DANIELI 12:1 - BIBILLYA Mareiyo Meele a Iruva

¹ “Kyeeri ekyo akwiipoo nsu yeto nniini we Mikaeli yeto aringaa vandu vafo. Kushe kyeeri kya ngatara kilandelollyo uka elyo vandu vammuumbwa. Elyi kyeeri ekyo kifikaa, vandu vafo woose ewo vakee vareiye efo kyitabuny kya Iruva mmbo vashekyirwaa.

DANIELI 12:1 Iomraidhean Croise

SABURI 56:8

Yewe mmbo kwiishi ngata valenshisisya, Kwamamya na misoru yakwa ngata ifye yefo shupeny yafo, Ni yefo kyitabuny kyafo wo umwi akai.

SABURI 69:28

Marina awo afuutwa-deny efo kyitabuny kya muu; Marina awo alalollywa-deny efo kyitabuny kya vasumanu-fo.

ISAYA 4:3

Yewo vashesaa-fo veifo na muu muriny wa Yerusalemu kulya Sioni mmbo vashevaangwa Veele! Valya marina awo akeemareyye yefo kyitabuny kyakwe wo mmbo vashesaa Yerusalemu.

ISAYA 9:7

Kya umangyi na ushilyi lwakwe ni fya llung'anu filatiri umando, mmbwe asheshillya ando a mangyi Davidi mmbwe asheuvambisaa na iusaleesa fika llung'anu. Efyo mmbo fitanwaa ni Nndumi Iruva wa matorito.

YEREMIA 30:10

Vandu vakwa nta mulairyaa-fo, vandu vakwa nta mulamatuwa Mmbo nshemwauwaa efo urukeny yelo lwa kwaasha, efo mukee mashinga. Mushewuya kyeny mukaye na unapwe. Mukee kipwa, nta mulakiryaa.

YEREMIA 30:7

Kukeesha nkonu weeresye, wiirye mikonu ingyi myoose. Nkonu wa ngatara niini kwa vandu vakwa, lyo mmbo vashekirwaa.”

ESEKIELI 13:9

Mmbo nshoorrwa woko lwakwa uwe yaany yeni vakisuku mukeyaamba wongo na yaawuya fisuku fya ilemba vandu. Kyeeri vandu vakwa vakwaanannya irummbwa shila, yeni mmukooywau-fo. Nta mmuvikwaa yefo urambeny lwa vandu va mmba ya Israeli-fo, nta mmushaanga yefo urukeny lwa Israeli-fo; llyo mumanyaa sha elyi yeny mmbwe Nndumi Iruva.

ESEKIELI 34:24

Neeny Nndumi Iruva, shisheva Iruva waawo nawe Davidi nndundi wakwa, asheva mwiisi mwishillya waawo, Ni yeny Nndumi Iruva shaamba.

ESEKIELI 5:9

Kyeendwa ni utefusu lwaany, mmbo shimukapa na ngapo ing'ani mulandelollye nta shilakaa shiiwuuye lyingyi.

DANIELI 10:13

Nrumi wa umangyi lwa Umedi mmbo alesalala neeny ando a mikonu makumi avii na umwi. Indilyo, nniini wa vasu, we Mikaeli kashesheekya mashika mmbo shenrewa shimuni kulya Umedi.

DANIELI 10:21

Llyo shishaany ikuvia, filya fikee fireiye efo fitabuny fya usumanu. Nta nshitiri ungyi ashiidimaa isheekya kuuta nsu Mikaeli nringyi waany.”

DANIELI 11:45

Ashesha ireiyaa meema akwe maniini nnang'ani ya yeeve, na itumbe lya ifumbu yeele. Lyo ashefikyaa ufishony, kulaore alollya mwintarama.”

DANIELI 7:10

Kikooka-fo kipalapala kya usoka lwa muro lusheekaa mbee yakwe. Nang'u kukakaa-u vandu fiku mafiku vendundyaa, na vengyi ka-fiku maata vakasalala yoo mbee yakwe. Nalyo ikwaanu lya irummbwa mwaandu lyikapooka, na fitabu fikaaluwany.

DANIELI 9:12

Mmbo kuleinutya kilya kulerera kya ilutannya yese, na vasongoru veru yewo valelushillya, kweende ngapo ing'ani ilandelollywa ngapo ing'ani indo ulaniny koose sha ngapo ya Yerusalemu.

YOELI 2:2

Nkonu eto ushevaa irrema na ituu nkonu muu na mafishi asherandavaa. Ironda iniini lya nre lyivakye ireema lyishesikyaa mafumbu. Nkulekee-fo kindo sheekyo-fo nta kishekaafo-fo.

