DANIELI 12:10 - BIBILLYA Mareiyo Meele a Iruva

¹⁰ Vandu veengyi mmbo vashekwiilyisa, yewo varavi mmbo vashengeraa iva varavi tupu nta mmbashemanyaa kindo-fo; Valya vatiri urango niwo veni vamanyaa.

DANIELI 12:10 Iomraidhean Croise

SABURI 107:43

Yeto atiri urango nalole findo efyo, Vaumburani ilyillya lya Nndumi Iruva.

SABURI 51:7

Kushisangye na miisi, na yeny shiile peru, Kushisangye na yeny shive mwaa ngota kyaamwi.

FYAASO 1:5

Nndu nrango nafiite na yeengera umanyo lwakwe, nawe yeto akee ntele awoni isongoywa.

ISAYA 1:18

Nndumi Iruva aamba, “Oshony, lureryani naakwa ulyamari lwafo lwadodora dawa mmbo lushevaa waa pyany sha kyaamwi, naakwa lwadodora mmbo lushefwanaa sha pafta.

ESEKIELI 36:25

Shishemufwallya mura mmbaramu mwiile pyai, shishemusangya kirinda kyany kyoose na mafwanu any moose.

ESEKIELI 47:11

Indi ando yoo kutiri mapwashi na maruva mbaa-mbaa ya Yeeve nkushevaa-fo mura nsha weena-fo. Kya indi yeto mmbo ushesaa iva mura wa shumbi tupu.

DANIELI 11:33

“Nnaang'ani a vandu valya vatiri urango vasheloshaa vengyi vaidimi imanya, Lyo ando a mikonu mive, vashewaawa na usu na muro, na vengyi vakamarwa mifungwa ando a mikonu myaangu.

DANIELI 11:35

Maata ya valya varango vawaawa, naambo kiwote utefusu valya vasaa-u, vasangywa, na ilyiswa, kutani kyeeri ekyo kya mafurumyony kikee kideesye kyainukya.

DANIELI 12:3

Nawo veeshillya valya varango wo mmbo vashemikaa sha sa yeefo nginii-u. Na valya valelosha vandu itana fya usumanu mmbo vashemikaa sha nyinyiri ta nginii-u llung'anu.”

HOSEA 14:9

A mmbi yeto atiri urango namanye efyo fikee fireiye yaa vafivike nriminy? Shia ta Nndumi Iruva nta usumanu. Na vandu va usumanu mmbo vatisoraa. Lyo valyamari mmbo vateere vakawa-fo.

SEKARIA 13:9

Kyenga ekyi kyimwi mmbo nshekivikaa murony shikisangye sha nndu asangyaa fesa, shishekisisa sheelyi vandu vasisaa saabu. Nalyo vashesendaa irina lwakwa, neeny llyo nshevarouwa. Shaambe yeva ni vandu vakwa nawo vaambe, ‘Nndumi Iruva ni Iruva weeru.’”

MALAKI 3:3

Nave sha nndu akeeffwa fesa na muro na iyiilyisa. Nawe mmbo asheilyisaa vana va Levi, navasangye sha sahabu na fesa. Llyo vasheutyaa Nndumi Iruva firaso fyeeremutu.

Marko 4:11

Nawe kavavia, “Yeni mmbo mwaniingwa imanya mbony yeto shirike ta umangyi lwa Iruva. Indi yewo va poo kyawo kyoose mmbo vakyikooya veevywaa fyaaso.”

Luka 24:25

Nawe kavavia, “Apaa vandu murung'ani, muvetiri na ngoo tikee shiroo ikusirya na filya fikee firere ni valya veawuya fisuku fyoose.

Yohane 18:37

Nalyo Pilato kammbia, “A kwavevaany mangi-ro?” Yesu kaallwa, “Ni yewe kwakyaamba kumuni mmbo shaveva mangyi-da. Kimaruma shawonika na kimaruma shasha na kunu ulaniny ni indevikya ekyo kyikee dede ukureeki. Na wo nndu aparikyeny efo dedeny mmbwe ashaaranyaa unyanga lwakwa.”

Yohane 7:17

Kwakooya nndu akunda itana ekyo kikundywa mmbwe, mmbo akooyaa imanya kya ufundo yelo lwakwa, kwakooya sharera kyuuka na shila yakwa shimuni.

Yohane 8:47

Yeto aparikye efo kwa Iruva, mmbo ashiitaa marero a Iruva, nkyo kyaniinga yeni mulaite nnyeeli mulakee vandu vaparikye efo kwa Iruva.”

1 Vakorinto 6:11

Na vengyi vany mmbo mwekee va ngata yeyo; lyo mukailyiswa, mukaekennywa usumanu na irina lya Nndumi Yesu Kristo, na lya Mumuyo wa Iruva weeru.

2 Vakorinto 7:1

Naasany vakunde vakwa, kimmba lutiri fyaasa yefyo, lukwiilyise luveni lulakani na kirinda kyoose kya mwiili na nrima, lwishinutyaa weele lweru lushindyaa Iruva.

Tito 2:14

yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.

Vaebrania 12:10

Mashika lyo dede yewo ando a mikonu myaangu mmbo valelukapa shaasa valelollya wo veni kivaa, nawe kya pule yeeru, naambo lwaakaniswa weele lwakwe.

1 Petro 1:22

Mukammaa ikwiilyisa mirima yaany na iirikya dede yeyo, muvefikya ikunda lya Kikristo lyilatiri ukunang'ari, mukundani na nrima.

1 Petro 1:7

Naambo elyi kyikusiryo kyany kyisheeswaa, nakyo mmbo kiilanyi saabu shoose yeyo yeeswa na muro, kushe nnduma na itumbe na wiindi, elyi Nndumi Yesu Kristo ashelollywa paa.

1 Yohane 5:20

Lukavemanya sheelyi Mwana wa Iruva alemmaa isha, kaveluniinga na wiidimi lwemanya yeto akee wa dede, neeseny mmbo lukee nnang'ani ya yeto akee wa dede, mmbwe Mwana yeto wakwe we Yesu Kristo. Yeu mmbwe Iruva wa dede, na muu wa llung'anu.

Usukuyony 16:11

Vakaarara Iruva wa iruveu kimaruma kyeevavio, na kimaruma kya moore awo, nta mmbalekurya kya mashora awo-fo.

Usukuyony 19:14

Na maronda yoo akee iruveu akansora, vesaamyi frasi shaa neraa soori shisha tisenyi.

Usukuyony 19:8

Nawe kawona iraa soori shisha, shaa imikamikaa, mashika soori yeyo shisha ni mashora a usumanu a veele.

Usukuyony 22:11

Mwilammya vengyi neengere ivalammya. Na yeto nkyirinda neengere iva nkitimanda. Na mwiitana fya usumanu neengere itana fya usumanu. Na yeto mweele naengere iilyiswa.

Usukuyony 3:18

Mmbo nkee ikuniinga urango, kuure kwakwa saabu ikee shisangye na muro, llyo kuveny isimba; kuraa na soori shaa pyai, sony tafo teeva mbereto tisikkywa, na nri wa yaamba miso afo naambo kulollye.

1 SAMUELI 24:13

Kummbwa kyaaso kya vakuu mmbo kyaamba indi, ‘Weesi mmbo lutawaa ni vandu veesi.’ Kya indi yeny nshikutannya kindo kyeesi tara-fo.