni mbuya ya yewo vamwindyaa, Nawe kavavangisya kyaaseny kyakwe.

SABURI 36:9

Muu ni kwafo uparikye, Kyeendwa ni saa yafo lukalollya saa.

MWIILOSHA 8:1

Mmbi eto akee sha nndu nnrango? Mmbovi eeshi isununda ngata mbony tikai? Urango mmbo lweengye nndu nsia, Na makusaro yoo anrovye akaalashika.

ISAYA 41:22

Vakabe weele vaambe na iluvia mbony tishaa, luore na filya filemmaa iira ni mbony ta ngata kyi lutimanyi na nshusshwa iitumuso ufishyony lwa vayo awo valuvie fya fishaa numa.

ISAYA 41:26

A mmbi alekureekya mbony eti ukya mapookyony naambo lusongwe imanya kasha lwaambe, “We ni wa dede?” Ee-da, nkwiifo umwi alekureekya-fo. Nta umwi alevambisa nta umwi aleita marero any-fo.

ISAYA 42:9

Lola, mbony ta mbee tilemmaa iira, na yeny mmbo nkeamba mbony kulaore tansha, nshikemuvia mbony tavayo.

ISAYA 45:7

Ni yeny shatana sa na ireema na yeny sheende na urumato. Yeny ni Nndumi Iruva shitanaa efyo fyoose.

YEREMIA 23:24

A ndesa nndu ashiidimaa ikusuruma ando kwa kyisurukumu naambo shilallollye? Ni Nndumi Iruva aamba. A shiishurye-se ngyina na uruka? Ni Nndumi Iruva aamba.

YEREMIA 33:3

“Shivaanga, neeny nshekwiirikyaa, shikoore findo fya wende finiini kulore kufiishi.

DANIELI 2:11

Mbony yei mangyi avesa, mbony shuumu nnu, nkwiifo nndu ashiidimaa irambuya mangyi mbony yei-fo, kuuta maruva yoo a mimuyo.”

DANIELI 2:19

Llyo Danieli esukuywa yoorya llya kio kilya kyeni. Danieli kaarafuma Iruva wa iruveeu kaamba,

DANIELI 2:47

Mangyi kammbya, “Ni kya dede Iruva wafo mmbwe wa dede kailanya maruva engyi moose. Nndumi Iruva ailanyi vamangyi, kaveva ni mwiidimi isukuya vandu findo fisurumi fya ngyende, fyeeresye. Ekyi mmbo shasukukyo mashika elyi kwaidima itambashwa kyama ekyi kyakwa.”

DANIELI 5:11

Kunu umangyiny lwafo kwiifo nndu atiri mumuyo wa maruva meele. Kyeeri ndoo etiri umangyi, nndu yeu mmbo aleora urango na imanya lyakwe kava sha maruva. Nawe ndoo, mangyi Nebukadresa, kammbika nsongoru wa varango woose, vasavi, na velafya; na Vakaldayo, vengyi woose.

DANIELI 5:14

Mmbo shiitye mbony tafo sheelyi, mumuyo wa maruva meele mmbo akukaye kwava na urango na waarya na wiidimi uniini.

Matayo 13:13

Nkyo kimaruma sharera nawo shisheraa fyaaso, mashika ilola valolaa valalollyaa, na yaaranya vaarannyi nta valaite nta iitumuso.

Yohane 1:9

Sa yeyo ya dede yeyo imikyaa wo nndu, yo yeefo yeeshaa na kunu ulaniny.

Yohane 21:17

Kammbia lya kararu, “Simion wa Yohane kushikunndye?” Petro kafulukyo elyi ammbia lya kararu, kushikunndye? Nalyo Petro kammbia, “Nndumi mmbo kwiishi findo fyoose, kwavemanya-da mmbo shikukundye.” Yesu kammbia, “Endeesa maanri akwa.”

Yohane 8:12

Naasa Yesu kawuya irera nawo lyingyi kaamba, “Yeny ni sa ya ulana. Nndu kashilatya nnyakyendaa-se ireemin-fo. Mmbo akaa na sa ishendee muu.”

1 Vakorinto 4:5

Naasa yeni mulaute uvingo lwa kindo kyoose kyeeri kilandefika-fo, kutani elyi Nndumi ashaa; mmbwe yeto ashemikyaa yefyo fikee fisurumi ireeminy, neesukkwa fyama fyoose fya ngoony ta vandu, llyony, wo nndu ashewonisaa nnduma wakwe efo kwa Iruva.

Vaefeso 3:5

Nkwiifo vandu va fyeeri fingyi valeorwa kyama ekyo-fo, kive shaasa varumi va Yesu veele na vakisuku va kyeeri ekyi kwi Mumuyo,

NKUMBUYE WA UVAVASO 29:28

Nawe Nndumi Iruva, kavaillwa tushu urukeny lwawo kya unyafi lwakwe, kandeveera urukeny weny shaasa kikee inu.

1 Timoteo 6:16

mmbwe muni nalasheywaa ni ufu, mmbo akee itumbeny lyilavaa ifikya, nta kulaifo nndu alemmulollya na miso yaa, nta nalashidimaa illollya. Wiindi na wiidimi llwakwe fika llung'anu. Amen.

Vaebrania 4:13

Nta nkwiiyo kyuumbe kilalollyo paa mbee ya vayo-fo, na findo fyoose mmbo fikee mbereto yoo misony a yeto arye mbony teru toose.

Yakobo 1:17

Wo ngata ya iniingya yeyo ikee shisha, na wo kindo kyaniingywa kyikava kisongovisi, mmbo kyauka kwa Iruva, yeto muni sa, yeto kwakwe kulaifo yalashika, nta iveruka-veruka.

1 Yohane 1:5

Na yei nnyo mbony luleiita kwa Nndumi weeru, lukamwoongoya, sheelyi Iruva mmbwe sa, nta ireema llyishidimaa ikaa kwakwe-fo.