DANIELI 11:44 - BIBILLYA Mareiyo Meele a Iruva

⁴⁴ Indi mbony tisheitiwaa tuuka neefo taari ya ngama, na taari ya ndoo, tishemmatwa, ashekwiipoo na finya nniini, eetirwa nnyashi, ashekapana neewaa vandu veengyi.

DANIELI 11:44 Iomraidhean Croise

DANIELI 11:11

Naasa mangyi ya taari ya sinde eetirwa nngoo mmbo ashekapaa fira na mangyi ya taari ya ndoo, lla neelyi atiri nsemu wa itorito lyo ashevingwaa.

DANIELI 11:30

Ngalava tuuka Kitimu, mmbo tisheshaa ikapana fira nawe ashewuya numa kimaruma kya weerei, neekunda yaalasha kyaasa kyeele eetirwa nngoo, sheenduka neekulunga na valya valeepala kyaasa kyeele.

DANIELI 11:43

Mmbo ashesokaa Misri umasi lwawo loose lukee usurumi, lwukee ni saabu, fesa, na masaa engyi a wuuru uniini. Vandu va Libya na Esopia niindo-da vashekooya itannywa.

DANIELI 11:45

Ashesha ireiyaa meema akwe maniini nnang'ani ya yeeve, na itumbe lya ifumbu yeele. Lyo ashefikyaa ufishony, kulaore alollya mwintarama.”

Usukuyony 16:12

Na yeto wa karindaru kapusuya kipete kyakwe kulya mureny ulya nniini uvaangwaa Frati; mura wa vayo ukoomya, naambo kukee shia ya yeende vamangyi vauke taari ya ngaminy.

Usukuyony 17:13

Yaa mmbo akee kindo kimwi nsi, nawo vakeniingya ifisi llya finya tawo na ushilyi lwawo.