DANIELI 2:21 - BIBILLYA Mareiyo Meele a Iruva

²¹ Mmbwe muni mikonu na fyeeri, mmbwe asaleesa vamangyi kooka-fo kavaterwa-u. Mmbwe yeto aava urango na umanyo.

DANIELI 2:21 Iomraidhean Croise

1 VAMANGYI 10:24

Ulana loose mmbo lukeeruya ikwaanannya na mangyi Solomoni, naambo vaidimi imwaaranya ni elyi akee nndu niinge urango usha ni Iruva.

1 VAMANGYI 3:28

Vandu woose va Israeli vekiita ndesa mangyi alerummbwa mwaandu, vakamwereya, vakamanya urilalyi na urango lluukye kwa Iruva mmbwe yeto alemwiidimisya ileta mwaandu eto.

1 VAMANGYI 4:29

Iruva keengera iniinga Solomon Urilalyi, urango wiingyi na makusaro avakye nsanga wa mbai ya mura kilavaa yeekyena.

1 MBONY TA FYEERI 22:12

Na Nndumi Iruva, Iruva wafo nakuniinge wiidimi na urango usha, naambo kwidimi ishillya Israeli na itira mavavaso akwe.

1 MBONY TA FYEERI 29:30

Yefyo mmbo fireyye mbony ta ushilyi lwakwe, wiidimi lwakwe, na mbony takwe toose yeto ekwaanannya nato we, Israeli na mangyi toose ta uruka.

ESTA 1:13

Naasa mangyi kavia vandu varango veeiyo, na valya va urango lwa fyeeri, mashika kyeeri ekyo niindo kyeekai ivesa yewo veeshi uramba.

YOBU 12:18

Mmbo auta vamangyi fitiminy fyao fya umangyi, na ivafinga kyoove kya ushinga;

YUUKA 31:3

shamwishura mumuyo wa Iruva, wa urango na usha, mwitana sahabu na fesa na minya ya arera,

YUUKA 31:6

Na lyingyi lola, mmbo shilensauwa nakae neewe Oholiabu eto, mwana wa Ahisamaki, wa ufyari lwa Dani, neeny shavika urango efo miriminy ya yewo woose vatiri urango, naambo vatani fyoose shilekuvavasya;

DANIELI 1:17

Vakoo yeva vaana, Iruva kavaniinga wiidimi lwa ikulosha na imanya findo fiingyi fya wo ngata shisha ta vandu. Kya mmwasi, Iruva kaniinga Danieli urango lwa mmwasi, lwa itambashwa moorya na findo fishekaa fishe.

DANIELI 10:1

Kwiikee mwaaka wa kararu wa ushilyi lwa Koreshi mangyi ya Persia, nrumi ikasheya Danieli, ulya evaangwa Belteshasa. Yekee nrumi ya dede ikava shuumu imanyika, nkyo kaimanya neetambashwa ukisuku lwavayo.

DANIELI 11:6

Ando a myaaka miwe mangyi ya Misri na Siria vakalya mma, naambo mfu wa kimangyi, wa taari ya sinde, nasherawa mmba ya kimangyi, vakareiyana mma ya ikulunga, na umangyi lwa taari ya ndoo. Indilyo mma yaawo nnyishevangaa-fo, nta mangyi na vammba yakwe, mmbashevandamaa nawe-fo; na mfu yeto wakwe, na valya woose aleenda nawo, woose mmbo vashewawaa.

DANIELI 2:20

“Iruva yeto eeshi fyoose kava muni finya, Nndumi Iruva narumishwa llung'anu na llung'anu.

DANIELI 2:23

Mmbo shakurumisha nekwiindya, woi Iruva wa vakuu vakwa. Elyi kwashiniinga urango na finya, kwanshirouwa kiterewo kyakwa, kwaveloora neekyo lundeviaa mangyi.”

DANIELI 2:9

nkyo kindo kishetanyikaa kwany kwakooya mwalemwa ishirammbuya, neeshivia urango lwa yoorya yelyo. Eni mmbo mulekulosha, mukaishivya yaamba wongo na ishilemba, mwikusirye sheelyi nkonu umwi findo fishiidimaa yalashika. Kweekyo, shivieny yoorya elyo mmbo lyaamba-ki, naambo shimanyi sheelyi mushiidimaa ishirambuya na urango lwavayo.”

DANIELI 4:14

Karera na unyanga waasha kaamba, “Manya nri yeto kurumbwe-fo maramba avayo. Numa kudove-fo maru, na ndunda tavayo kutinyanyate. Mafisi alya eimuyi-u na ndeye tilya teokye-fo fifuri kutiumbute.

DANIELI 4:17

niindo nsu ulya akwiisye avavasya. Naasany, wo nndu namanyi sheelyi Nndumi Iruva yeto wa uwe mmbo atiri ushilyi uwe ya ngyumangyi ta vandu, na lyingyi atiri wiidimi lwa irambikya kwa nndu moose shaasa akunda we muni, naakwa ava n-du wa vengyi woose.

DANIELI 4:22

Nri yeto ni yewe mangyi mmbee, kwava mwaasha kwatira wiidimi. Mmbo kung'ani kwafika uwe nginii-u, na finya tafo ta ushilyi tikakwaana urukeny koose.

DANIELI 4:32

Mmbo kushesamiswaa, kulakaniswa na vandu, kundekaa na mafisi, kulye mare sha ngashe ando a myaaka mfungare. Kutani kwamanya sheelyi Iruva yeu wa uwe mmbo atiri finya na wiidimi uwe ya ngyumangyi toose, nawe mmbo atiri wiidimi lwa ivikau yewo ankukunndya.”

DANIELI 7:25

Nawe mmbo ashetatalaa Iruva yeu wa uwe, neesisya veele va Iruva yeu wa uwe, nawe ashewaanaa yaalasha mavavaso a miindye yaawo, mavavaso na fyeeri fya sukukuu tawo, nawo vashevikwa ushilyiny lwakwe ando a-fyeeri firaru na kyenga.

Luka 21:15

Mashika ni yeny nshemuniingaa kana na urango usha, na vakiduva yewo vany woose nta valashiidimaa ifilyimba na ifyaallwa.

Varome 13:1

Wo nndu nainndye ushilyi yelo uniini, mashika nkwiifo ushilyi lulaukye kwa Iruva-fo. Ushilyi lwiiyo loose mmbo lukee uvavasye ni Iruva.

1 Vakorinto 1:30

Mashika nkimaruma kyakwe mukakusirya na Kristo Yesu yeto alealuwa waarya lwa Iruva kweru, na usumanu, na weele, na ukiro;

Yakobo 1:17

Wo ngata ya iniingya yeyo ikee shisha, na wo kindo kyaniingywa kyikava kisongovisi, mmbo kyauka kwa Iruva, yeto muni sa, yeto kwakwe kulaifo yalashika, nta iveruka-veruka.

Yakobo 1:5

Lyo nndu wa kwany kaanguywa ni urango, atereve iruva yeto aniinga woose kwa vingyi, nta nnyakyeemmya-fo, nawe mmbo aniingwaa.

Usukuyony 19:16

Nawe mmbo atiri irina lyikee ireiye yoo sooriny yakwe na yoo kinaminy kyakwe indi, MANGYI YA VAMANGYI, NA NNDUMI WA VANNDUMI.