DANIELI 12:3 - BIBILLYA Mareiyo Meele a Iruva

³ Nawo veeshillya valya varango wo mmbo vashemikaa sha sa yeefo nginii-u. Na valya valelosha vandu itana fya usumanu mmbo vashemikaa sha nyinyiri ta nginii-u llung'anu.”

DANIELI 12:3 Iomraidhean Croise

YUUKA 34:35

Vana va Israeli vakalollya kisangu kya Mose mmbo kikee mika, naasa Mose kavikau lyingi soori, fika kyeeri ashereraa lyingyi na Iruva.

FYAASO 11:30

Mirunndye ya nndu nsaari mmbo yendee muu, Indi uravi mmbo lusokaa muu.

FYAASO 3:35

Vandu vasaari vakooya iindywa Indi varung'ani vashesutwaa!

FYAASO 4:18

Shia ya vandu vasaari ivakye ngesa ya nraasi, Shaasa imikyaa ikamika kutani nsanyiny wafika.

MWIILOSHA 12:9

Kimmba Mwiilosha akee nndu atiri urango, keengera ilosha vandu findo efyo eeshi. Mmbo ekee nndu eeshi fyaaso, nawe kasununda mmwasi naidimi imanya udede lwavayo.

ISAYA 53:11

Na elyi aleva mwivina na indo; asheonaa iviiri nawure shapu, nawe akee kishinga kyakwa kya usumanu atiri urango usha, mmbwe asherwaa vandu veengyi usumanuny, nawe mmbwe akurikye ukasha lwawo.

YEREMIA 23:22

Indi kwakooya lyo vesalala shileny yakwa, vevambisaa marero akwa kwa vandu vakwa, vemanya ivaiduta woke shieny tawo ta uravi na mitannyiny yaao ya uravi.

DANIELI 11:33

“Nnaang'ani a vandu valya vatiri urango vasheloshaa vengyi vaidimi imanya, Lyo ando a mikonu mive, vashewaawa na usu na muro, na vengyi vakamarwa mifungwa ando a mikonu myaangu.

DANIELI 11:35

Maata ya valya varango vawaawa, naambo kiwote utefusu valya vasaa-u, vasangywa, na ilyiswa, kutani kyeeri ekyo kya mafurumyony kikee kideesye kyainukya.

DANIELI 12:10

Vandu veengyi mmbo vashekwiilyisa, yewo varavi mmbo vashengeraa iva varavi tupu nta mmbashemanyaa kindo-fo; Valya vatiri urango niwo veni vamanyaa.

Matayo 13:43

Llyo yewo va usumanu vashevaa paa sha mwi mweni; vekee efo umangyi ny lwa Nde-yaawo. Yeto atiri maarwi earannya navearannya.”

Matayo 19:28

Na Yesu kavavia, “Nkya dede shamuvia, ‘Yeni mushilatye mmbo mukooyaa elyi kwamfika meendi findo fyuumbe fisheviirwaa wiiya, elyi Mwana yeto wa nndu ashekaa rembo yoo kitiminy kyakwe kya itumbe, neeni mmbo mushekaa rembo fitimeny ikumi na fivii mushillye ngyufyari ikumi na ivii yeto ta Israeli.’

Matayo 24:45

“Naasany ishinga lyiiyo lyitiri usaari na urango usha llyingalyiny? Nndumi wakwe kammbika nniini wa mmba yakwe nandeavya mashinga wooroye shoonga kyeeri kisumani.

Yohane 4:36

Mwiilula ni ulaalu-da aifo awarya isina lyakwe na yuumbya fimu fyeendesanyirya efo muuny wa llung'anu. Na yeto mweera mbeu kusande na yeto mwiilula vafure kimwi.

Yohane 5:35

Ulya mmbo akee sha taa yaatwa ikamika, Neeni mukakyesa na sa yakwe ando a kivero.

Mashora 13:1

Na efo siriny yeyo yekee Antiokia kweefo vakisuku na vaalimu, nawo ni Barnaba, na Simion evaangwaa Nigeri, na Lukio nndu wa Krene, na Manaeni, veeng'annyi ando amwi na Herode, na Saulo.

1 Vakorinto 3:10

Kiinani na isarya lya Iruva shilelyimmyo, yeny, shivakye mwiitana mmba atiri urango, mmbo shileveiya uvasha, na nndu ungyi mmbo akeetannya-u mmba. Kyaindi wo umwi kuti nalole shaasa atannyaa yoo uvasheny elo.

Vaefeso 4:11

Nawe mmbo alevika vengyi vave varumi; na vengyi ni vakisuku, na vengyi ni vatarami va siri na vengyi ni veesi na veelosha.

Vaebrania 5:12

Mashika alya kyemukooye muve yeni mmbo velosha (mashika kwamiira-u fyeeri fyaasha), lyo fika ulaalu mmbo mukee veloshwa ufundo lwa mbee deny lwa mbony yeti ta Iruva, mukava sha vana vanaa malela vakalemwa shoonga shuumu.

2 Petro 3:15

Loleny sheelyi usisiryo lwa Nndumi weeru mmbo lwaluukya ukiro lweru, shaasa naakwa ni mwanamaye weeru we Paulo alevemureiya ekee na waarya alesimbwa.

Usukuyony 1:20

Kyama kya nyinyiri tilya mfungare kulelollya wokony lwakwa usha, na kya taa tilya mfungare ta saabu, ni ekyi: nyinyiri tilya mfungare ni vasu va siri tilya mfungare, na taa mfungare ni siri mfungare.”

VALETI 5:31

Vakiduva vafo woose Nndumi Iruva vavemamika indo woi Nndumi Iruva. Lyo yewo vakukunndye vave sha nkyeere kyeeri ukeefuma na finya ya vayo ya sa Nalo uruka lukaona ufoo ando a myaaka makumi aana.