DANIELI 12:12 - BIBILLYA Mareiyo Meele a Iruva

¹² Ngoma nnya ewo vashekusiryaa-u kutani kwairau mikonu kyiku kyimwi, mayana araru na makumi araru na iraanu.

DANIELI 12:12 Iomraidhean Croise

ISAYA 30:18

Naakwa ni indo Nndumi Iruva mmbo akeevereya namufwaaye, mmbo asheshaa neemulyillya. Mashika Nndumi Iruva, ni Iruva wa llung'anu.

ESEKIELI 4:6

Kwamminutya mikonu yeyo, mmbo kushelala-se na taari ya woko usha, llyo kushekurikaa ngapo ya vandu va Yuda ando a kyeeri kya mikonu makumi aana, mmbo shakuniinga nkonu umwi, kimwi sha mwaaka umwi.

DANIELI 8:14

Nsu ulya ungyi kandouwa kammbia, “Mmbo kivaa indo ando a mikonu fiku fivii na mayana araru ngama na nkwaany. Llyo mmba ya Iruva ishevauwaany.”

Varome 11:15

Mashika kwakooya ivivyo mbai kyawo mmbo lyileende usandi lwa ulana, a iirikyo lyawo mmbo lyishendee-ki kulaore ni muu numa ya ifwa?

Usukuyony 11:2

Na kari ka mmba ya Iruva kulakee-se-fo, mashika vandu va masanga mmbo valeaniingwa, nawo mmbo vashevavaraa muri yeto mweele ando a miiri 42.

Usukuyony 12:6

Nka ulya karishya kasa, nakooye ando akee nsongosye ni Iruva, naambo nalalollyo-fo ando a mikonu 1260.

Usukuyony 13:5

Nalyo lyikaniingwa wiidimi lwerera marero maniini a fyaararo. Lyikaniingwa na wiidimi lweerunda ando a miiri 42.

Usukuyony 20:4

Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.