MALAKI 3:16

Naasa valya veevallya na Nndumi Iruva vakaumburana veni na veni. Nndumi Iruva kavaarannya keeta kilya vaamba. Kyitabu kyavayo kikareiyo kima kya yewo valevallya na Nndumi Iruva vakeetikisa irina lyakwe.

Matayo 24:21

Shamashika meendi yoo kushekaa-fo fyuure finiini. Nta uka elyo mapookyony a ulana fika ulaalu kulandekae-fo fing'ani indo-fo. Nta meendi a numa mfishekaa-fo finiini indo-fo.

Marko 13:19

Shamashika fyeeri efyo kushekaa-fo fyuure, nafyo shaasa fikai, filandelollyo fing'ani indo-fo kupookya mapookyony a findo fyuumbe efyo Iruva alefitana kufike ulaalu, nta meendi a numa mfishevaa-se indo-fo.

Luka 10:20

Indi kindo mushefuraa nakyo nshi elyi mimuyo yeyo mikasha imwiirikye-fo, mmbo mushefuraa elyi marina any akee mareiye efo iruveeu.”

Varome 11:15

Mashika kwakooya ivivyo mbai kyawo mmbo lyileende usandi lwa ulana, a iirikyo lyawo mmbo lyishendee-ki kulaore ni muu numa ya ifwa?

Varome 11:26

Nkyoony Israeli shoose ishekirwaa. Nshaasa kyikee kyireiye, Mwiikyira asheshaa ooka Sion. Nasherauwa Yakobo na uravi lwakwe.

Vaefeso 1:21

Kanrosa uwe nnu ngota ngyumangyi toose, na wiidimi na finya na ushilyi, kailannya wo irina lyivaa isenda, nta nshi yaa ulaniny-da-fo, naakwa ni yefo ulaniny elo lwiishaa.

Vafilipi 4:3

Ee-da, shikundye na yewe, ishinga uroye wakwa wa dede, kweekye vaka yewo, mashika mmbo valekapannya Nrumi ya Nsia ando amwi neeny, ando amwi na Klementi, ando amwi na yewo vengyi valeakana neeny nawo marina awo akee efo kyitabuny kya muu.

Yuda 1:9

Kyaindi Mikaeli, we nsu yeto nniini, llya alewaana na Mmbishwa, na iwakyana nawe kya mwiili wa Mose, nnyaleidima yaamba-u kikasha kyakwe-fo, lyo mmbo aleamba, “Nndumi nakukyeemyi.”

Usukuyony 1:5

lyingyi fyuukye kwa Yesu Kristo, akee nkureekyi wa dede, mwana wa mbee wa yewo vafiiye, na mangyi ya vamangyi va ulana. Yeto alukundye na ilusangya ngyulyamari teru na samu yakwe.

Usukuyony 12:7

Naasa kukakaa-fo fira efo iruveu. Mikaeli na vasu vakwe vakakapana na shoka ilya, na shoka yeyo nayo ikakapana nawo na vasu va vayo.

Usukuyony 13:8

Na vandu woose va uruka mmbo vashelyifiryaa ndi, yeto moose irina lyakwe lyilakee ireiye efo kyitabuny kya muu kya Ngurana ya Iruva, ulya aleshishwa uka llya ulana luleumbwa.

Usukuyony 17:14

Yeva mmbo vashekapaa fira na Ngurana ya Iruva, na Ngurana ya Iruva mmbo asheavingaa, mashika we ni Nndumi wa Vanndumi, na Mangyi ya Vamangyi na yewo variyani nawe mmbo valya vavaange vakee vasauwe, vairikye.”

Usukuyony 20:12

Shalollya vafu, vaniini na vadu, vesalalyi yoo mbee ya kitima kilya kya itumbe; numa fitabu fikatarambuwa, na kyitabu kingyi kikatarambuwa, nkyo kilya kya muu; na vafu yewo vakautyo uvingo kiinani na filya fikee fireiye efo fitabuny, shaasa mashora awo akai.

Usukuyony 20:15

Na nndu yeto nalandereiywa efo kyitabuny yekyo kya muu mmbo aleerwa iruveny llya lya muro.

Usukuyony 3:5

Yeto ashevingaa mmbo avikwa indo soori shaa, nta nshisheutaa irina lyakwe efo kyitabuny kya muu-fo na yeny mmbo nshekureekyaa irina lyakwe mbee ya Ndeakwa, na mbee ya vasu vakwe.

Usukuyony 7:14

Na yeny shammbia, “Woi Nndumi wakwa, ni yewe kwiishi.” Nawe kashivia, “Yewo mmbo valya valemmuuka ngatareny ilya ing'ani, nawo mmbo valensangya soori tawo vakaeelyisa na samu ya Ngurana ya Iruva.